Eklesiasta 4:13 - BIBELE Mahungu Lamanene

¹³ Jaha ro tlhariha, hambi ri ri xisiwana, ri tlula hosi ya xiphunta leyi dyuhaleke, leyi alaka ni ku tsundzuxiwa.

Xitsonga (Bibele)

¹³ N'wana la tlhariheke wa xisiwana u tlula hosi leyi dyuhaleke ya xiphukuphuku, leyi nga riki na ku tsundzuxiwa.

Eklesiasta 4:13 Referans Kwoze

2 TIKRONIKA 25:16

Loko muprofeta a ha vulavula, Amasiya a n'wi tsema nomo, a ku: “Xana u lo vekiwa ku va mutsundzuxi laha ntsindza xana? Miyela, loko u nga lavi ku pulukanyiwa!” Muprofeta a miyelanyana, kambe a engeta a ku: “Loko ndzi vona maendlele ya wena lawa, ni leswaku u ndzi sivela ku ku komba ndlela, ndza swi vona leswaku hakunene Xikwembu xi tiyimiserile ku ku herisa!”

Swivuriso 19:1

Xisiwana lexi tshembekeke, xi tlula xiphunta lexi tivulavulelaka swo huma ndleleni.

Swivuriso 28:6

Xisiwana lexi hanyaka hi ku tshembeka, xi tlula n'wankumi loyi a nga ni mikhuva yo biha.

1 TIHOSI 22:8

Kutani hosi ya Israele yi hlamula Yoxafati yi ku: “Ina, ka ha ri ni munhu un'we, loyi hi nga vutisaka eka yena leswaku HOSI Xikwembu xi ri yini eka swona; i Mikaya n'wana Imila. Kambe mina ndza n'wi venga hikuva a nga ndzi vhumbheli nchumu xo saseka, wo ndzi byela leswo biha ntsena minkarhi hinkwayo.” Yoxafati a ku: “Hayi, a hi wena hosi u fanelaka ku vulavurisa sweswo!”

Genesa 37:2

Lawa i matimu ya ndyangu wa Yakobo. Loko Yosefa a ri ni malembe ya 17, a a risa swifuwo leswitsongo swin'we ni vamakwavo, vana va Biliha na Zilipa vasati va tata wa yena. Yosefa a a hamba a vuya a rungulela tata wa yena swilo leswo biha leswi vamakwavo a va swi endla.

Eklesiasta 4:12

Xigevenga xi nga hlula la nga yexe, kambe loko va ri vambirhi, va ta xi tsutsumisa. Ntambhu ya miluko minharhu, a yi nga hatli ku tsemeka.

Eklesiasta 7:19

Munhu wo tlhariha ú sirheleriwa hi vutlhari byakwe, ku tlula muti wo lweriwa hi khume ra mavuthu.