Eklesiasta 12:3 - BIBELE Mahungu Lamanene

³ Hi wona nkarhi lowu varindzi va rhurhumelaka enyangweni, ni tinhenha ti govekaka minhlana, lowu vakandzi va lan'waka hi ku twa xivundza, ni lava langutaka hi fasitere va telaka hi riphume,

Xitsonga (Bibele)

³ ku nga si fika siku leri valanguteri va yindlu va nga ta rhurhumela, ni vavanuna va tinhenha va nga ta korhama, ni lava silaka va nga ta yima, hikuva ntsengo wa vona wu hungutekile, ni lava langutaka hi mafasitere va nga ta nyamisiwa;

Eklesiasta 12:3 Referans Kwoze

Pisalema 102:23

Xikwembu xi ndzi tshovile matimba ndzi nga si dyuhala, xi hungutile masiku ya mina ya ku hanya.

Zakariya 8:4

HOSI ya matimba hinkwawo yi vurisa sweswo yi ri: “Etimbaleni ta Yerusalema, ku ta tlhela ku tshama vakhalabya ni vakhegula; un'wana ni un'wana ú ta tiseketela hi nhonga, hikuva va ta hanya malembe layo tala.

1 SAMIELE 3:2

Siku rin'wana, Heli a a etlele endlwini ya yena. Mahlo ya yena a ma sungula ku phuma, a nga ha koti ku vona swinene.

Genesa 48:10

Enkarhini lowu, Yakobo a a duyharile, mahlo ya yena a ma nga ha voni swinene. Hiloko Yosefa a tshineta vana va yena, Yakobo a va xinga a va ntswontswa.

Genesa 27:1

Loko Isaka a dyuharile swinene, ni mahlo ya yena ma ri ni riphume, ma nga ha voni swinene, a vitana Esawu n'wana wa yena lonkulu, a ku ka yena: “N'wananga.” Esawu a hlamula a ku: “Hi mina loyi.”

Pisalema 35:14

A ndzi ya hala ni hala, ku fana ni loko ndzi tirhela makwerhu kumbe munghana, a ndzi rila ndzi langute hansi, kukota loko ndzi feriwe hi manana.

Pisalema 38:6

Ndzi tikeriwa ni ku tshikeleriwa ku tlula mpimo, siku hinkwaro ndzi famba-famba ndzi ri eku rileni.