Eklesiasta 2:22 - BIBELE Mahungu Lamanene

²² Xana nyuku hinkwawo wa munhu ni ku hiseka ka yena, emintirhweni ya yena ya laha misaveni, swi n'wi vuyisela yini xana?

Xitsonga (Bibele)

²² Loko swi ri tano, munhu u kuma yini hi ku karhateka hinkwako ka yena, ni ku chivirika ka mbilu ya yena loku a tikarhataka hakona ehansi ka dyambu?

Eklesiasta 2:22 Referans Kwoze

Eklesiasta 1:3

Loko ri xile, munhu ú tirha a tshwomoka, kambe ú vuyeriwa ha yini ke?

Pisalema 127:2

A swi pfuni nchumu ku hubuta u tirha, u titsona ni vurhongo nimadyambu, u xanisekela ku kuma swakudya, hikuva HOSI Xikwembu xi nyika lava xi va rhandzaka, hambiloko va etlele.

1 Petro 5:7

Rhulani ku karhateka hinkwako ka n'wina eka xona, hikuva xi tikarhatela n'wina.

1 Timotiya 6:8

Hikokwalaho, loko hi ri ni swakudya ni tinguvu, hi ta kolwa hi swona.

Vafilipiya 4:6

Mi nga vileli ha nchumu; kambe etimhakeni hinkwato, khongelani, mi tivisa Xikwembu leswi mi swi pfumalaka, mi kombela mi ri karhi mi nkhensa;

Matewu 6:34

Hikwalaho ke mi nga tshuki mi vilela hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana, ku ringene rona.

Eklesiasta 4:6

Xandla xin'we xa munhu wo rhula, xi tlula swimbirhi swa mugingiriki, la hlongorisaka moya.

Eklesiasta 3:9

Xana ku tikarhata ka lava tirhaka, ku va vuyisela yini ke?

Matewu 16:26

Hikokwalaho loko munhu a kota ku fuwa misava hinkwayo, kambe a lahlekeriwa hi vutomi bya yena, swi ta va swi n'wi pfune yini ke? Kumbe munhu ú ta humesa yini ku xava vutomi bya yena xana?

Matewu 6:11

U hi nyika namuntlha vuswa bya hina bya siku rin'wana ni rin'wana;

Eklesiasta 8:15

Hikokwalaho mina ndzi ri, swi sasekile loko vanhu va kuma ku tsaka va ha hanya emisaveni; va nge nyikiwi nkateko wo tlula wa ku dya ni ku nwa va tiphina, hikuva hi swona leswi swi nga ta va wisisa eku tikarhateni ka vona, emasikwini ya ku hanya ka vona laha misaveni, lawa Xikwembu xi va nyikeke wona.

Eklesiasta 5:17

Masiku hinkwawo ú le xinyamini, a rila; ú tshamela ku hlundzuka, a vabya, a vilela!

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Luka 12:29

Hikokwalaho mi nga vileli hi leswi mi nga ta dya swona, ni leswi mi nga ta nwa swona, naswona, mi nga kanakani;

Luka 12:22

Kutani Yesu a ku ka vadyondzisiwa: “Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini, hambi ku ri ku vilela hi swa miri leswaku mi ta ambala yini.

Matewu 6:25

“Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini kumbe mi ta nwa yini, hambi ku ri ku vilela hi swa miri wa n'wina leswaku mi ta ambala yini. Xana vutomi a byi tluri swakudya ke? Na wona miri a wu tluri swiambalo ke?

Swivuriso 16:26

Munhu loyi a tirhaka, ú susumetiwa hi ndlala, i khwiri leri ri n'wi sindzisaka.

1 Vakorinto 16:16

Ndza mi khongotela swinene ku tiveka ehansi ka vanhu lava, ni ka un'wana ni un'wana loyi a tinyiketeke ku tirha ntirho wolowo, a tikarhatela wona.

Eklesiasta 2:11

Kambe loko ndzi kambisisa hinkwaswo leswi ndzi swi endleke hi mavoko ya mina, ndzi vonile leswaku leswi ndzi tikarhateleke swona, a swi nga pfuni nchumu, a ndzi nga vuyeriwi hi nchumu laha misaveni.