Eklesiasta 12:11 - BIBELE Mahungu Lamanene

¹¹ Marito ya vanhu vo tlhariha, ma fana ni tinhonga to tontswa, kumbe timhingu leti dzimiweke hansi ti tiya. Vadyondzisi va marito lawa, hi nyikiwile vona hi Murisi a ri un'we.

Xitsonga (Bibele)

¹¹ Marito ya lavo tlhariha, ma fana ni tinsungunhu, loko ma hlengeletiwa ma fana ni timhingu leti gongondzeriweke. Va nyikiwile hi Murisi a ri un'we.

Eklesiasta 12:11 Referans Kwoze

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Timhaka 2:37

Kuteloko vanhu va yingisile marito lawa, va tlhaveka timbilu; kutani va ku ka Petro ni ka vaapostola lavan'wana: “N'wina varikwerhu, xana hi ta endla yini?”

Ezekiele 34:23

Ndzi ta va veka ehansi ka murisi un'we, a nga yena Davhida nandza wa mina, kutani hi yena loyi a nga ta va murisi wa vona, a va hlayisa.

Yeremiya 23:29

Rito ra mina ri hisa ku fana ni ndzilo, ri ni matimba kukota nyundzu leyi fayaka maribye.

2 Vakorinto 10:4

Hikuva matlhari lawa hi lwaka ha wona, a hi lama tirhisiwaka hi vanhu, kambe hi matimba ya Xikwembu ma ni ntamu wo hirimuxa makhokholo. Hi hlanhla makungu ya vunwa,

Yohane 3:10

Yesu a n'wi hlamula, a ku: “U mudyondzisi la tivekaka wa Israele, kambe xana timhaka leti a wu ti tivi xana?

Esaya 40:11

Ú fana ni murisi loyi a byiselaka ntlhambi wa yena emadyelweni; ú ta hlengeleta swinyimpfana, a swi tlakula, vamana wa swona, ú ta va byisa khwatsi.

Swivuriso 22:17

Rhiya ndleve, u yingisa switsundzuxo swa tintlhari, tikarhatele vutivi lebyi ndzi ku dyondzisaka byona;

Swivuriso 1:6

a kota ku hlamusela swivuriso ni swifananiso, a twisisa marito ya tintlhari ni mavulavulele ya tona.

Yohane 10:14

Hi mina murisi lonene; ndzi tiva leti nga ta mina, ni leti nga ta mina ta ndzi tiva,

Matewu 3:7

Kambe loko a vona Vafarisi ni Vasaduki lavo tala va ta ku ta khuvuriwa hi yena, a ku ka vona: “Rixaka ra timhiri, i mani la nga mi tsundzuxa ku baleka vukari bya Xikwembu lebyi taka xana?

Esaya 22:23

Ndzi ta n'wi belela a tiya, ku fana ni mhingu leyi beleriweke yi tiya swinene. Va ka vona va ta tidzunisa hi yena.

Pisalema 80:1

We murisi wa Israele, yingisa, rhiya ndleve wena u fambisaka va ka Yosefa kukota ntlhambi; wena u tshameke exiluvelweni ehenhla ka tikerubu, komba ku vonakala ka wena.

Pisalema 23:1

We HOSI, u murisi wanga, ndzi nga ka ndzi nga pfumali nchumu.

1 Petro 5:4

Kutani siku murisi lonkulu a nga ta humelela, mi ta kuma harhi leyo kwetsima, leyi nga riki na ku onhaka.

Vaheveru 13:20

Sweswi ke Xikwembu xa ku rhula lexi pfuxeke Hosi ya hina Yesu exikarhi ka vafi — yena loyi a nga Murisi Lonkulu wa tinyimpfu, la nga fungha ntwanano lowu nga heriki hi ngati ya yena —

Ezra 9:8

Kambe masikunyana lawa, wena HOSI Xikwembu xa hina u hi kombile tintswalo hi ku hi siyela masalela, ni ku hi endlela vutshamo endhawini ya wena leyo hlawuleka, leswaku u ta hi hanyisa ni ku hi vevukisela ndzhwalo wa vuhlonga.

Genesa 49:24

kambe bya yena vurha a byi debyanga, mavoko ya yena a ma karhalanga ni siku ni rin'we, ma tiyisiwile hi Lowa-matimba, xona Xikwembu xa Yakobo, lexi nga Murisi, ni Ribye ra Israele.

Eklesiasta 7:5

La nkhensaka ku tshinyiwa hi ntlhari, ú tlula la tsakelaka ku phatiwa hi swiphunta.

Eklesiasta 10:12

Vanhu va tsakela marito ya ntlhari, kasi nomo wa phuphula wa ri dlayisa;

Swivuriso 10:21

Leswi humaka enon'wini wa munhu wo lulama i swakudya swa lavo tala, kambe swiphukuphuku swi ticelela masirha hi ku ka swi nga ehleketi.