Eklesiasta 10:14 - BIBELE Mahungu Lamanene

¹⁴ Xiphunta xi vulavula ngopfu, hambileswi munhu a nga tiviki leswi nga ta humelela mundzuku, hambileswi a nga twisisiki leswi nga ta va kona loko a hundzile.

Xitsonga (Bibele)

¹⁴ Kambe xiphukuphuku xi andzisa marito. Munhu a nga ka a nga vuli leswi nga ta tumbuluka endzhaku ka yena. I mani la nga ta va endzhaku ka yena ku n'wi byela?

Eklesiasta 10:14 Referans Kwoze

Swivuriso 15:2

Ku vulavula ka munhu wo tlhariha, ku nandzihisa vutivi, kambe milomo ya swiphunta yi khapa vuphukuphuku.

Eklesiasta 8:7

a nge tivi leswi nga ta humelela mundzuku; naswona, i mani la nga n'wi tivisaka matele ya swona xana?

Eklesiasta 6:12

Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Eklesiasta 5:3

Ku tirha ngopfu, swi vangela milorho, xiphunta xi tikomba hi ku jakatseka.

Eklesiasta 3:22

Kutani ndzi swi vonile leswaku munhu a nga na lexi a nga titsakisaka ha xona, loko yi nga ri mihandzu ya ntirho wa yena; hi swona leswi a averiweke swona. Xana i mani loyi a nga n'wi kombaka leswi nga ta humelela mundzuku xana?

Swivuriso 10:19

Ku tata marito, swi vanga swihoxo, kambe loyi a kotaka ku tikhoma, ú ni mianakanyo leyinene.

Ntirho 35:16

We Yobo, marito lawa ya wena i matlangwana, u phyaphyarha hi leswi u nga swi tiviki!”

Ntirho 34:37

Ú tlhandlekela xidyoho ehenhla ka xin'wana, ú tsakela swona ntsena exikarhi ka hina, a ri karhi a tata marito yo sandza Xikwembu.”

Eklesiasta 7:14

Hi siku ra minkateko, tsaka, kambe u tianakanya esikwini ra khombo, hikuva masiku lawa, ha mambirhi, ma endliwile hi Xikwembu; kutani swa masiku lawa ya ha taka, xi hi fihlela swona ha vomu.

Eklesiasta 9:1

Ndzi tikarhatile ku twisisa leswi hinkwaswo, kutani ndzi kumile nhlamuselo leyi ya swona: I Xikwembu xi fumaka lavo lulama ni tintlhari, swin'we ni mintirho ya vona. Hambi ú ta rhandziwa kumbe a vengiwa, munhu a nga swi tivi, hinkwaswo swa ha ri emahlweni ka yena;

Eklesiasta 10:15

Xiphunta xi tihlakata hi ku phyaphyarha, xi ko xi rivala ni ndlela yo muka.

Ezekiele 35:13

Mi lwile na mina hi ku tikurisa ngopfu, mi nga hlawuli marito loko mi vulavula, kambe mina ndzi mi twile!