Eklesiasta 4:9 - BIBELE Mahungu Lamanene

⁹ Ku va vambirhi, swi tlula ku va un'we ntsena, hikuva va vuyeriwa ku antswa entirhweni wa vona.

Xitsonga (Bibele)

⁹ Vambirhi va tlula un'we, hikuva va ni hakelo leyinene ya ntirho wa vona.

Eklesiasta 4:9 Referans Kwoze

Swivuriso 27:17

Nsimbhi yi lota nsimbhi, na yena munhu, ú tlharihisa hi van'wana.

Genesa 2:18

Kutani HOSI Xikwembu xi ku: “A swi sasekanga loko munhu a tshama a ri yexe; ndzi ta n'wi endlela nakulobye loyi a n'wi fanelaka.”

Marka 6:7

A vitana lava khume na vambirhi, a va rhuma ha vambirhi-mbirhi, a va nyika matimba yo hlula mimoya ya thyaka.

Tinhlayo 11:14

Vanhu lava i ndzhwalo lowukulu eka mina, ndzi nga ka ndzi nga va koti ndzi ri ndzexe.

Yohane 4:36

la tshovelaka ú kuma hakelo, kutani ú hlengeleta mavele, a ma hlengeletela ku kuma vutomi lebyi nga heriki, leswaku loyi a byalaka ni loyi a tshovelaka va kota ku tsaka swin'we.

Timhaka 13:2

Loko va ri karhi va titsona swakudya va gandzela Hosi, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Rhuti 2:12

HOSI Xikwembu a xi ku katekise hi mintirho leyi ya wena. Xona Xikwembu xa Israele lexi u teke ku ta hlayisiwa hi xona, a xi ku nyike hakelo hi ndzalo.”

Hagayi 1:14

Kavaloko HOSI Xikwembu xi pfuxa moya wa Zerubabele ndhunankulu ya tiko ra Yuda n'wana Salatiele, ni moya wa Yoxuwa muprista lonkulu n'wana Yoxafati, xi pfuxa ni moya wa lava vuyeke hi le vukhumbini. Va hlengeletana, va sungula ntirho wo pfuxa yindlu ya HOSI ya matimba hinkwawo, Xikwembu xa vona.

2 Yohane 1:8

Hikokwalaho, tivoneleni leswaku mi nga lahlekeriwi hi leswi mi nga tikarhatela swona, kambe mi kota ku kuma hakelo leyi yi mi fanelaka.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Eklesiasta 4:10

Nakambe, loko va khuguka va wa, un'wana ú ta pfuxa loyi un'wana. Kasi la nga yexe, ú le khombyeni, loko a wela hansi, ú pfumala wo n'wi pfuxa.

1 TIKRONIKA 19:12

Kutani Yowabu a ku ka Abixayi: “Loko Vasiriya va ndzi tsandza, u ta u ta ndzi pfuna; na mina loko Vaamoni va ku tsandza, ndzi ta ku pfuna.