Eklesiasta 12:1 - BIBELE Mahungu Lamanene

¹ Loko wa ha ri lontshwa, u nga rivali Xikwembu Muvumbi wa wena, hikuva ku ta fika masiku yo tika, ma nga malembe lawa u nga ta ku: “A ndza ha ma lavi!”

Xitsonga (Bibele)

¹ Anakanya Muvumbi wa wena hi masiku ya vuntshwa bya wena, ku nga si ta masiku ya khombo, ku nga si fika ni malembe lawa u nga ta vula ha wona, u ku: “A ndza ha tsakisiwi ha wona,”

Eklesiasta 12:1 Referans Kwoze

Swirilo 3:27

I mhaka leyinene loko munhu a dyondza ku rhwala maxangu a ha ri lontshwa.

Eklesiasta 11:8

Loko munhu a hanya malembe layo tala, a a ma tsakele hinkwawo, kambe a nga tshuki a rivala leswaku masiku ya khombo na wona ma ta andza! Eka hinkwaswo leswi humelelaka, ku hava lexi pfunaka.

Swivuriso 22:6

Komba n'wana wa wena ndlela ya vutomi a ha ri ntsongo, leswaku ni loko a kurile, a ta ka a nga hambuki eka yona.

Luka 18:16

Kambe Yesu a vitana vana, kutani a ku ka vadyondzisiwa: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Pisalema 34:11

N'wina vana vanga, tanani mi ta twa, ndzi lava ku mi dyondzisa ku chava HOSI Xikwembu.

2 Timotiya 3:15

naswona u tiva leswaku ku sukela evuhlangini bya wena, u toloverile Matsalwa layo Hlawuleka, lama kotaka ku ku letela, ma ku ponisa hi ku pfumela eka Kriste Yesu.

Pisalema 90:10

Hi hanya malembe ya 70, ni lava tiyeke va nga fika eka 80, kambe malembe ya kona ma tele maxangu ni ku tikeriwa; masiku ya hina ma komile, mo haha kunene!

Eklesiasta 11:10

Susa ku vilela embilwini ya wena, u hambana ni leswi nga vavisaka miri wa wena; vuntshwa ni ku tiya emirini na swona a swi pfuni nchumu.

Swivuriso 8:17

Ndzi rhandza lava va ndzi rhandzaka, lava fambaka va ndzi lava, va ndzi kuma.

2 SAMIELE 19:35

Sweswi ndzi ni malembe ya 80; a ndza ha koti ku hambanisa leswo tsakisa ni leswi nga tsakisiki; ni leswi ndzi swi dyaka kumbe ndzi swi nwaka, a swa ha twali ku nandziha ka swona; hambi ma ri marito ya vavanuna ni ya vavasati loko va yimbelela, a ma ha ndzi tsakisi; hikokwalaho, mina nandza wa wena, a ndzi lavi ku hundzuka ndzhwalo eka wena, we hosi n'wini wanga.

1 SAMIELE 2:26

Loko a ri mufana Samiele, a a ya a kula emirini, a tsakeriwa hi HOSI Xikwembu ni vanhu va tiko.

Genesa 39:2

HOSI Xikwembu a xi ri na Yosefa, kutani a a kateka eka hinkwaswo leswi a swi endlaka. Yosefa a a tshama emutini wa n'wini wa yena lowa Muegipta.

Luka 1:15

hikuva ú ta va nkulukumba emahlweni ka Hosi; a nga ka a nga nwi vhinyo ni byalwa, kambe ú ta tala Moya lowo Kwetsima a nga si velekiwa.

1 SAMIELE 16:7

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

Genesa 39:23

Mulanguteri wa khotso a a nga ha tikarhateli nchumu eka leswi a swi ri emavokweni ya Yosefa, hikuva HOSI Xikwembu a xi ri na Yosefa, kutani a a kateka emintirhweni ya yena hinkwayo.

