Eklesiasta 3:5 - BIBELE Mahungu Lamanene

⁵ Ku ni nkarhi wo hangalasa maribye, ni nkarhi wa ku ma hlengeleta; ku ni nkarhi wo vukarhana, ni nkarhi wo tshika ku vukarhana.

Xitsonga (Bibele)

⁵ Nkarhi wu kona wa ku hoxa maribye wu kona nkarhi wa ku rholela maribye, nkarhi wu kona wa ku ntswontswa, wu kona nkarhi wa ku tshika ku ntswontswana.

Eklesiasta 3:5 Referans Kwoze

2 TIHOSI 3:25

Va hirimuxela miti; va cheletela maribye ma tata masimu hinkwawo lamanene, un'wana ni un'wana a hoxa ribye eka wona; va seletela swihlovo hinkwaswo, va tsema ni mirhi hinkwayo ya mihandzu yi wela hansi. Endzhaku, ku sala ntsena rirhangu ra muti wa Kiri-Harasete ra ha yimile. Kutani ntlawa wa lava lwaka hi swipelupelu va rhendzela muti lowu, va wu hlasela.

Yoxuwa 10:27

Kutani nimadyambu Yoxuwa a lerisa vanhu leswaku va ya hawula mintsumbu ya tona, va ya yi hoxa ebakweni leri a ti tumberile eka rona, kutani va veka maribye lamakulu enyangweni ya bako. Maribye lawa, ma ha ri kona ni namuntlha.

Yuwele 2:16

Hlengeletani ntshungu mi wu basisa, vitanani vakulukumba, mi hlengeleta ni vana, hambi swi ri swihlangi swa le makatleni. Jaha lera ha ku tekaka, ri humeseni endlwini ya rona, hlomisa na rona, a ri hume.

Eksoda 19:15

A engeta a ku ka vona: “Mundlwana, ri nga siku ra vunharhu, mi fanele ku va mi hetile, naswona mi nga tshuki mi etlela ni vasati va n'wina.”

1 Vakorinto 7:5

Mi nga tshuki mi alelana, ehandle ka loko kumbexana mi nga alelana nkarhinyana, ku ri hi ku twanana, loko mi lava ku tinyiketa eku khongeleni kutani endzhaku mi tlhela mi vuyelelana. Sathana a nga tshuki a mi ringa hikwalaho ka ku tsandzeka ka n'wina ku tikhoma.

Eklesiasta 3:4

Ku ni nkarhi wa mihloti, ni nkarhi wa minkulungwana; ku ni nkarhi wo rila nkosi, ni nkarhi wo dya nkhuvo.

Eklesiasta 3:6

Ku ni nkarhi wo tilavela xilo, ni nkarhi wo lahlekeriwa hi xona; ku ni nkarhi wo londzovota xilo, ni nkarhi wo xi cukumeta.