Eklesiasta 5:14 - BIBELE Mahungu Lamanene

¹⁴ Rifuwo rero ri dyiwa hinkwaro hi mabindzulele lama hoxekeke. N'wini wa rona a a ri ni n'wana, kambe n'wana loyi a nga ha kumi nchumu!

Xitsonga (Bibele)

¹⁴ Rifuwo rero ri onhiwa hi khombo rin'wana; kakuloko a velekile n'wana ku nga ha sali nchumu evokweni ra yena.

Eklesiasta 5:14 Referans Kwoze

Hagayi 1:9

A mi languterile ndzalo, kambe vonani, a mi tshovelanga nchumu. Naswona loko mi vuyile na swona ekaya, ndzi swi hangalasile. Mina HOSI ya matimba hinkwawo ndzi vutisa ndzi ri, hikwalaho ka yini ke? Mhaka hileswaku un'wana ni un'wana wa n'wina ú tikarhatela yindlu ya yena, kasi yindlu ya mina i rhumbi ntsena!

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Swivuriso 23:5

rifuwo a ri hlweli ku nyamalala, ri hatla ri mila timpapa, ri haha ku fana ni gama, ri ya henhla.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Ntirho 5:5

Vanhu va ndlala va xi tekela swakudya, hambiloko xi swi biyelela hi mitwa; lava nga ni makungu ya ku yiva, va navela ku phangha rifuwo ra xona.

1 TIHOSI 14:26

yi phangha xuma xa yindlu ya HOSI Xikwembu, ni xuma xa le ntsindza; yi phangha hinkwaswo, ku katsa ni switlhangu hinkwaswo swa nsuku leswi vumbiweke hi hosi Solomoni.

1 SAMIELE 2:36

Un'wana ni un'wana wa rixaka ra wena la nga ta sala, ú ta titsongahata emahlweni ka muprista loyi; ú ta kombela mali eka yena, kumbe vuswa, a kombela ni ku amukeriwa exikarhi ka vaprista, leswaku a ta kuma swo tihanyisa ha swona.’ ”

Eklesiasta 5:13

Laha misaveni, ndzi vonile mhaka leyi tikaka ku tlula mpimo: Munhu ú tihlengeletela rifuwo kambe ri n'wi vangela maxangu.

Eklesiasta 5:15

Ú velekiwile a nga ambalanga, ú ta fisa sweswo a nga ri na nchumu, a lova a nga rhwali na xin'we xa leswi a tikarhateleke swona.

Ntirho 1:21

a ku: “Ndzi velekiwile ndzi nga ri na nchumu, ndzi ta fa ndzi nga ri na nchumu. HOSI Xikwembu xi nyikile, kambe xi tlhele xi teka. A ku dzunisiwe vito ra xona!”

Pisalema 49:18

Munhu loko a ha hanya, ú titwa a katekile, vanhu van'wana va n'wi dzunisa loko a humelela,