Eklesiasta 10:10 - BIBELE Mahungu Lamanene

¹⁰ Loko xihloka xa wena xi bvinyekile hileswi u rivaleke ku xi lota, xi ta ku tikisela ntirho! Vutlhari byi pfuna ku lota miehleketo.

Xitsonga (Bibele)

¹⁰ Loko nsimbhi yi bvinyekile, kutani yi nga lotiwi hi la tirhaka ha yona, u ta fanela ku endla hi matimba; loko byi ri vutlhari, byona byi nga pfuxela munhu ku ya emahlweni.

Eklesiasta 10:10 Referans Kwoze

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Vakolosa 4:5

Tirhisanani ni va le handle hi ku tlhariha, mi ri karhi mi londzovota nkarhi lowu mi nga na wona.

Eklesiasta 10:15

Xiphunta xi tihlakata hi ku phyaphyarha, xi ko xi rivala ni ndlela yo muka.

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

1 TIHOSI 3:9

Hikokwalaho, mina nandza wa wena, ndzi kombela vutlhari ni ku twisisa, ndzi ta kota ku fambisa tiko leri ra wena hi ku hlawula leswinene eka leswo biha, hikuva tiko leri ra wena ra tika, ri nga fambisiwa hi mani xana?”

Varhoma 16:19

Ku yingisa ka n'wina ku twakele eka vanhu hinkwavo; ndzi tsaka hi n'wina emhakeni leyi; kambe ndzi lava leswaku mi va lavo tlhariha hi tlhelo ra leswinene, ni lava nga tiviki nchumu hi tlhelo ra leswo biha.

Matewu 10:16

“Vonani, ndzi mi rhuma mi fana ni tinyimpfu exikarhi ka timhisi; hikwalaho ke tlharihani kukota tinyoka, mi va lavo rhula kukota matuva.

1 TIKRONIKA 12:32

Va ka Isakara, va nga vanhu vo xiya minkarhi ni ku tiva leswi Vaisraele va fanelaka ku endla swona, a va ri ni tindhuna ta 200, ni masocha ya ka vona lawa a ma ri hansi ka tindhuna teto.

Duteronoma 32:41

ndzi ta lota fumu ra mina, ri hatima, ndzi ta ri khoma siku ndzi avanyisaka, ndzi ta rihisela eka valala va mina, ndzi hakerisa lava va ndzi vengaka.

Eklesiasta 2:13

Ndzi vonile leswaku vutlhari byi tlula vuphunta, ku fana ni leswi ku vonakala ku tlulaka munyama.

Eklesiasta 10:9

Maribye ma vuya hi mufayi wa wona, mupandzeri wa tihunyi a nga tivangela khombo.

Eklesiasta 10:11

Loko nyoka yi ku luma hi ku ka yi nga si tirhiwa hi mungoma, ku vitana mungoma wa kona swa ha pfuna yini ke?

Eklesiasta 9:18

Vutlhari byi tlula matlhari hakunene! Mudyohi un'we a nga onha swilo swo tala leswinene.