Eklesiasta 11:8 - BIBELE Mahungu Lamanene

⁸ Loko munhu a hanya malembe layo tala, a a ma tsakele hinkwawo, kambe a nga tshuki a rivala leswaku masiku ya khombo na wona ma ta andza! Eka hinkwaswo leswi humelelaka, ku hava lexi pfunaka.

Xitsonga (Bibele)

⁸ Hambi munhu a nga hanya malembe layo tala, u fanele ku tsaka ha wona, kambe, na swona, u fanele ku anakanya masiku ya munyama, hikuva ma ta va lamanyingi. Hinkwaswo leswi nga ta humelela i swahava.

Eklesiasta 11:8 Referans Kwoze

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Duteronoma 32:29

Loko a va tlharihile, a va ta twisisa timhaka leti, a va ta swi vona leswaku va ya eku loveni.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Eklesiasta 7:14

Hi siku ra minkateko, tsaka, kambe u tianakanya esikwini ra khombo, hikuva masiku lawa, ha mambirhi, ma endliwile hi Xikwembu; kutani swa masiku lawa ya ha taka, xi hi fihlela swona ha vomu.

Yuda 1:18

va mi byerile va ku: “Eminkarhini leyo hetelela, ku ta humelela vasandzi lava susumetiwaka hi ku navela ka vona loko biha va nga chavi Xikwembu.”

Yeremiya 13:16

Kombani xichavo eka HOSI Xikwembu xa n'wina xi nga si vanga munyama, mi nga si khuguriwa mi wa etintshaveni loko dyambu ri ya eku peleni. A mi languterile ku vonakala, kambe HOSI Xikwembu xi tisile vusiku, ni xinyami xa byona xo chavisa.

Eklesiasta 8:15

Hikokwalaho mina ndzi ri, swi sasekile loko vanhu va kuma ku tsaka va ha hanya emisaveni; va nge nyikiwi nkateko wo tlula wa ku dya ni ku nwa va tiphina, hikuva hi swona leswi swi nga ta va wisisa eku tikarhateni ka vona, emasikwini ya ku hanya ka vona laha misaveni, lawa Xikwembu xi va nyikeke wona.

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

Eklesiasta 6:11

Ku phikisana na xona a swi pfuni nchumu; la endlaka sweswo, a nge vuyeriwi hi nchumu.

Matewu 22:13

Hiloko hosi yi ku ka malandza: ‘N'wi boheni milenge ni mavoko, mi n'wi cukumeta ehandle munyameni laha ku nga ta va ni minkosi ni ku getsela ka meno.’ ”

Eklesiasta 6:6

Hambiloko mufumi a hanya malembe ya 2 000, a nge tsakisiwi hi nchumu la misaveni, hikuva yena ni xihlangi lexiya, va kongoma endhawini yin'we.

Eklesiasta 4:16

Ntshungu wa kona a wu ri ntsandza-vahlayi, loko wu ya tiveka ehansi ka lowa jaha. Hambiswiritano, emalembeni lama taka, vanhu a va nga ha tsakeli hosi leyintshwa leyi. Hakunene, na swona sweswo a swi pfuni nchumu, i ku hlongorisa moya ntsena.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Eklesiasta 2:19

Loyi a nga ta va mudyandzhaka wa mina, a nga va ntlhari kumbe phuphula, sweswo a swi tivi hi munhu. Kambe hi yena la nga ta sala a fuma hinkwaswo leswi ndzi nga tikumela swona laha misaveni, hi nyuku wa mina ni ku tlhariha ka mina. Na swona sweswo a swi pfuni nchumu.

Eklesiasta 2:17

Hiloko ndzi sungula ku venga vutomi hi byoxe, hikuva leswi humelelaka laha misaveni a swi ndzi nyiki ku rhula. Hakunene ku hava lexi pfunaka, ko va ku hlongorisa moya ntsena.

Eklesiasta 2:15

Kutani ndzi tianakanyile ndzi ku: “Xana vutlhari bya mina lebyikulu, byi ndzi pfuna yini, hikuva leswi welaka xiphunta, swi ta wela na mina!” Naswona ndzi tibyerile ndzi ku: “Hinkwaswo leswi, a swi pfuni nchumu!”

Ntirho 18:18

Ú susiwa eku vonakaleni, a hoxiwa exinyamini, va n'wi hlongola a suka emisaveni.

Ntirho 15:23

Ku dyiwa hi makoti, swi n'wi yimerile, wa swi tiva leswaku ku fa swi n'wi fanerile.

Ntirho 14:10

Kasi munhu yena wa fa, a latiwa esirheni; loko a khalutile, a nga ha kumeki.

Ntirho 10:22

laha ku nga lo khwíxíí vusiku ni nhlekanhi, exinyamini xa mpfilumpfilu lowukulu!”

Eklesiasta 9:7

Famba u ya dya swakudya swa wena hi ntsako, u nwa ni vhinyo ya wena hi mbilu yo basa, hikuva leswi u swi endlaka, Xikwembu xi swi amukele khale.

Eklesiasta 11:2

ri hlayise etindhawini ta 7 kumbe 8, hikuva a wu tivi makhombo lama nga humelelaka laha misaveni.

Ntirho 10:21

ndzi nga si rhelela ndzi ya exivandleni xa vafi, laha ndzi nga ta ka ndzi nga ha vuyi, ndzi nga si nghena etikweni ra xinyami xo chavisa,

Ntirho 14:12

Lava feke va nge he pfuki, loko matilo ma nga si nyamalala, va nge pfuxiwi, va nge sisimuki evurhongweni bya vona.

Pisalema 49:20

Vanhu vo tshemba vukosi bya vona a va twisisi nchumu, va ta herisiwa kukota swiharhi.