Eklesiasta 10:1 - BIBELE Mahungu Lamanene

¹ Tinhongana to fela emafurheni layo nun'hwela ti nga ma onha, ma vila; vuphuntanyana bya munhu wa ndzhuti byi hatla byi tiveka ku tlula vutlhari bya yena.

Xitsonga (Bibele)

¹ Tinhongana leti feke ti nun'hwisa ni ku borisa mafurha ya mutoti; swi tano ni vuphukuphuku lebyitsongo byi tlula vutlhari ni xidzumo.

Eklesiasta 10:1 Referans Kwoze

Nehemiya 13:26

Solomoni hosi ya Israele ú dyohile hikwalaho ka vavasati va matiko mambe. Exikarhi ka tinxaka leto tala, a ku ri hava hosi yo fana na Solomoni: A a rhandziwa hi Xikwembu xa yena, kutani xi n'wi endla hosi ya Vaisraele hinkwavo; hambiswiritano, vavasati lava va matiko mambe va n'wi dyohisile.

2 TIKRONIKA 19:2

Kambe Yehu n'wana muprofeta Hanani a ya hlanganisa hosi Yoxafati, a ku ka yena: “Xana u endlile swona, loko u pfumerile ku pfuna vanhu lavo homboloka lava vengaka HOSI Xikwembu, xana? E-e! Hikokwalaho HOSI Xikwembu xi ta ku hlundzukela xi ku ba.

Eksoda 30:25

Kutani mi ta pfanganyisa swilo leswi, hi mukhuva lowu muendli wa mirhi leyo nun'hwerisa a pfanganyisaka ha wona, mi endla mafurha layo hlawuleka yo tola; ma ta va mafurha yo tola lama hlawulekeke.

Nehemiya 6:13

Vanhu lava a va xave Xemaya leswaku a ta ndzi dyohisa hi ku ndzi chavisa ndzi endla leswi va vulaka swona, kutani vona va ta bihisa vito ra mina, va endlela ku ndzi xanisa.

Ntirho 6:3

a ma ta tlula ni sava ra lwandle hi ku tika; hikokwalaho ndzi hatle ndzi vulavula.

Eklesiasta 9:18

Vutlhari byi tlula matlhari hakunene! Mudyohi un'we a nga onha swilo swo tala leswinene.

Hagayi 2:12

Loko munhu a rhwele nyama leyo hlawuleka ya magandzelo hi ku yi phutsela hi xiambalo xakwe, kutani a khumba swakudya hi xiambalo xexo, swo kota vuswa, kumbe xixevo xa matsavu, kumbe vhinyo, kumbe mafurha, kumbe swakudya swihi ni swihi, xana swi ta hlawuleka na swona ke?” Vaprista va hlamula va ku: “E-e!”

Hagayi 2:13

Hagayi a ya emahlweni a ku: “Loko munhu un'wana a nyamisiwile hi ku khumbana ni xilo lexi feke, kutani a ya khumba swakudya leswi, xana swi ta nyamisiwa na swona ke?” Vaprista va hlamula va ku: “Ina, swi ta nyamisiwa na swona.”