Eklesiasta 10:15 - BIBELE Mahungu Lamanene

¹⁵ Xiphunta xi tihlakata hi ku phyaphyarha, xi ko xi rivala ni ndlela yo muka.

Xitsonga (Bibele)

¹⁵ Ntirho wa vahunguki wa va karhata, hikuva a va tivi ku hlawula ndlela leyi yisaka emutini.

Eklesiasta 10:15 Referans Kwoze

Esaya 57:1

Vanhu lavo lulama va fa, kambe ku hava loyi a anakanyaka ta rifu ra kona; lavo tshembeka va susiwa emisaveni, kambe a ku na munhu loyi a twisisaka leswaku loko lavo lulama va susiwa, va sirheleriwa eka khombo leri taka,

Eklesiasta 10:3

Phuphula hambi ri nga famba endleleni a ri tivi mafambele, ri tikomba eka hinkwavo leswaku a ri tlharihanga.

Pisalema 107:7

xi va fambisile hi ndlela leyo lulama ku kondza va ya fika emutini lowu va kumeke vutshamo eka wona.

Pisalema 107:4

Van'wana a va tsendzeleka emananga, ku ri hava tindlela to fika emutini lowu va nga tshamaka eka wona.

Habakuku 2:6

Kambe hinkwavo lava khomiweke, va nga ka va nga tshiki ku sandza nala wa vona ni ku n'wi hlekula hi marito. Va ta ku: “Ú ni khombo loyi a tihlengeletelaka swilo leswi nga riki swa yena. (Ú ta swi endla ku fikela rini xana?) Ú ni khombo loyi a fumisiwaka hi ku rihisa varikwavo.”

Esaya 55:2

Xana mi xavela yini hi mali ya n'wina swilo leswi nga riki swakudya, naswona hikwalaho ka yini mi tirhela leswi nga xurhisiki, xana? Tikarhateleni ku yingisa mina, kutani mi ta dya leswo nandziha, mi hanya emafurheni.

Eklesiasta 10:10

Loko xihloka xa wena xi bvinyekile hileswi u rivaleke ku xi lota, xi ta ku tikisela ntirho! Vutlhari byi pfuna ku lota miehleketo.

Eklesiasta 10:14

Xiphunta xi vulavula ngopfu, hambileswi munhu a nga tiviki leswi nga ta humelela mundzuku, hambileswi a nga twisisiki leswi nga ta va kona loko a hundzile.

Eklesiasta 10:16

Tiko ro fumiwa hi mufana, leri tindhuna ta rona ti nwaka ka ha ri mpundzu, ri le khombyeni!