Eklesiasta 2:23 - BIBELE Mahungu Lamanene

²³ Masiku hinkwawo ú vona mahlomulo ntsena, mintirho ya yena yi n'wi vangela maxangu; hambiloko a etlele nivusiku, ú tsandzeka ku wisisa byongo. Na swona sweswo, a swi pfuni nchumu.

Xitsonga (Bibele)

²³ Hikuva masiku hinkwawo ya yena, hi lama nga ni mahlomulo, kutani ntirho hinkwawo wa yena hi lowu nga ni tingana; hambi byi ri vusiku, mbilu ya yena a yi kumi ku wisa. Leswi, na swona, i vuhava.

Eklesiasta 2:23 Referans Kwoze

Ntirho 14:1

“Vutomi bya munhu byi komile ngopfu, ku sukela evuhlangini, ú le ku xanisekeni.

Ntirho 5:7

Munhu ú lo velekeriwa ku xaniseka, kukotisa nhlahle leyi fanelaka ku baleka ndzilweni.”

Pisalema 127:2

A swi pfuni nchumu ku hubuta u tirha, u titsona ni vurhongo nimadyambu, u xanisekela ku kuma swakudya, hikuva HOSI Xikwembu xi nyika lava xi va rhandzaka, hambiloko va etlele.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

Daniele 6:18

Endzhaku ka sweswo, hosi yi suka yi ya endlwini ya yona ya vuhosi, yi titsona swakudya vusiku hinkwabyo, yi ala ni ku vona vasati va yona, ni vurhongo byi nga phahi.

Eklesiasta 5:12

Mutirhi ú etlela byi phaha, hambi ú dyile switsongo kumbe swo tala; kasi ku xurha ka xifumi ku xi pfumata vurhongo.

Eklesiasta 1:18

hikuva ku andzisa vutlhari i ku andzisa maxangu, la tiengetelelaka vutivi, u tiengetelela mahlomulo.

Pisalema 90:15

Hi nyike masiku ya ntsako ku ringana ni lawa u hi xaniseke ha wona, u hi nyika ni malembe lamanene yo ringana ni lawa hi voneke maxangu ha wona.

Pisalema 32:4

Vusiku ni nhlekanhi, a wu ndzi ba we HOSI, ndzi hela matimba kukota ximila lexi hisiwaka hi mumu.

Estere 6:1

Hosi Ahasuwerusi a a ri ni nkelunkelu vusiku byebyo. Kutani a lerisa leswaku va n'wi tisela buku ya matimu, laha ku tsariwaka timhaka leti ti faneleke ku tsundzukiwa. Kunene matsalwa ya kona ma tisiwa ku ta hlayiwa emahlweni ka yena.

Genesa 47:9

Yakobo a hlamula hosi Faro a ku: “Sweswi swi endla malembe ya 130 ndzi ri karhi ndzi hanya hi ku tsendzeleka laha misaveni. Ndzi hanyile malembe matsongo, kambe ndzi vonile maxangu layo tala; malembe lawa a ma ringani ni lawa vatatana va hanyeke wona va ri karhi va tsendzeleka laha misaveni.”

Genesa 3:17

HOSI Xikwembu xi ku ka Adamu: “U pfumerile leswi nsati wa wena a ku byeleke swona, kutani u dya mihandzu ya murhi lowu ndzi ku leriseke ndzi ku: ‘U nga tshuki u yi dya.’ Hikokwalaho u vangele misava endzhukano, kutani swakudya leswi swi nga ta huma emisaveni, u ta swi kuma hi ku karhateka vutomi bya wena hinkwabyo.

Eklesiasta 1:13

Ndzi tibohile ku tirhisa vutlhari, ndzi lavisisa ni ku kambisisa hinkwaswo leswi endliwaka hi vanhu laha misaveni. Kutani ndzi kumile leswaku mintirho leyi munhu a rhwexiwaka yona hi Xikwembu laha misaveni, ya tika swinene.

Eklesiasta 2:11

Kambe loko ndzi kambisisa hinkwaswo leswi ndzi swi endleke hi mavoko ya mina, ndzi vonile leswaku leswi ndzi tikarhateleke swona, a swi nga pfuni nchumu, a ndzi nga vuyeriwi hi nchumu laha misaveni.

Eklesiasta 5:17

Masiku hinkwawo ú le xinyamini, a rila; ú tshamela ku hlundzuka, a vabya, a vilela!

Eklesiasta 8:16

Ndzi ringetile hi matimba ku twisisa vutlhari, ni mintirho leyi vanhu va yi endlaka emisaveni, ndzi vona ni hilaha va hetaka vusiku ni nhlekanhi hakona va nga etleli.