Eklesiasta 5:17 - BIBELE Mahungu Lamanene

¹⁷ Masiku hinkwawo ú le xinyamini, a rila; ú tshamela ku hlundzuka, a vabya, a vilela!

Xitsonga (Bibele)

¹⁷ Kutani u dya hi masiku hinkwawo vuswa bya yena emunyameni, a ri ni tingana letikulu, a karihile hi ku vaviseka ka yena.

Eklesiasta 5:17 Referans Kwoze

Pisalema 127:2

A swi pfuni nchumu ku hubuta u tirha, u titsona ni vurhongo nimadyambu, u xanisekela ku kuma swakudya, hikuva HOSI Xikwembu xi nyika lava xi va rhandzaka, hambiloko va etlele.

Timhaka 12:23

Hi nomu lo, ntsumi ya Hosi yi ba Heroda, hikuva a a nga dzunisanga Xikwembu; kutani a dyiwa hi swivungu, a fa.

Pisalema 102:9

Ndzi funya ritshuri ematshan'wini ya ku dya vuswa, swakunwa swa mina swi pfangene ni mihloti,

Pisalema 78:33

Hikokwalaho xi komisile masiku ya vona ya ku hanya, ma hundza tanihi moyanyana ntsena, xi herisa vutomi bya vona hi makhombo.

Ntirho 21:25

Van'wana va dlawa hi xiviti, va lova va nga vonanga minkateko.

2 TIHOSI 5:27

Vona ke, nhlokonho ya Naamani yi ta ku namarhela wena ni vatukulu va wena hilaha ku nga heriki.” Kutani Gehazi a suka eka Elixa, a khomiwile hi nhlokonho, a hundzukile muvala a fana ni gamboko.

2 TIHOSI 1:6

Va n'wi hlamula va ku: “Hi hlanganisiwile hi munhu un'wana endleleni, loyi a hi byeleke ku tlhelela eka wena hosi, wena la hi rhumeke, hi ta ku tivisa leswaku HOSI Xikwembu xi ni rito eka wena, leri nge: ‘Xana ko va hava Xikwembu etikweni ra Israele, leswi u kalaka u rhuma vanhu va ya vutisa eka Baala-Zebubu xikwembu xa le Ekroni, xana? Hikokwalaho, u nga ka u nga ha pfuki emasangwini lawa u etleleke ka wona, kambe u ta fa hakunene.’ ”

2 TIHOSI 1:2

Siku rin'wana, Ahaziya a wa hi le fasitereni ra yindlu ya yena ya le henhla eSamariya, a tivavisa swinene. Hiloko a rhuma vanhu emutini wa Ekroni, a ku: “Yanani mi ya vutisa eka Baala-Zebubu xikwembu xa le Ekroni, leswaku xana ndzi ta hola evuvabyini lebyi bya mina ke?”

1 TIHOSI 17:12

Noni yi hlamula yi ku: “Ndzi tiyisa emahlweni ka HOSI Xikwembu xa wena lexi hanyaka: A ndzi na swo swekiwa ekaya. Ndzo va ni xandla xa mapa ntsena embiteni, ni mafurhanyana exikhudzeni. Sweswi ndzi le ku rhoteleni ka swihlahlana swi nga ri swingani, leswaku hi ya tiswekela swakudyanyana mina ni n'wana; kutani loko hi dyile, ku to sala ku va hi fa.”

Genesa 3:17

HOSI Xikwembu xi ku ka Adamu: “U pfumerile leswi nsati wa wena a ku byeleke swona, kutani u dya mihandzu ya murhi lowu ndzi ku leriseke ndzi ku: ‘U nga tshuki u yi dya.’ Hikokwalaho u vangele misava endzhukano, kutani swakudya leswi swi nga ta huma emisaveni, u ta swi kuma hi ku karhateka vutomi bya wena hinkwabyo.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Eklesiasta 2:23

Masiku hinkwawo ú vona mahlomulo ntsena, mintirho ya yena yi n'wi vangela maxangu; hambiloko a etlele nivusiku, ú tsandzeka ku wisisa byongo. Na swona sweswo, a swi pfuni nchumu.

Eklesiasta 2:10

Ndzi kumile hinkwaswo leswi mahlo ya mina a ma swi navela; leswi mbilu ya mina yi swi laveke, a ndzi yi tsonanga swona. Ndzi tinyungubyisile hi mintirho hinkwayo ya mavoko ya mina, yi va yona hakelo ya mina, eku tikarhateni ka mina.

Eklesiasta 2:24

Loko munhu a kota ku dya ni ku nwa, ni loko a vona leswo tsakisa entirhweni wa yena, a hi minkateko leyi a tikumeleke yona hi yexe, e-e. Hi ku twisisa ka mina, swilo leswi i tinyiko leti humaka eka Xikwembu.

Eklesiasta 7:14

Hi siku ra minkateko, tsaka, kambe u tianakanya esikwini ra khombo, hikuva masiku lawa, ha mambirhi, ma endliwile hi Xikwembu; kutani swa masiku lawa ya ha taka, xi hi fihlela swona ha vomu.