Eklesiasta 2:26 - BIBELE Mahungu Lamanene

²⁶ Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Xitsonga (Bibele)

²⁶ Hikuva Xikwembu xi nyika munhu lonene emahlweni ka xona, vutlhari, ni ku tiva, ni ku tsaka, kasi eka mudyohi xi n'wi nyika ntirho lowo tika, ku hlengeleta ni ku vunganyetela leswaku swi ta nyika la nga lonene emahlweni ka Xikwembu. Sweswo, na swona, i vuhava ni ku vaviseka ka moya.

Eklesiasta 2:26 Referans Kwoze

Swivuriso 13:22

Munhu lonene ú siyela vatukulu va yena endzhaka, kasi rifuwo ra mudyohi, ri salela lavo lulama.

Swivuriso 28:8

Munhu loyi a engetelelaka rifuwo ra yena hi ku lava ntswalo wa mali leyi a yi lombiseke, rifuwo rero, ú ri hlengeletela loyi a nga ni tintswalo eka swisiwana.

Yohane 16:24

Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku va loku hetisekeke.

Yakobo 3:17

Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Ntirho 32:8

Kasi leswi nyikaka ku twisisa, hi loko munhu a huhuteriwa moya hi Lowa-matimba-hinkwawo.

Genesa 7:1

Kutani HOSI Xikwembu xi ku ka Nowa: “Teka va ndyangu wa wena hinkwavo, u nghena na vona engalaveni, hikuva ndzi swi vonile leswaku exikarhi ka vanhu hinkwavo lava nga laha misaveni, hi wena ntsena u lulameke emahlweni ka mina.

Eklesiasta 1:14

Ndzi swi vonile hinkwaswo leswi vanhu va swi endlaka: Ndza mi byela, ku hava lexi pfunaka, vo hlongorisa moya ntsena.

Ntirho 38:36

I mani la byelaka magumba leswaku nambu wu ta tala, ni mimfukwana leswaku mpfula ya ximun'wana ya ta xana?

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Pisalema 51:6

Wena u tsakelaka munhu la nga ni ntiyiso embilwini ya yena, ndzi dyondzise vutlhari exihundleni xa mina.

Swivuriso 2:6

HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Eklesiasta 1:13

Ndzi tibohile ku tirhisa vutlhari, ndzi lavisisa ni ku kambisisa hinkwaswo leswi endliwaka hi vanhu laha misaveni. Kutani ndzi kumile leswaku mintirho leyi munhu a rhwexiwaka yona hi Xikwembu laha misaveni, ya tika swinene.

Eklesiasta 2:25

Xana i mani la nga dyaka kumbe ku tiphina loko a nga nyikiwanga hi xona xana?

Eklesiasta 3:10

Mintirho leyi Xikwembu xi yi rhwexeke vanhu leswaku va yi tirha, ndzi yi xiyaxiyile: