Eklesiasta 3:22 - BIBELE Mahungu Lamanene

²² Kutani ndzi swi vonile leswaku munhu a nga na lexi a nga titsakisaka ha xona, loko yi nga ri mihandzu ya ntirho wa yena; hi swona leswi a averiweke swona. Xana i mani loyi a nga n'wi kombaka leswi nga ta humelela mundzuku xana?

Xitsonga (Bibele)

²² Loko swi ri tano, ndzi vonile leswaku a ku na vunene lebyi tlulaka leswaku munhu a tsakela mitirho ya yena, hikuva hi kona ku averiwa ka yena. Hikuva a nga tlherisiwa hi mani ku ta tsakela leswi nga ta sala endzhaku ka yena?

Eklesiasta 3:22 Referans Kwoze

Eklesiasta 2:24

Loko munhu a kota ku dya ni ku nwa, ni loko a vona leswo tsakisa entirhweni wa yena, a hi minkateko leyi a tikumeleke yona hi yexe, e-e. Hi ku twisisa ka mina, swilo leswi i tinyiko leti humaka eka Xikwembu.

Eklesiasta 10:14

Xiphunta xi vulavula ngopfu, hambileswi munhu a nga tiviki leswi nga ta humelela mundzuku, hambileswi a nga twisisiki leswi nga ta va kona loko a hundzile.

Eklesiasta 8:7

a nge tivi leswi nga ta humelela mundzuku; naswona, i mani la nga n'wi tivisaka matele ya swona xana?

Eklesiasta 6:12

Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Eklesiasta 11:9

Wena lontshwa, tsakela vuntshwa bya wena, u tiphina emasikwini wolawo. Famba hi tindlela leti u ti rhandzaka, leti kokaka mahlo ya wena, kambe tiva leswaku Xikwembu xi ta ku avanyisa ehenhla ka leswi hinkwaswo.

Matewu 6:34

Hikwalaho ke mi nga tshuki mi vilela hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana, ku ringene rona.

Daniele 12:13

“ ‘Kambe wena Daniele, tiyisela endleleni ya wena ku kondza u ya fika emakumu; u ta wisa, kutani eminkarhini ya makumu, u ta suka u yima, u amukela ndzhaka ya wena.’ ”

Eklesiasta 9:12

Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

Eklesiasta 8:15

Hikokwalaho mina ndzi ri, swi sasekile loko vanhu va kuma ku tsaka va ha hanya emisaveni; va nge nyikiwi nkateko wo tlula wa ku dya ni ku nwa va tiphina, hikuva hi swona leswi swi nga ta va wisisa eku tikarhateni ka vona, emasikwini ya ku hanya ka vona laha misaveni, lawa Xikwembu xi va nyikeke wona.

Ntirho 14:21

Vana va yena va nga dzunisiwa, kambe yena a nge swi tivi; ni loko va tsongahatiwa, a nge swi voni.

Duteronoma 28:47

“HOSI Xikwembu xa n'wina xi mi katekisile hi swilo leswo tala, kambe a mi xi tirhelanga hi timbilu leto basa leti tsakeke;

Duteronoma 12:18

Kambe sweswo mi ta swi dyela emahlweni ka HOSI Xikwembu endhawini leyi xi nga ta tihlawulela yona; mi ta dya ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava va nga mitini ya n'wina, mi titsakela emahlweni ka HOSI Xikwembu eka hinkwaswo leswi mi swi endlaka.

Duteronoma 12:7

Mi ta dyela endhawini leyi mi tsakile, emahlweni ka HOSI Xikwembu xa n'wina, hikuva xi ta va xi mi katekisile eka hinkwaswo leswi mi nga ta swi endla, n'wina ni mindyangu ya n'wina.

Eklesiasta 2:18

Ndzi sungurile ku venga hinkwaswo leswi ndzi swi kumeke hi ku tikarhata ka mina laha misaveni, hikuva ndzi ta boheka ku swi siyela munhu loyi a ndzi tlhandlamaka.

Eklesiasta 7:14

Hi siku ra minkateko, tsaka, kambe u tianakanya esikwini ra khombo, hikuva masiku lawa, ha mambirhi, ma endliwile hi Xikwembu; kutani swa masiku lawa ya ha taka, xi hi fihlela swona ha vomu.

Eklesiasta 9:6

Hambi rirhandzu, kumbe rivengo, kumbe mavondzo, eka vona swi nyamalarile hinkwaswo; emintirhweni hinkwayo leyi tirhiwaka la misaveni, a va ha nghenisi voko.