Daniele 9:4 - BIBELE Mahungu Lamanene

⁴ Eku khongeleni ka mina, ndzi vula swidyoho swa hina hinkwerhu eka Xikwembu xanga, ndzi ku: We N'wini wa hina, wena Xikwembu lexikulu xo chavisa, hi rirhandzu ra wena lero tshembeka, u hlayisa ntwanano wa wena ni lava va ku rhandzaka, lava nga rivaliki milawu ya wena.

Xitsonga (Bibele)

⁴ Kutani ndzi endla xikhongelo xa mina eka Yehovha, Xikwembu xa mina, ndzi vula milandzu ya hina, ndzi ku: “Oho, Hosi, Xikwembu lexikulu lexi chavisaka, lexi hlayisaka ntwanano ni tintswalo eka lava ku rhandzaka, lava fambaka hi milawu ya wena!

Daniele 9:4 Referans Kwoze

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Eksoda 20:6

Kambe ndzi komba rirhandzu ra mina leri tshembekaka ku fika eka rixaka ra madzana-dzana ra lava va ndzi rhandzaka, lava hlayisaka milawu ya mina.

Duteronoma 5:10

kambe ndzi komba rirhandzu ra mina leri tshembekaka ku fika eka rixaka ra madzana-dzana ra lava va ndzi rhandzaka, lava hlayisaka milawu ya mina.

2 TIKRONIKA 7:14

Kambe loko vanhu va mina va hundzuka, va ndzi khongela hi ku titsongahata va ri karhi va lavisisa ku rhandza ka mina, ni loko va tshika tindlela ta vona leto homboloka, mina ndzi ta va yingisa ndzi ri ematilweni, ndzi va rivalela swidyoho swa vona, ndzi horisa tiko ra vona.

Nehemiya 9:32

“We Xikwembu xa hina, u Xikwembu lexikulu xa matimba lexi chavisekaka; u hlayisa ntwanano ni rirhandzu lero tshembeka; hikokwalaho, u nga yi endli leyitsongo, mhaka ya ku tikeriwa hinkwako loku hi veke na kona ku sukela enkarhini wa tihosi ta Asiriya ku ta fika sweswi, hina, ni tihosi ta hina, ni varhangeri va hina, ni vaprista va hina, ni vaprofeta va hina, ni vatata wa hina, ni vanhu va wena hinkwavo.

Duteronoma 7:9

Hikokwalaho, tsundzukani leswaku HOSI Xikwembu xa n'wina, i Xikwembu xi ri xoxe, naswona xa tshembeka, xi hlayisa ntwanano wa xona. Lava va xi rhandzaka ni ku hlayisa milawu ya xona, xa va rhandza ku ya fika eka rixaka ra madzana-dzana.

1 TIHOSI 8:23

“Wena HOSI, Xikwembu xa Israele, a ku na xikwembu ni xin'we lexi fanaka na wena, ehenhla matilweni, hambi hansi emisaveni: U hlayisa ntwanano wa wena, u komba ni rirhandzu ra wena eka malandza ya wena lama tinyiketaka hi mbilu ku hanya etindleleni ta wena.

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

Duteronoma 7:21

Vanhu lava, mi nga va chavi, hikuva HOSI Xikwembu xa n'wina lexi nga ni matimba lama chavisaka, xi tshama na n'wina;

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

Luka 1:72

A xi te, xi ta tsetselela vatata wa hina, ni ku anakanya ntwanano wa xona lowo hlawuleka;

Yeremiya 3:13

Amukela ntsena nandzu wa wena, u pfumela leswaku u tiarisile emahlweni ka mina HOSI Xikwembu xa wena; u fambile u ya tinyiketa eka swikwembu swimbe ehansi ka nsinya wun'wana ni wun'wana lowu tlhumeke, kutani u tlurile ku lerisa ka mina. Ndzi vula sweswo mina HOSI.’ ”

Nehemiya 1:5

ndzi ku: “We HOSI, Xikwembu xa matilo, wena Xikwembu lexikulu lexi chavisekaka, wena u hlayisaka ntwanano, u kombaka tintswalo eka lava va ku rhandzaka, lava hlayisaka swileriso swa wena,

Ezra 10:1

Loko Ezra a ri karhi a khongela kusuhi ni yindlu ya Xikwembu, a kombela leswaku xi va rivalela xidyoho lexi, a rila a titlatlatela ehansi, kutani Vaisraele lavo tala va ya va fika va n'wi rhendzela, va ri vavanuna, ni vavasati, ni vana, va ri karhi va rila hi xiviti lexikulu.

Daniele 6:10

Kambe loko Daniele a twa leswaku nawu wolowo wu funghiwile, a muka a ya nghena endlwini ya yena ya le henhla, leyi mafasitere ya yona a ma pfulekele etlhelo ra le Yerusalema; kutani a nkhinsama a khongela, a tlangela Xikwembu xa yena kanharhu hi siku, kukota leswi a a endlisa swona eminkarhini leyi hundzeke.

Daniele 9:3

“Kutani ndzi hundzuluka ndzi languta eka Xikwembu N'wini wanga, ndzi huwelela eka xona ndzi rila ndzi ri karhi ndzi titsona swakudya, ndzi ambele leswo khwaxa, ndzi tichele ni nkuma enhlokweni.

Duteronoma 7:12

“Leswi mi nga ta va mi yingisile swiletelo leswi, mi swi hlayisa mi hanya ha swona, HOSI Xikwembu xa n'wina na xona xi ta hlayisa ntwanano wa xona na n'wina ni rirhandzu ra xona leri tshembekeke, hilaha xi hlambanyeleke vatata wa n'wina hakona.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.