Eklesiasta 10:12 - BIBELE Mahungu Lamanene

¹² Vanhu va tsakela marito ya ntlhari, kasi nomo wa phuphula wa ri dlayisa;

Xitsonga (Bibele)

¹² Marito lama humaka enon'wini wa lowo tlhariha ma tsakisa, kambe milomu ya xihunguki yi ta xi lovisa.

Eklesiasta 10:12 Referans Kwoze

Vakolosa 4:6

Ku vulavula ka n'wina a ku ve lokunene, loku nandzihaka masiku hinkwawo, mi ta tiva hilaha mi fanelaka ku hlamula un'wana ni un'wana hakona.

Luka 4:22

Kutani hinkwavo va vula vumbhoni byo saseka ehenhla ka yena, va ri karhi va hlamala marito layo saseka lama humaka enon'wini wa yena, va ku: “Xana munhu loyi a hi yena n'wana Yosefa xana?”

Swivuriso 22:11

Loyi a tsakelaka ku va ni miehleketo leyinene, ni ku titsongahata loko a vulavula, ú ta va munghana wa hosi ya tiko.

Swivuriso 15:2

Ku vulavula ka munhu wo tlhariha, ku nandzihisa vutivi, kambe milomo ya swiphunta yi khapa vuphukuphuku.

Vaefesa 4:29

Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.

Luka 19:22

Hosi yi hlamula yi ku: ‘Wena nandza lowo biha, ndzi ta ku avanyisa hi ku vulavula ka wena. A wu swi tiva leswaku ndzi munhu wo nonon'hwa, ni leswaku ndzi teka lexi ndzi nga xi vekangiki, ni ku tshovela lexi ndzi nga xi byalangiki!

Matewu 12:35

Munhu lonene ú humesa swilo leswinene exumeni xa yena lexinene, kambe munhu lowo biha ú humesa leswo biha exumeni xa yena lexo biha.

Swivuriso 31:26

Ú vulavula swa vutlhari ntsena, a letela van'wana hi moya wa tintswalo.

Swivuriso 26:9

Xivuriso lexi humaka enon'weni wa xiphunta, xi fana ni nkhavi wa mitwa, lowu khomiweke hi loyi a pyopyiweke.

Swivuriso 19:5

Mbhoni ya mavunwa yi nge phonyoki, yi ta biwa, munhu wo hemba a nga ka a nga poni.

Swivuriso 15:23

Munhu wa tsaka loko a hlamurile mhaka hi ndlela leyi nga yona; a hi ku nandziha ka swona ku vula rito leri faneleke hi nkarhi wa kona!

Swivuriso 12:18

Vanhu vo hatla ku vulavula, marito ya vona ma tlhava ku fana ni fumu, kasi marito ya lavo tlhariha ma horisa.

Swivuriso 10:10

Munhu la tshunyetaka hi tihlo, ú pfuxa minkitsikitsi, kambe la nga chaviki ku tshinya van'wana, ú tisa ku rhula.

Swivuriso 10:8

Munhu wa miehleketo wa twa loko a tsundzuxiwa, kambe xihanya-nomo xona xi ta ya eku loveni.

Pisalema 140:9

Endla leswaku marito layo biha ya lava va ndzi hembelaka, ma vuya hi vona.

Pisalema 64:8

Va ta tiphasa hi ku vulavula ka vona, kutani vanhu lava va nga ta va vona, va ta hlakahla tinhloko;

Pisalema 37:30

Nomo wa munhu wo lulama wu humesa swa vutlhari, ririmi ra yena ri vulavula leswi lulameke.

Ntirho 16:5

Kambe eku heteleleni a ndzi ta mi chavelela, ndzi mi khongotela eku vavisekeni ka n'wina.

2 SAMIELE 1:16

Davhida a ri karhi a byela Muamaleke, a ku: “Rifu leri, u lo tivangela hi wexe, hikuva u lo timangalela, loko u vula leswaku hi wena la dlayeke muhlawuriwa wa HOSI Xikwembu.”

Eklesiasta 4:5

Xiphunta xi khondla mavoko, kambe xi le ku tisungeni!

Eklesiasta 9:17

Marito yo hola lama vuriwaka hi munhu wo tlhariha, ma tlula marito lama huweleriwaka hi hosi ya swiphunta.

Eklesiasta 12:11

Marito ya vanhu vo tlhariha, ma fana ni tinhonga to tontswa, kumbe timhingu leti dzimiweke hansi ti tiya. Vadyondzisi va marito lawa, hi nyikiwile vona hi Murisi a ri un'we.

Eklesiasta 5:2

U nga hatlisi ku vulavula, u nga tsutsumeli ku va ni rito emahlweni ka Xikwembu, hikuva xona xi le matilweni, kasi wena u laha misaveni, hikokwalaho, chava ku tata marito.

Eklesiasta 5:6

U nga pfumeleri nomo wa wena wu ku wisela eku dyoheni. U nga kanetani ni muprista, u ku: “Ndzi hlambanyile hi xihoxo!” Xikwembu xi nga ku twa xi ku hlundzukela, xi onha ntirho wa mavoko ya wena.