Eklesiasta 5:10 - BIBELE Mahungu Lamanene

¹⁰ Munhu loyi a rhandzaka mali, ú ri, a nga kumi yo ringana; la tsakelaka rifuwo, ú ri, a ri n'wi vuyiseli nchumu. Na swona sweswo, a swi pfuni nchumu.

Xitsonga (Bibele)

¹⁰ La rhandzaka mali, a nga ka a nga kolwi hi mali; la rhandzaka ku hanya hi ndzalo, na yena, a nga ka a nga kolwi ha yona. Na swona i vuhava.

Eklesiasta 5:10 Referans Kwoze

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.

Matewu 6:24

“A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

Matewu 6:19

“Mi nga tihlengeleteli xuma emisaveni, laha tinsumba ni ku kurha swi dyaka kona, ni laha makhamba ma tshovaka kona, ma yiva.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Pisalema 62:10

U nga tshembi mintirho ya tihanyi, ku kanganyisa vanhu a swi nga ku vuyiseli nchumu. Hambiloko rifuwo ri nga ku talela, u nga tiseketeli ha rona.

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Pisalema 52:7

“Vonani munhu loyi a nga ala leswaku Xikwembu xi va khokholo ra yena, hikuva a a tshemba ku tala ka rifuwo ra yena, a ehleketa leswaku ri nga n'wi biyelela.”

Eklesiasta 2:11

Kambe loko ndzi kambisisa hinkwaswo leswi ndzi swi endleke hi mavoko ya mina, ndzi vonile leswaku leswi ndzi tikarhateleke swona, a swi nga pfuni nchumu, a ndzi nga vuyeriwi hi nchumu laha misaveni.

Eklesiasta 4:16

Ntshungu wa kona a wu ri ntsandza-vahlayi, loko wu ya tiveka ehansi ka lowa jaha. Hambiswiritano, emalembeni lama taka, vanhu a va nga ha tsakeli hosi leyintshwa leyi. Hakunene, na swona sweswo a swi pfuni nchumu, i ku hlongorisa moya ntsena.

Eklesiasta 3:19

Vanhu ni swiharhi i swivumbiwa leswi kombiweke ndlela yin'we: Hinkwaswo swa hefemula, naswona hinkwaswo swa fa. Vanhu a va tluli swiharhi ha nchumu. Hakunene ku hava lexi pfunaka.

Eklesiasta 6:7

Ku tikarhata hinkwako ka vanhu ku mitiwa hi sirha, kambe rona a ri xurhi!

Eklesiasta 1:17

Kutani, hi ku tirhisa miehleketo ya mina, ndzi kambisisile ku hambana exikarhi ka vutlhari na rihuhe kumbe vuphunta, ndzi ya kuma leswaku sweswo na swona i ku hlongorisa moya,

Pisalema 52:1

We nhenha, wo tidzunisa ntsena hi mintirho ya wena leyo biha, hikuva rirhandzu ra Xikwembu ri na mina masiku hinkwawo!

Eklesiasta 1:8

Swilo hinkwaswo swa phirha, ku phirha ka kona a ku hlamuseleki; tihlo ra vona, kambe a ri kolwi, ndleve ya twa, kambe a yi xurhi.

Eklesiasta 2:10

Ndzi kumile hinkwaswo leswi mahlo ya mina a ma swi navela; leswi mbilu ya mina yi swi laveke, a ndzi yi tsonanga swona. Ndzi tinyungubyisile hi mintirho hinkwayo ya mavoko ya mina, yi va yona hakelo ya mina, eku tikarhateni ka mina.

Eklesiasta 5:9

Eka hinkwaswo leswi, tiko ri ta pfuneka ntsena loko hosi yi tirimela masimu etlhelo.