Eklesiasta 2:21 - BIBELE Mahungu Lamanene

²¹ Nkarhi wun'wana, munhu ú dzuka nyuku a tirha hi vutlhari ni vutivi, a kondza a humelela. Kambe hinkwaswo swi ta sala swi dyiwa hi munhu un'wana la nga tshama hi mavoko a nga swi tirhelanga. Na swona sweswo a swi pfuni nchumu, swi bihile ngopfu.

Xitsonga (Bibele)

²¹ Hikuva munhu a nga va kona loyi ntirho wa yena wu endliweke hi vutlhari, ni ku tiva, ni bindzu, kasi u ta wu siyela munhu un'wana la nga ka a nga tikarhatelanga wona. Sweswo na swona, i vuhava, i khombo lerikulu.

Eklesiasta 2:21 Referans Kwoze

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Yeremiya 22:15

We Yoyakimi, xana u lava ku tikomba leswaku u hosi hi ku tirhisa mapulangi ya murhi wa kedari xana? Tsundzuka leswaku tata wa wena a a dya a xurha, kambe ú fumile hi nawu ni ku lulama, kutani a va munhu wa minkateko.

Eklesiasta 9:18

Vutlhari byi tlula matlhari hakunene! Mudyohi un'we a nga onha swilo swo tala leswinene.

2 TIKRONIKA 35:18

Ku sukela enkarhini wa muprofeta Samiele, nkhuvo wa Paseka wo fana ni lowu, a wu nga si va kona exikarhi ka Vaisraele; hambi enkarhini wa tihosi tin'wana ta Israele leti rhangeleke hosi Yosiyasi, nkhuvo lowo tano a wu vanga kona. Lava nga dya wona i vaprista, ni Valevhi, ni va ka Yuda hinkwavo, ni Vaisraele lava a va tile eYerusalema, ni vaaki va muti wa Yerusalema.

2 TIKRONIKA 34:2

A endla leswi lulameke emahlweni ka HOSI Xikwembu, a famba etindleleni ta Davhida kokwa wa yena, a nga hambuki eka tona nikutsongo.

Pisalema 49:10

Vanhu va swi vona leswaku hambi ti ri tintlhari ta fa, ku fana ni leswi mintlunya ni swiphunta swi faka: Hinkwavo va siyela van'wana rifuwo ra vona.

Eklesiasta 2:20

Mhaka leyi yi lavile ku ndzi heta matimba, loko ndzi anakanya hinkwaswo leswi ndzi nga tikarhatela swona laha misaveni.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Pisalema 39:7

“Hikokwalaho, xana ndzi nga ha tshemba yini, we N'wini wanga? Hi wena ntsena loyi ndzi n'wi tshembaka.

Pisalema 49:11

Hambileswi masimu va ma thyeke mavito ya vona, masirha ya vona ma ta hundzuka makaya ya vona laha va nga ta tshama kona hilaha ku nga heriki.