Eklesiasta 12:13 - BIBELE Mahungu Lamanene

¹³ Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Xitsonga (Bibele)

¹³ A hi yingiseni makumu ya timhaka hinkwato: Chava Xikwembu, u hlayisa milawu ya xona, hikuva hi yona mfanelo hinkwayo ya munhu;

Eklesiasta 12:13 Referans Kwoze

Duteronoma 10:12

“Kutani sweswi, n'wina Vaisraele, leswi HOSI Xikwembu xi swi lavaka eka n'wina, hi leswaku mi xi chava, mi endla hinkwaswo leswi xi mi lerisaka swona, mi xi rhandza, ni ku xi tirhela hi timbilu ta n'wina hinkwato ni moya wa n'wina hinkwawo,

Mikiya 6:8

Mikiya a hlamula a ku: “N'wina vanhu, mi byeriwile leswinene leswi HOSI Xikwembu xi lavaka leswaku mi endla swona: I ku endla leswi lulameke, mi tshembeka minkarhi hinkwayo, mi hanya hi ku titsongahata emahlweni ka Xikwembu xa n'wina!”

Duteronoma 6:2

N'wina ni vana va n'wina ni vatukulu va n'wina, chavani HOSI Xikwembu xa n'wina. Evuton'wini bya n'wina hinkwabyo, hanyani hi ku hlayisa milawu ni swileriso hinkwaswo leswi ndzi mi byeleke swona. Loko mi endla tano, mi ta hanya masiku layo tala.

Pisalema 111:10

Masungulo ya vutlhari i ku chava HOSI Xikwembu, hinkwavo lava endlaka sweswo va ni ku twisisa. Ku dzuneka ka HOSI a ku na ku hela!

Ntirho 28:28

Kutani xi vulavula na vanhu xi ku: “Ku chava N'wini wa hinkwaswo, hi byona vutlhari; ku hambana ni leswo biha hi kona ku twisisa!”

Pisalema 145:19

Lava va xi chavaka, xi va endlela hi ku navela ka vona, loko va rila eka xona, xa va twa kutani xi va ponisa.

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

Luka 1:50

ni tintswalo ta yena i ta minkarhi ni minkarhi eka lava n'wi chavaka.

Swivuriso 19:23

Munhu loyi a chavaka HOSI Xikwembu, ú khome ndlela ya vutomi, kutani ú ta hlayiseka ni makhombo ma nge n'wi humeleli.

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!

Pisalema 147:11

kambe xi tsakela lava va xi chavaka, lava tshembaka rirhandzu ra xona.

Eklesiasta 5:7

Milorho yo tala ni ku jakatseka a swi pfuni nchumu, kambe wena u nga rivali ku chava Xikwembu.

Nhlavutelo 19:5

Kutani ku huma rito hi le xiluvelweni ri ku: “Dzunisani Xikwembu xa hina, n'wina hinkwenu malandza ya xona, na n'wina lava mi xi chavaka, lavakulu ni lavatsongo.”

1 Petro 2:17

Xiximani vanhu hinkwavo. Rhandzani nhlengeletano ya vamakwenu. Chavani Xikwembu. Xiximani hosi leyikulu ya tiko.

Swivuriso 23:17

Vadyohi, u nga va naveli, kambe minkarhi hinkwayo, chava HOSI Xikwembu,

Duteronoma 4:2

Eka leswi ndzi mi lerisaka swona, mi nga engeteli nchumu, naswona mi nga hunguti nchumu; hlayisani swileriso swa HOSI Xikwembu xa n'wina, leswi ndzi mi lerisaka swona.

Genesa 22:12

Yi ku ka yena: “N'wana yoloye u nga tshuki u n'wi endla nchumu, ni ku n'wi khumba u nga n'wi khumbi. Sweswi ndza swi tiva leswaku wa xi chava Xikwembu, hikuva a wu alanga ku xi nyika n'wana wa wena loyi a ngo va un'we.”

Eklesiasta 6:12

Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Eklesiasta 2:3

Ndzi lavile tindlela ta ku titsakisa hi ku nwa vhinyo, ndzi ringeta ku tipengisanyana, kambe ndzi nga tirivali; a ndzi navela ku vona leswaku loko munhu a ha ri laha misaveni, a nga endla yini ku kuma ntsako.

1 SAMIELE 12:24

Chavani HOSI Xikwembu, mi xi tirhela hi ku tshembeka, hi timbilu ta n'wina hinkwato, mi ri karhi mi anakanya mintirho ya xona ya matimba leyi xi mi endleleke yona.

Eklesiasta 3:14

Ndza swi tiva leswaku mintirho yihi kumbe yihi ya Xikwembu yi tiyile minkarhi hinkwayo: U nge engeteli nchumu eka yona, u nge hunguti nchumu eka yona. Xikwembu xi tirhise sweswo leswaku vanhu va ta xi chava.

Eklesiasta 7:18

Swa antswa ku hlayisa switsundzuxo leswi, u nga hambani na swona, hikuva lava chavaka Xikwembu, va swi landza hi vumbirhi bya swona.

Eklesiasta 8:5

Munhu la yingisaka swileriso, a nga ngheni etimhakeni leti biheke; la tlhariheke, ú tiva minkarhi ni maendlele.

Duteronoma 4:10

Siku leri mi yimeke emahlweni ka HOSI Xikwembu entshaveni ya Horebe, xi ndzi byerile xi ku: ‘Hlengeleta Vaisraele, ndzi lava leswaku va yingisa leswi ndzi nga ta va byela swona, va ta tiva ku ndzi chava vutomi bya vona hinkwabyo laha misaveni, va ta dyondzisa ni vana va vona.’

Duteronoma 10:20

Mi fanele ku chava HOSI Xikwembu xa n'wina, mi xi tirhela, mi namarhela xona, mi hlambanya hi vito ra xona.

1 TIHOSI 2:3

Hlayisa tifanelo ta wena emahlweni ka HOSI Xikwembu xa wena, u hanya hi tindlela ta xona. Hlayisa swiletelo swa xona, ni milawu ya xona, ni swiboho swa xona, ni switsundzuxo swa xona, hilaha Muxe a tsaleke hakona ebukwini ya milawu. Loko u endla sweswo, u ta humelela emintirhweni hinkwayo leyi u nga ta yi endla, ni hinkwako lomu makungu ya wena ma nga ta ku kongomisa kona.