Daniele 9:5 - BIBELE Mahungu Lamanene

⁵ Kambe hina hi ku dyoherile, hi endlile leswo biha, hi tivangele nandzu hi ku ku fularhela hi tlula milawu ya wena.

Xitsonga (Bibele)

⁵ Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Daniele 9:5 Referans Kwoze

Malakiya 3:7

Ku sukela eminkarhini ya vatata wa n'wina, mi hambukile endleleni, mi tshika swiletelo swa mina, ni ku swi hlayisa a mi swi hlayisanga. Vuyelani eka mina, kutani na mina ndzi ta vuyela eka n'wina. Ndzi vula sweswo mina HOSI ya matimba hinkwawo. Kambe n'wina mi ndzi vutisa mi ku: ‘Xana hi nga vuyerisa ku yini?’

Daniele 9:11

Hina hinkwerhu Vaisraele, hi tlurile nawu wa wena hi wu tshika, hi ala ku yingisa rito ra wena. Hikokwalaho leswi hi ku dyoheleke we Xikwembu, hi weriwile hi ndzhukano lowu Muxe nandza wa wena a wu tsaleke eNawini, lowu a wu tiyiseke hi ku hlambanya.

Daniele 9:15

“We N'wini wa hina ni Xikwembu xa hina, hi wena u hi humeseke etikweni ra Egipta, hi matimba ya wena lamakulu, u titwarisa ha swona ku ta fika ni namuntlha. Kambe hina hi ku dyoherile, hi endla leswo biha.

Pisalema 106:6

Hi dyohile kukota vatata wa hina, hi onhile, hi endlile leswo biha.

Vaheveru 3:12

Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

Hosiya 1:2

Loko HOSI Xikwembu xi sungula ku rhwexa Hosiya marito ya xona, xi te ka yena: “Leswi tiko ri endlaka vunghwavava lebyikulu hi ku fularhela mina HOSI, na wena yana u ya titekela nsati loyi a nga nghwavava, a ta ku velekela vana vo fana na yena.”

Ezekiele 6:9

kutani varikwenu lava, lava nga ta va va ponile ku dlawa, va ta ndzi anakanya loko va ri evukhumbini exikarhi ka vamatiko. Va ndzi vavisile ngopfu, hikuva timbilu ta vona ti ndzi tshikile ti ndzi fularhela; va langutile eka swikwembu swa vona swa hava, mina va nga ha ndzi tshembi. Kambe eku heteleleni va ta tisola ehenhla ka mintirho ya vona leyo homboloka ni manyala ya vona hinkwawo,

Swirilo 1:20

“We HOSI, ndzi langute, hikuva ndzi le maxangwini, moya wa mina wu le ku karhatekeni; ndzi le ku vavisekeni lokukulu, hikuva ndzi tiarisile ngopfu. Ehandle, vana va mina va dlawa hi tlhari, etindlwini, va fa hi ntungu.

Yeremiya 14:7

Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.

Pisalema 18:21

hikuva ndzi fambile etindleleni ta HOSI, ni ku xi dyohela a ndzi xi dyohelanga, Xikwembu xa mina;

Yeremiya 3:25

A hi korhameni ehansi, hikuva hi ni tingana letikulu, milandzu ya hina ya hi tshikelela. Ku sukela evuhlangini bya hina ku fikela siku ra namuntlha, hina ni vatata wa hina hi dyoherile HOSI Xikwembu xa hina. Leswi HOSI Xikwembu xa hina xi hi byeleke swona, a hi swi yingisanga.”

Esaya 59:13

Hi tlurile milawu ya wena HOSI, hi tlhela hi ku fularhela, hi tshike ku landza wena Xikwembu xa hina. Hi vulavula ntsena hi ta ku xanisa van'wana ni ku hundzukela wena, makungu ya hina ni leswi hi swi vulaka i mavunwa ntsena.

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

Pisalema 119:102

Swiboho swa wena a ndzi swi fularheli, hikuva hi wena u ndzi dyondziseke swona.

Ezra 9:6

ndzi ku: “We Xikwembu xanga, ndzi ni tingana, ndzi chava ni ku tlakusa mahlo ndzi languta eka wena Xikwembu xa mina, hikuva ku homboloka ka hina ku tlula mpimo, ni nandzu wa hina wu dliva tilo.

Pisalema 119:176

Ndzi le ku pepetsekeni kukota nyimpfu leyi lahlekeke. Tana u ta ndzi lava mina nandza wa wena, hikuva a ndzi rivali swileriso swa wena.

Yeremiya 44:3

hikuva va ndzi hlundzukisile hi ku hisa mirhi ya risuna, va tirhela swikwembu swimbe leswi va nga swi tiviki, leswi na n'wina ni vatata wa n'wina mi nga swi tivangiki.

Swirilo 1:18

“HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Swirilo 3:42

“Hi tiarisile hi ku dyohela we HOSI, kutani a wu hi rivalelanga.

Daniele 9:9

Wena Xikwembu N'wini wa hina, u ni tintswalo, u rivalela vanhu swidyoho; kambe hina hi ku fularhele,

2 TIHOSI 18:12

Leswi swi humelerile hikuva Vaisraele a va yingisanga rito ra HOSI Xikwembu xa vona, kambe va tshikile ntwanano wa xona va tlhela va tshika hinkwaswo leswi Muxe nandza wa xona a a va lerisile swona. A va swi yingisanga, na ku swi endla a va swi endlanga.

2 TIHOSI 21:15

Hikuva va endlile leswo biha emahlweni ka mina; va ndzi hlundzukisile ngopfu, ku sukela loko vatata wa vona va humile etikweni ra Egipta, ku fikela namuntlha.’ ”

Esaya 64:4

Ku sukela khale, a ku si tshama ku va na munhu loyi a tweke kumbe ku vona Xikwembu xo fana na wena, hikuva u tikarhatela vanhu lava va ku tshembaka.

Yeremiya 14:20

We HOSI, vubihi bya hina ha byi tiva, hi tiva ni swidyoho swa vatata wa hina: Hakunene hi ku dyoherile!

Yeremiya 30:14

Hinkwavo lava a wu twanana na vona sweswi va ku rivarile, a va ha ri na mhaka na wena; ndzi ku bile ku fana ni loko ndzi ri nala wa wena, ndzi ku tshinya onge ndzi munhu wa nsele, hikuva milandzu ya wena a yi ri yikulu, ni swidyoho swa wena a swi tele ngopfu.

Ezekiele 5:6

Vaaki va muti lowu va arile ku yingisa swiletelo swa mina ni milawu ya mina; va endlile leswo homboloka ku tlula vamatiko hinkwavo lava va akelaneke na vona; hakunene Vaisraele va cukumetile swiletelo swa mina ni milawu ya mina, va ala ku swi yingisa.