Eklesiasta 10:11 - BIBELE Mahungu Lamanene

¹¹ Loko nyoka yi ku luma hi ku ka yi nga si tirhiwa hi mungoma, ku vitana mungoma wa kona swa ha pfuna yini ke?

Xitsonga (Bibele)

¹¹ Nyoka ya luma yi nga loyiwanga, muhlevi u fana na yona.

Eklesiasta 10:11 Referans Kwoze

Yeremiya 8:17

HOSI Xikwembu xi ri: “Ndzi tiyimisele ku mi rhumela tinyoka ta vuxungu; a ti nga siveli hi munhu, kutani ti ta mi lumetela!”

Yakobo 3:6

Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.

Swivuriso 18:21

Rifu ni vutomi, swi lawula hi ku vulavula ka munhu, lava rhandzaka ku vulavula, va ta tshovela mihandzu ya kona.

Pisalema 64:3

hikuva ku vulavula ka vona ka tlhava kukota tlhari leri lotiweke, marito ya vona ma dlaya, onge i miseve leyi nga ni vuxungu.

Pisalema 52:2

We mukanganyisi, ririmi ra wena i mukwana lowo kariha, ri kanela makungu yo herisa van'wana.

Yakobo 3:8

Kambe ku hava munhu loyi a nga dyondzisaka ririmi; i ku biha loku nga rhuteliki, ri tele vuxungu lebyi dlayaka.

Eklesiasta 10:10

Loko xihloka xa wena xi bvinyekile hileswi u rivaleke ku xi lota, xi ta ku tikisela ntirho! Vutlhari byi pfuna ku lota miehleketo.

Pisalema 58:6

We Xikwembu, tshovelela meno ya tinghalanyana leti, fayetela tinhlaya ta tona we HOSI.