Eklesiasta 12:5 - BIBELE Mahungu Lamanene

⁵ Ú ta chava ku khandziya ntshava, a chava ni ku khoma ndlela. Murhi wa alimondi wa ha ta hluka, njiya ya ha ta thamuka yi xurhile, tindzhoho ta kaperi ta ha ta vupfa ti baleka, kambe munhu yena, ú tiyela lomu ku nga ha vuyiwiki; lava nga ta n'wi rila, va sungurile ku rhendzeleka emutini.

Xitsonga (Bibele)

⁵ siku vanhu va nga ta chava ku ya eswivandleni leswi tlakukeke, ku nga ta chaviwa etindleleni; siku murhi wa alimondi wu nga ta baleka, ni mherha yi nga ta tika, ni munhu a nga ta phirwa hi swakudya; siku munhu a nga ta tiyela endlwini ya yena ya makumu, ni varili va nga ta rhendzeleka emitsendzeleni.

Eklesiasta 12:5 Referans Kwoze

Ntirho 17:13

Ndzi nga tshemba yini ke? Xivandla xa vafi xi ta va yindlu ya mina, xinyami xi ta va nkumba wa mina ehansi.

Ntirho 30:23

Ndza swi tiva, u ndzi kongomisa esirheni, exivandleni lexi vanhu hinkwavo va hlengeletiwaka eka xona.

Swivuriso 16:31

Timpfi i harhi yo dzuneka, leyi kumiwaka hi vanhu va mahanyelo lamanene.

Pisalema 71:18

Hambileswi ndzi baseke nhloko, u nga ndzi tshiki we Xikwembu, ndzi ta kota ku twarisa matimba ya wena lamakulu eka vanhu va nkarhi lowu ni ka lava va ha taka.

Ntirho 15:10

Exikarhi ka hina, ku ni lavakulu lava baseke tinhloko, lava tlulaka ni tata wa wena hi malembe.

Levhitika 19:32

“Mi fanele ku va ni xichavo eka lavakulu, mi va xixima, naswona mi chava Xikwembu xa n'wina: Hi mina HOSI.

Vaheveru 9:27

Tanihi leswi ku lulamisiweke leswaku vanhu va fa kan'we, kutani endzhaku ka swona ku ta ku avanyisiwa,

Yeremiya 1:11

HOSI Xikwembu xi vulavula na mina, xi ku: “We Yeremiya, xana u vona yini?” Ndzi hlamula ndzi ku: “Ndzi vona xirhabyana xa murhi wo hatla ku hluka wa alimondi.”

Esaya 46:4

Ndzi ta va kona mi kondza mi dyuhala, ndzi ta mi tlakula mi kondza mi basa tinhloko; mi endliwile hi mina, kutani ndzi ta mi bebula, ndzi ta mi tlakula, ndzi mi ponisa.

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

Swivuriso 20:29

Lavantshwa va bomba hi matimba ya vona, lava dyuhaleke va tinyungubyisa hi timpfi.

Genesa 44:31

Loko tatana a vona leswaku mufana loyi a nga kona exikarhi ka hina, ú to fela kwalaho, kutani hina malandza ya wena hi ta va hi vangele tatana ku fa hi mbitsi eku dyuhaleni ka yena.

Genesa 44:29

Loko mo teka ni loyi mi famba na yena, kutani a ya humelela hi khombo, mi ta va mi ndzi vangele ku fa hi mbitsi eku dyuhaleni ka mina.’

Genesa 42:38

Kambe Yakobo a ku: “N'wananga Benjamini, mi nge fambi na yena, hikuva hosi ya yena Yosefa ú file. Benjamini ú lo sala a ri yexe. Loko a nga tshuka a humelela hi khombo eriendzweni leri mi nga ta va na rona, mi ta va mi ndzi vangele ku fa hi mbitsi eku dyuhaleni ka mina.”

Yeremiya 9:16

Ndzi ta va hangalasa exikarhi ka vanhu lava va nga va tiviki, lava ni vatata wa vona va nga va tivangiki. Ndzi ta va heta hi tlhari va ku bì!”