Eklesiasta 5:4 - BIBELE Mahungu Lamanene

⁴ Loko u hlambanya emahlweni ka Xikwembu hatlisa u hetisa mhaka ya kona, hikuva Xikwembu xi venga swiphunta, wena endla leswi u swi hlambanyeke.

Xitsonga (Bibele)

⁴ Loko u tibohile eka Xikwembu hi ku hlambanya u nga hlweri ku hetisa, hikuva a xi tsakisiwi hi swihunguki. Hetisa ku hlambanya loku u ku hlambanyeke.

Eklesiasta 5:4 Referans Kwoze

Tinhlayo 30:2

Loko wanuna a tshembisa HOSI Xikwembu ku xi endlela swin'wana, kumbe loko a tiboha hi ku hlambanya leswaku ú ta titsona swin'wana, ú fanele ku hetisa leswi a swi vuleke, a endla hilaha a vuleke hakona a nga siyi nchumu.

Matewu 5:33

“Nakambe mi swi twile leswaku ku vuriwile eka lava khale, va te: ‘U nga tshuki u hundzuka eku hlambanyeni ka wena, kambe u ta endla leswi u nga hlambanya swona emahlweni ka Hosi.’

Pisalema 76:11

Tiboheni eka HOSI Xikwembu, mi humesa leswi mi nga hlambanya ku humesa swona; hinkwavo lava va xi tirhelaka a va humese tinyiko, va luva Xikwembu lexi xo chavisa.

Pisalema 50:14

Ndzi humeseleni magandzelo ya ku nkhensa, hi hetisisa leswi mi tiboheke ku ndzi endlela swona, mina la nge henhla-henhla.

Pisalema 116:14

Ndzi ta hetisisa leswi ndzi tiboheke ku swi humesela HOSI, vanhu va yona hinkwavo va ri karhi va ndzi vona.

Vaheveru 10:6

Magandzelo lama hisiwaka ni timhamba to susa swidyoho, a wu swi tsakelanga.

Malakiya 1:10

Loko ingi ku nga va na un'wana exikarhi ka n'wina loyi a pfalaka timbanti ta Tempele, leswaku mi nga ha ti mi ta tshivela mindzilo mahala alitarini ya mina! A ndzi tsakeli ku mi vona, hambi ma ri magandzelo lawa mi ndzi humeselaka wona, a ndzi nga ma amukeli. Ndzi vurisa sweswo, mina HOSI ya matimba hinkwawo.

Yonasi 2:9

Kambe loko a ri mina, ndzi ta endla leswi ndzi swi hlambanyeke: Ndzi ta ku humesela magandzelo, hi tinsimu to tlangela. Hakunene Xikwembu xa ponisa!”

Pisalema 119:106

Ndzi tiyisile hi ku hlambanya, leswaku swiboho swa wena leswo lulama, ndzi ta swi hlayisa.

Genesa 35:3

kutani hi ta suka hi famba hi ya eBetele leswaku ndzi ya aka alitari kona, ndzi akela Xikwembu lexi xi ndzi hlamuleke loko ndzi ri eku xanisekeni, xi tlhela xi va na mina hinkwako lomu ndzi yeke kona.”

Genesa 35:1

Xikwembu xi ku ka Yakobo: “Sweswi, suka u ya eBetele, u ya tshama kona. Kwale Betele, u ta aka alitari, u akela Xikwembu lexi humeleleke eka wena loko u ri karhi u baleka makwenu Esawu.”

Esaya 19:21

HOSI Xikwembu xi ta tikombisa eka Vaegipta; kutani ku sukela esikwini rero, Vaegipta va ta hamba va xi tiva, va xi tirhela hi ku xi humesela magandzelo ni tinyiko; loko va tiboha hi ku hlambanya ku humesela HOSI Xikwembu xilo xin'wana, va ta endla hilaha va hlambanyeke hakona.

Genesa 28:20

Kutani Yakobo a hlambanya a ku: “Loko wena Xikwembu wo va na mina, u ndzi hlayisa eriendzweni leri ndzi nga ka rona, u ndzi nyika swakudya ni swiambalo,

Vaavanyisi 11:35

Kuteloko Yefta a n'wi vona, a handzulela swiambalo swa yena, a ku: “Yo n'wananga, u ndzi dlele! U ndzi vangele khombo lerikulu, hikuva ndzi tshembisile HOSI Xikwembu hi ku hlambanya, kutani ndzi nge swi koti ku tlhelela endzhaku eka leswi ndzi swi vuleke hi nomo wa mina!”

Pisalema 22:25

Hi wena u ndzi nyikaka matimba ya ku ku dzunisa exikarhi ka ntshungu lowukulu, emahlweni ka lava va ku chavaka, ndzi ta ku humesela magandzelo lawa ndzi nga tiboha ku ma humesa.

Swivuriso 20:25

Swi ni khombo ku tsutsumela ku vula, u ku: “Xilo lexi, ndzi xi nyiketa HOSI Xikwembu!” kutani endzhaku u hundzuluxa miehleketo, eka leswi u tiboheke swona hi ku hlambanya.