Eklesiasta 1:13 - BIBELE Mahungu Lamanene

¹³ Ndzi tibohile ku tirhisa vutlhari, ndzi lavisisa ni ku kambisisa hinkwaswo leswi endliwaka hi vanhu laha misaveni. Kutani ndzi kumile leswaku mintirho leyi munhu a rhwexiwaka yona hi Xikwembu laha misaveni, ya tika swinene.

Xitsonga (Bibele)

¹³ Ndzi nyiketile mbilu ya mina ku lava ni ku lavisisa hi vutlhari swilo hinkwaswo leswi endliwaka ehansi ka tilo; i ntirho lowu vavisaka lowu Xikwembu xi wu nyikeke vana va vanhu leswaku va karhateka ha wona.

Eklesiasta 1:13 Referans Kwoze

Eklesiasta 3:10

Mintirho leyi Xikwembu xi yi rhwexeke vanhu leswaku va yi tirha, ndzi yi xiyaxiyile:

Genesa 3:19

U ta dya swa nyuku wa wena, u kondza u tlhelela emisaveni hikuva u humesiwile eka yona; u ntshuri, kutani u fanele ku tlhelela entshurini.”

Eklesiasta 1:17

Kutani, hi ku tirhisa miehleketo ya mina, ndzi kambisisile ku hambana exikarhi ka vutlhari na rihuhe kumbe vuphunta, ndzi ya kuma leswaku sweswo na swona i ku hlongorisa moya,

1 Timotiya 4:15

Endla tifanelo leti, tinyiketele eka tona, leswaku hinkwavo va ta vona hilaha u yaka emahlweni hakona.

Eklesiasta 12:12

Mhaka leyikulu hi leyi: Tivonele n'wananga, hikuva tibuku leti tsariweke, a ti heli; naswona ku hlaya ngopfu swi hlakata miri.

Eklesiasta 7:25

Ndzi tinyiketile hi mbilu ya mina hinkwayo ku kuma vutlhari ni tinhlamuselo ta byona, ndzi swi kambisisa ni ku ringeta ku swi twisisa, kutani ndzi vonile leswaku ku endla leswo homboloka, i rihuhe, ni leswaku mintirho ya vuphunta a yi aki nchumu.

Eklesiasta 8:9

Laha misaveni, ndzi xiyaxiyile swilo leswi vanhu va swi endlaka, kutani ndzi kumile leswaku lava nga ni matimba, va ma tirhisa ku xanisa vanhu van'wana.

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Eklesiasta 2:23

Masiku hinkwawo ú vona mahlomulo ntsena, mintirho ya yena yi n'wi vangela maxangu; hambiloko a etlele nivusiku, ú tsandzeka ku wisisa byongo. Na swona sweswo, a swi pfuni nchumu.

Swivuriso 23:26

N'wananga, ndzi yingise swinene, u tekelela leswi ndzi swi endlaka,

Swivuriso 18:15

Munhu wo tlhariha, ú rhandza vutivi, ú tsakela ku yingisela byona ntsena.

Swivuriso 18:1

Loyi a nga twananiki na van'wana, ú lava tindlela to lwisa vanhu hinkwavo va mianakanyo leyinene.

Swivuriso 4:7

Xilo xo sungula i vutlhari: Tilavele byona, u tilavela ni ku twisisa, hambiloko swi ku tekela swilo swa wena hinkwaswo.

Pisalema 111:2

Mintirho ya HOSI Xikwembu a hi ku kula ka yona, hinkwavo lava va yi tsakelaka, va yi anakanya.

Ntirho 28:3

Vanhu va hlongola munyama hi rivoni, va cela va ya fika exivindzini xa misava.

Eklesiasta 3:11

Xi endlile hinkwaswo swi va leswi fambelanaka ni minkarhi ya swona; naswona xi nyikile vanhu ku twisisa ku landzelelana ka tinguva. Hambiswiritano, matirhele ya Xikwembu ku sukela eku sunguleni ka wona ku fikela emakumo, munhu a nge ma twisisi.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Eklesiasta 11:5

Tanihi leswi u nga tiviki mahungele ya timheho, ni ndlela leyi n'wana a kulaka ha yona ekhwirini ra mana wa yena, na yona mintirho ya Xikwembu Muendli wa hinkwaswo, u nge yi twisisi.

Swivuriso 25:2

Xikwembu xi dzunisiwa hi mhaka ya leswi ku nga ni swilo leswi tiviwaka hi xona ntsena, kasi tihosi ti dzunisiwa loko ti kota ku kambisisa timhaka.