Eklesiasta 3:2 - BIBELE Mahungu Lamanene

² Ku ni nkarhi wo velekiwa, ni nkarhi wa ku fa; ku ni nkarhi wa ku byala, ni nkarhi wo tsuvula leswi byariweke.

Xitsonga (Bibele)

² Nkarhi wu kona wa ku velekiwa wu kona nkarhi wa ku fa, nkarhi wu kona wa ku simeka, wu kona nkarhi wa ku tsuvula leswi simekiweke.

Eklesiasta 3:2 Referans Kwoze

Vaheveru 9:27

Tanihi leswi ku lulamisiweke leswaku vanhu va fa kan'we, kutani endzhaku ka swona ku ta ku avanyisiwa,

Ntirho 14:5

Masiku ya munhu ma pimiwile, hi wena u tivaka ntsengo wa malembe ya yena ya ku hanya; u n'wi bele mindzilekana leyi a tsandzekaka ku yi tlula.

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

Luka 1:20

Languta, u ta hundzuka mbheveve, u hluleka ku vulavula ku ko ku fika siku leri swilo leswi swi nga ta humelela ha rona, hikuva a wu pfumelanga marito ya mina, lama nga ta hetiseka hi nkarhi wa wona.”

Matewu 15:13

A hlamula, a ku: “Ximila xin'wana ni xin'wana lexi nga simekiwangiki hi Tata wa mina wa le tilweni, xi ta tsuvuriwa.

Yohane 16:21

Loko wansati a veleka, ú twa ku vava lokukulu, hikuva nkarhi wa yena wu fikile; kambe loko a velekile n'wana, wa rivala maxangu ya yena hikwalaho ka ku tsaka, hileswi ku nga velekiwa munhu emisaveni.

Esaya 38:1

Enkarhini wolowo, Hezekiya a khomiwa hi vuvabyi lebyi nga lava ku n'wi yisa eku feni. Muprofeta Esaya n'wana Amotsi a ya n'wi pfuxela, kutani a ku ka yena: “HOSI Xikwembu xi vurisa sweswo, xi ri: ‘Lulamisa swa muti wa wena, hikuva u le kusuhi ni ku fa, a wu nga hanyi.’ ”

Ntirho 7:1

“Laha misaveni, munhu ú rhwexiwa ntirho lowu a nga wu laviki, vutomi bya yena byi fana ni bya muthoriwa.

Timhaka 7:20

“Enkarhini lowu, ku velekiwa Muxe. A a sasekile emahlweni ka Xikwembu; kutani a wundliwa tin'hweti tinharhu endlwini ya tata wa yena.

Timhaka 7:17

“Kuteloko ku tshinele nkarhi wa ku hetiseka ka leswi Xikwembu xi swi tshembiseke Abrahama, rixaka ra hina ri kula, ri andza etikweni ra Egipta;

Yohane 7:30

Kutani va ringeta ku n'wi khoma; kambe a ku vanga na un'we la nga yisa voko eka yena, hikuva nkarhi wa yena a wu nga si fika.

Luka 1:36

Kutani tiva leswaku xaka ra wena Elizabeta na yena ú tikile eku dyuhaleni ka yena; n'hweti leyi i ya vu-6 eka yena loyi a a vuriwa mhika,

Luka 1:13

Kambe ntsumi yi ku ka yena: “U nga chavi Zakariya, hikuva ku khongela ka wena ku yingisiwile; Elizabeta, nsati wa wena, ú ta ku velekela n'wana wa mufana, kutani u ta n'wi thya vito ra Yohane,

Matewu 13:41

N'wana-wa-Munhu ú ta rhuma tintsumi ta yena, ti ta humesela ehandle ka Mfumo wa yena vakhunguvanyisi hinkwavo ni lava endlaka leswo biha,

Yeremiya 45:4

Kambe HOSI Xikwembu xi ndzi lerisile ku ku tivisa marito ya xona lama nge: ‘Yingisa! Ndzi faya leswi ndzi swi akeke; leswi ndzi swi byaleke, ndza swi tsuvula; ndzi endlisa sweswo emisaveni hinkwayo.

