Eklesiasta 2:17 - BIBELE Mahungu Lamanene

¹⁷ Hiloko ndzi sungula ku venga vutomi hi byoxe, hikuva leswi humelelaka laha misaveni a swi ndzi nyiki ku rhula. Hakunene ku hava lexi pfunaka, ko va ku hlongorisa moya ntsena.

Xitsonga (Bibele)

¹⁷ Kutani ndzi venga vutomi, hi ku karhatiwa hi mitirho hinkwayo leyi endliwaka ehansi ka dyambu; kunene hinkwaswo i vuhava, ni ku landza mheho.

Eklesiasta 2:17 Referans Kwoze

Eklesiasta 2:11

Kambe loko ndzi kambisisa hinkwaswo leswi ndzi swi endleke hi mavoko ya mina, ndzi vonile leswaku leswi ndzi tikarhateleke swona, a swi nga pfuni nchumu, a ndzi nga vuyeriwi hi nchumu laha misaveni.

Yonasi 4:8

Loko dyambu ri tlakukile, Xikwembu xi hungisa moya wo hisa ngopfu wa vuxa, kutani dyambu ri ba nhloko ya Yonasi, ku kondza loko a lava ku titivala. Hiloko a kombela ku fa, a ku: “Eka mina, ku hanya swi tlula hi ku fa.”

Eklesiasta 4:2

Kutani ndzi ku, lava feke khale va katekile ku tlula lava va ha hanyaka.

Habakuku 1:3

Hikwalaho ka yini u ndzi komba mahlori layo tano ke? Xana maxangu ya kona u nga ma languta ntsena xana? Vanhu va onhaka ni ku xanisana emahlweni ka mina; va tengisana etihubyeni, va pfuxa timholovo.

Yonasi 4:3

Sweswi HOSI, ndza ku kombela, teka moya wa mina, hikuva eka mina ku hanya swi tlula hi ku fa.”

Ezekiele 3:14

Loko Moya wu ndzi tlakurile wu famba na mina, ndzi khomiwa hi gome ni ku vaviseka lokukulu, hikuva HOSI Xikwembu a xi ndzi khomile hi ntamu wa xona.

Eklesiasta 6:9

Ku vona xilo hi mahlo, swi tlula ku xi navela hi mbilu, kambe na swona sweswo, a swi pfuni nchumu, i ku hlongorisa moya ntsena.

Eklesiasta 3:16

Emisaveni, ndzi vonile na leswi: Etihubyeni, nawu a wu landzeleriwi; laha ku lavekaka leswo lulama, ku tele leswo biha.

Eklesiasta 2:22

Xana nyuku hinkwawo wa munhu ni ku hiseka ka yena, emintirhweni ya yena ya laha misaveni, swi n'wi vuyisela yini xana?

Eklesiasta 1:14

Ndzi swi vonile hinkwaswo leswi vanhu va swi endlaka: Ndza mi byela, ku hava lexi pfunaka, vo hlongorisa moya ntsena.

Pisalema 89:47

We N'wini wanga, ndzi anakanye, hikuva vutomi bya mina byi komile ngopfu; vanhu hinkwavo lava u va tumbuluxeke, a hi nchumu!

Ntirho 14:13

Loko a wo kota ku ndzi fihla exivandleni xa vafi, u ndzi tumbeta kona vukari bya wena byi ko byi hela, a wu ta veka nkarhi lowu u nga ta ndzi anakanya ha wona.

1 TIHOSI 19:4

Kambe yena a hundzela emahlweni, mpfhuka wa siku rin'we emananga, kutani a ya tshama ehansi ka ximudyana, a kombela ku fa, a ku: “Sweswi swi ringene, we HOSI. Herisa vutomi bya mina, hikuva a ndzi tluli vakokwa wa mina hi vunene.”

Tinhlayo 11:15

Loko u lava ku ndzi khoma hi ndlela leyi, ndzi twele vusiwana, u hatla u ndzi dlaya, ndzi ta ka ndzi nga ha voni maxangu lawa u ndzi kombaka wona.”

Eklesiasta 1:17

Kutani, hi ku tirhisa miehleketo ya mina, ndzi kambisisile ku hambana exikarhi ka vutlhari na rihuhe kumbe vuphunta, ndzi ya kuma leswaku sweswo na swona i ku hlongorisa moya,

Eklesiasta 4:3

Kambe loyi a katekeke ku va tlula, hi loyi a nga si tshamaka a velekiwa, loyi a nga vonangiki leswo biha leswi endliwaka laha misaveni.