Eklesiasta 2:8 - BIBELE Mahungu Lamanene

⁸ Naswona ndzi tihlengeletele nsuku ni silivhere ni swilo hinkwaswo swa nkoka swo huma eka tihosi ni matiko ya tona. Ndzi tikumele vayimbeleri va xinuna ni va xisati, ndzi tikhorwisa hi ku teka vasati lavo tala.

Xitsonga (Bibele)

⁸ Ndzi tihlengeletela silivhere ni nsuku, ni xuma xa tihosi ni xa matiko; ndzi tilavela swiyimbeleri swa vavanuna ni swa vavasati, ndzi titsakela hi mukhuva wa vana va vanhu, va nga vasati lavo tala.

Eklesiasta 2:8 Referans Kwoze

1 TIHOSI 10:10

Kutani nkosikazi yi nyika hosi Solomoni ensuku lowu tikaka ku tlula tithani ta 5, yi n'wi nyika ni maviriviri layo tala ngopfu, ni maribye ya nkoka. Maviriviri ya xitalo lawa nkosikazi ya le Xeba yi ma nyikeke hosi Solomoni, a ma ha kumekanga eYerusalema ni siku ni rin'we.

1 TIHOSI 9:28

Va ya fika le tikweni ra Ofiri, va ya kuma ni nsuku wo tika ku tlula tithani ta 17, kutani va vuya na wona eka hosi Solomoni.

2 SAMIELE 19:35

Sweswi ndzi ni malembe ya 80; a ndza ha koti ku hambanisa leswo tsakisa ni leswi nga tsakisiki; ni leswi ndzi swi dyaka kumbe ndzi swi nwaka, a swa ha twali ku nandziha ka swona; hambi ma ri marito ya vavanuna ni ya vavasati loko va yimbelela, a ma ha ndzi tsakisi; hikokwalaho, mina nandza wa wena, a ndzi lavi ku hundzuka ndzhwalo eka wena, we hosi n'wini wanga.

1 TIHOSI 10:14

Hi lembe rin'we ntsena Solomoni a a tiseriwa nsuku lowu tikaka ku tlula tithani ta 25.

Amosi 6:5

Mi tisumela tinsimu hi haripa, mi tifananisa na Davhida hi ku tiendlela swichaya-chayani,

Daniele 3:15

Kutani sweswi, loko mi lava ku pona, nkhinsamani mi khongela xifaniso lexi ndzi xi yimiseke, enkarhini lowu mi nga ta twa mpfumawulo wa mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana. Loko mi nga endli sweswo, mi ta hatla mi khomiwa, mi hoxiwa ekheleni ra ndzilo lowu pfurhaka. Xana xi kona xikwembu lexi xi nga mi ponisaka emavokweni ya mina xana?”

Daniele 3:7

Kutani loko vanhu hinkwavo, va tinxaka hinkwato lava vulavulaka tindzimi to hambana-hambana, va twa mhalamhala, ni xitiringo, ni xitende, ni haripa, ni nkatara, ni swichaya-chayani swin'wana, va nkhinsama, va khongela xifaniso xa nsuku lexi endliweke hi hosi Nebukadnetsara.

Daniele 3:5

Loko mi twa mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana, mi fanele ku nkhinsama mi khongela xifaniso xa nsuku lexi yimisiweke hi hosi Nebukadnetsara.

Ezra 2:65

loko ku nga hlayiwi malandza ya vona ya xinuna ni ya xisati; wona a ma ri 7 337. Vayimbeleri va xinuna ni va xisati a va ri 200.

2 TIKRONIKA 9:11

Kutani hosi Solomoni a vatla swikhandziyo hi mapulangi lawa ya mondzo, a ma vatlela yindlu ya HOSI Xikwembu ni tindlu ta yena ta le ntsindza; a vatla ni timbila ni tiharipa ta vayimbeleri. A ku nga si tshama ku voniwa leswo tano etikweni ra Yuda.

1 TIKRONIKA 25:6

Vanhu lava hinkwavo a va yimbelela eTempeleni va ri karhi va bananisa swiphambati swa nsimbhi, ni tiharipa, ni switende, va fambisiwa hi tata wa vona. Loko a ri Asafa, na Yedutuni, na Hemani, vona a va fambisiwa hi hosi ya tiko.

1 TIKRONIKA 25:1

Davhida ni varhangeri va va ka Levhi va hlawurile vavanuna van'wana exikarhi ka va ka Asafa, ni va ka Hemani, ni va ka Yedutuni, kutani va va rhwexa ntirho wa ku fambisa rito ni vuyimbeleri, va ri karhi va chaya switende ni haripa, va bananisa ni swiphambati swa nsimbhi. Mavito ya vanhu va kona hi lawa:

1 TIHOSI 14:27

Hosi Rhobuwamu a siva switlhangu leswi hi ku vumba swin'wana swa koporo, a swi veka emavokweni ya tindhuna ta varindzi va nyangwa ya le ntsindza.

1 TIHOSI 10:21

Swinwelo hinkwaswo swa hosi Solomoni a swi vumbiwile hi nsuku. Swibya hinkwaswo swa yindlu leyi vuriwaka “Xihlahla-xa-Lebanoni” na swona a swi vumbiwile hi nsuku wo tenga; a ku ri hava xa silivhere, hikuva silivhere, emasikwini ya Solomoni, a va nga yi voni yi ri ni nxavo wa nchumu.

1 TIHOSI 9:14

Loko wu ri nsuku lowu Hiramu a wu rhumeleke hosi Solomoni, a wu tika kwalomu ka tithani ta 5.

1 TIHOSI 11:3

A a ri ni vasati va 700 vo huma emindyangwini ya tihosi, kun'we ni vasati lavatsongo va 300. Vasati lava va yena va hambukisa mbilu ya yena.

Eklesiasta 1:2

Mudyondzisi ú ri: “A swi pfuni nchumu, ndzi ri, a swi pfuni nchumu, ku hava lexi pfunaka!”