Vaefesa 6:4

Na n'wina vatatana, mi nga dyisi vana va n'wina embitsi, kambe mi va kurisa, hi ku va laya ni ku va dyondzisa ta Hosi.

Daniele 1:17

Xikwembu xi nyika majaha lawa ya mune evutivi ni vutlhari, ni ku tiva matsalwa hinkwawo; Daniele yena a a twisisa swivono hinkwaswo ni milorho hinkwayo.

Esaya 26:8

Hambiloko u hi ba, we HOSI, a hi tshiki ku ku tshemba; ku navela ka hina lokukulu i ku anakanya vito ra wena.

1 SAMIELE 2:18

Mufana Samiele a a tirhela HOSI Xikwembu a ambele nceka wa vaprista wa ntsembyani, lowu vuriwaka “efodi”.

1 TIHOSI 18:12

Kasi loko hi ta va hi hambanile, Moya wa HOSI Xikwembu wu nga sala wu ku yisa endhawini leyi ndzi nga yi tiviki; kutaku loko ndzi ya fika eka Akabu, ndzi n'wi tivisa ta wena, kutani yena a nga ku kumi, hakunene ú ta ndzi dlaya, hambileswi mina nandza wa wena ndzi chaveke HOSI Xikwembu ku sukela evuhlangini bya mina.

1 SAMIELE 1:28

hikokwalaho ndzi nyiketa n'wana loyi eka yona. Vutomi bya yena hinkwabyo, ú ta va a nyiketiwile eka HOSI.” Kutani va nkhinsama va gandzela HOSI Xikwembu kwalaho.

Hosiya 7:9

Vanhu va le handle va heta matimba ya va ka Efrayimi, kambe vona a va voni nchumu; va n'wan'waseriwa misisi yo basa enhlokweni, kambe vona a va swi tivi.

Ntirho 30:2

Xana vanhu lava a va ta ndzi endlela yini, leswi ntamu wa vona wu heleke, xana?

1 TIHOSI 14:13

Tiko hinkwaro ra Israele ri ta ta enkosini wa yena, ri ta n'wi lahla. Exikarhi ka va ka Yerobuwamu, hi yena ntsena la nga ta lahliwa esirheni, hikuva endyangwini wa Yerobuwamu, hi yena ntsena loyi a kumiweke a ri ni xanchumu lexi tsakisaka HOSI Xikwembu xa Israele.

Duteronoma 8:18

kambe mi fanele ku tsundzuka HOSI Xikwembu xa n'wina, hikuva hi xona lexi xi nga ta va xi mi nyikile matimba ya ku kuma rifuwo ra kona; leswi, xi ta va xi swi endlile leswaku xi ta tiyisa ntwanano wa xona lowu xi wu hlambanyeleke vatata wa n'wina; ni namuntlha, swa ha ri tano.

Nehemiya 4:14

Loko ndzi vona leswaku va chava, ndzi suka ndzi yima ndzi byela varhangeri, ni tindhuna ni vanhu hinkwavo ndzi ku: “Valala va hina, mi nga va chavi; tsundzukani leswaku HOSI Xikwembu xa hina i xikulu, naswona xa chaviseka! Kutani, lwelani vamakwenu, ni vana va n'wina va xinuna ni va xisati, ni vasati va n'wina ni miti ya n'wina.”

Pisalema 63:6

Loko ndzi etlele, ndza ku anakanya, vusiku hinkwabyo ndzi vulavula na wena hi ku khongela.

Pisalema 119:55

We HOSI, ndza ku anakanya hambi byi ri vusiku, ndzi hlayisa nawu wa wena.

Eklesiasta 11:2

ri hlayise etindhawini ta 7 kumbe 8, hikuva a wu tivi makhombo lama nga humelelaka laha misaveni.

2 SAMIELE 19:36

Mina nandza wa wena ndzi ta ku heleketanyana, ndzi ya tlhela loko ha ha ku pela nambu wa Yordani, kutani hikwalaho ka yini wena hosi n'wini wanga u lava ku ndzi nkhensa hi nyiko yo tano, xana?