Yeremiya 1:10

Namuntlha ndzi ku nyika matimba ya ku fuma matiko ni tihosi ta wona: U ta tsuvula, u wisela hansi, u mbundzumuxa, u herisela makumu, u aka, u tlhela u byala.”

Esaya 54:1

HOSI Xikwembu xi ri: “We Yerusalema, a wu fana ni wansati loyi a nga velekiki, loyi a nga riki na n'wana na un'we; a wu fana ni wansati loyi a tshikiweke hi nuna, kambe sweswi yimbelela, u ba ni nkulungwana, hikuva u ta va ni vana vo tala, ku tlula wansati loyi a nga si tshamaka a hambana ni nuna wa yena.

Esaya 38:5

“Famba u ya byela Hezekiya leswaku HOSI Xikwembu xa Davhida kokwa wa yena xi vurisa sweswo xi ri: ‘Xikhongelo xa wena ndzi xi twile, ndzi vonile ni mihloti ya wena. Hikokwalaho, ndzi ta engetela vutomi bya wena hi malembe ya 15.

Pisalema 113:9

Wansati loyi a a ri mhika, xi n'wi nyika ku tshamiseka emutini, ni ntsako wo veleka vana. Dzunisani HOSI!

Pisalema 52:5

Kambe Xikwembu xi ta ku herisela makumu, xi ta ku wisa, xi ku humesa emutini wa wena, xi ta ku tsuvula u suka etikweni ra lava hanyaka.

Ntirho 14:14

Loko munhu a a kota ku fa a tlhela a hanya, a ndzi ta tiyisela emaxangwini ya mina hinkwawo, ndzi yimela ku ntshunxiwa eka wona.

2 TIHOSI 4:16

Elixa a ku ka yena: “Haxawu, hi nkarhi lowu, loko u ntshunxekile, u ta va u xingile n'wana wa mufana.” Kutani wansati a kaneta a ku: “A hi swona, wena munhu wa Xikwembu n'wini wanga; ndzi nandza wa wena, u nga ndzi byeli vunwa.”

1 TIHOSI 13:2

Kutani hi ku lerisiwa hi HOSI Xikwembu, munhu loyi a huwelela a ri karhi a sandza ni alitari, a ku: “We alitari, we alitari, HOSI Xikwembu xi ni rito eka wena leri nge: ‘Yingisa! Ku ta velekiwa n'wana wa mufana erixakeni ra Davhida. Vito ra yena ri ta va Yosiyasi. Ú ta dlaya vaprista va switsunga leswo hlawuleka ehenhla ka wena, vona lava hisaka magandzelo eka wena. Hambi ma ri marhambu ya vanhu ma ta hisiwa ehenhla ka wena.’ ”

1 SAMIELE 2:5

Vanhu lava khale a va dya va xurha, sweswi va famba va tirhela vuswa; kambe lava khale a va sika, sweswi a va ha etleli na ndlala. Mhika yi veleka vana va 7, kasi loyi a a ri ni vana lavo tala, ú lo sala a ri yexe.

Duteronoma 34:5

Kutani Muxe nandza wa HOSI Xikwembu a fela kwale tikweni ra Mowabu, hilaha HOSI Xikwembu a xi vurile hakona,

Genesa 47:29

Loko nkarhi wa yena wa ku hundza emisaveni wu ri kusuhi, Yakobo a vitana n'wana wa yena Yosefa, a ku ka yena: “Loko u ndzi tsakela hakunene, ndzi kombela leswaku u vekela voko ra wena exikarhi ka milenge ya mina, u tiboha leswaku u ta va munhu wo tshembeka, wa ntiyiso, eka mina: U nga tshuki u ndzi lahla laha tikweni ra Egipta,

Genesa 17:21

Kambe ndzi ta endla ntwanano na Isaka, a nga n'wana loyi a nga ta velekiwa hi Sara lembe leri taka hi nguva leyi.”

Swivuriso 24:27

Rhanga u dyondza ku titirhela, u lulamisa ni masimu ya wena, hi kona u nga ta aka muti.

Esaya 28:24

Xana murimi, wo tshamela ku rima kambe a nga byali nchumu xana? Xana nkarhi hinkwawo, wo tshamela ku pfumpfunya a lunghisa misava xana?