Eklesiasta 3:16 - BIBELE Mahungu Lamanene

¹⁶ Emisaveni, ndzi vonile na leswi: Etihubyeni, nawu a wu landzeleriwi; laha ku lavekaka leswo lulama, ku tele leswo biha.

Xitsonga (Bibele)

¹⁶ Ndzi engeta kambe ndzi vona ehansi ka dyambu leswaku ku homboloka a ku ri kona endhawini ya ku avanyisa ni ku homboloka a ku ri kona endhawini ya ku lulama.

Eklesiasta 3:16 Referans Kwoze

Eklesiasta 4:1

Kutani ndzi engeta ndzi vona hilaha vanhu va xanisanaka hakona emisaveni: Langutani mihloti ya vaxaniseki, ku hava loyi a va miyetaka; a va tweriwi vusiwana, hikuva vaxanisi va ni matimba.

Eklesiasta 5:8

Loko u vona swisiwana swi xanisiwa etikweni, ni loko milawu leyo lulama yi nga ha landzeleriwi, u nga hlamali hi mhaka yo tano, hikuva tindhuna ti fuma hi tindhuna-kulobye, kambe hinkwato ti le hansi ka ndhunankulu.

Timhaka 23:3

Kambe Pawulo a ku ka yena: “Xikwembu xi ta ku ba, wena khumbi leri basisiweke, hikuva u tshamile kwala ku ndzi avanyisa hi nawu, kasi u tlula nawu hi ku lerisa leswaku ndzi biwa.”

Yakobo 2:6

Kambe n'wina mi sorisile xisiwana! Xana a hi vafuwi lava va mi tshikelelaka xana? Xana a hi vona lava va mi kokelaka etihubyeni xana?

Matewu 26:59

Kutani vaprista lavakulu, ni huvo hinkwayo ya Sanedri, a va lava vumbhoni bya mavunwa byo hehla Yesu ha byona leswaku va ta n'wi dlaya;

Sofoniya 3:3

Varhangeri va muti lowu i tinghala leti bongaka, vaavanyisi va wona i timhisi ta vusiku leti dyaka ti heta, ri nga si xa.

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Mikiya 2:2

Vanhu lava, loko va navela masimu kumbe tindlu, vo tekela van'wana hi nkanu. Va xanisa munhu ni ndyangu wa yena, va n'wi tekela leswi nga ndzhaka ya yena.

Esaya 59:14

Mintirho leyo lulama yi hlongoriwile, leswinene swi nge tshineli kusuhi, hikuva ntiyiso wu khugukile wu wa erivaleni ra muti, kutani leswo lulama swi nga ka swi nga ngheni emutini.

Eklesiasta 8:9

Laha misaveni, ndzi xiyaxiyile swilo leswi vanhu va swi endlaka, kutani ndzi kumile leswaku lava nga ni matimba, va ma tirhisa ku xanisa vanhu van'wana.

Eklesiasta 5:7

Milorho yo tala ni ku jakatseka a swi pfuni nchumu, kambe wena u nga rivali ku chava Xikwembu.