Daniele 9:25 - BIBELE Mahungu Lamanene

²⁵ Tiva mhaka leyi u yi twisisa: Ku ta rhanga ku hundza nkarhi wa malembe ya 7 lama hlayiwaka ka 7, ku sukela loko ku humile xileriso xa ku aka muti wa Yerusalema hi vuntshwa, ku fikela loko mufambisi lontshwa a ta vekiwa hi ku cheriwa mafurha enhlokweni. Endzhaku ka sweswo, magondzo ya muti ni rirhangu ra wona swi ta va eku pfuxiweni nkarhi wa malembe ya 7 lama hlayiwaka ka 62. Minkarhi ya kona yi ta va leyo tika swinene.

Xitsonga (Bibele)

²⁵ Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Daniele 9:25 Referans Kwoze

Ezra 4:24

Kutani ntirho wa ku aka yindlu ya Xikwembu le Yerusalema wu yima; wu yimise sweswo ku fikela lembe ra vumbirhi ra ku fuma ka Dariyosi hosi ya Vaperesi.

Yohane 4:25

Wansati a ku ka yena: “Ndza swi tiva leswaku Mesiya, loyi a vuriwaka Kriste, wa ta; siku a taka, ú ta hi tivisa swilo hinkwaswo.”

Yohane 1:41

Ú rhangile a kuma Simoni makwavo wa yena, kutani a ku ka yena: “Hi kumile Mesiya” (hileswaku Kriste, Mutotiwa).

Esaya 55:4

Ndzi vekile Davhida ku va mbhoni ya mina exikarhi ka vanhu van'wana, a va mufumi ni mulawuri wa vona.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Daniele 9:23

Enkarhini lowu u yiseke xirilo xa wena eka Xikwembu, Xikwembu xi humesile rito, kutani ndzi tele ku ta ku tivisa rona. Tiva leswaku Xikwembu xa ku tsakela swinene; hikokwalaho ringeta ku twisisa rito ra xona, u kuma nhlamuselo ya xivono.

Daniele 8:25

Ú ta humelela etindleleni ta yena ta vuxisi, a tikurisa swinene embilwini ya yena, a juma lavo tala a va dlaya; kambe leswi a nga chavangiki ku lwa ni Xikwembu, Mufumi wa vafumi, eku heteleleni ú ta tshoviwa hi xona, ku nga ri hi voko ra munhu.

Nehemiya 6:15

Ntirho wo aka rirhangu wu tekile masiku ya 52; wu hele hi siku ra 25 ra n'hweti ya Elulu.

Nehemiya 4:8

Vanhu lava hinkwavo, va hlangana, va endla makungu yo hlasela muti wa Yerusalema, ni ku pfuxa mpfilumpfilu.

Nehemiya 3:1

Eliyaxibi, Muprista Lonkulu, ni vaprista-kulobye va sungula ntirho wa ku aka, va aka nyangwa leyi vuriwaka Nyangwa-ya-Tinyimpfu, va tlhela va yi hlawulekisa, va vekela ni timbanti. Va ya emahlweni va aka rirhangu va tlhela va ri hlawulekisa ku kondza va ya fika eka Xihondzo-xa-Dzana ni ka Xihondzo-xa-Hananele.

Nhlavutelo 19:16

Engubyini ya yena ni le ndzhumbyini wa yena, ku tsariwile vito leri nge: “Mufumi wa vafumi ni Hosi ya tihosi.”

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

Timhaka 5:31

Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

Timhaka 3:15

kutani mi dlaya munyiki wa vutomi; kambe Xikwembu xi n'wi pfuxile eku feni; hina hi timbhoni ta swona.

Marka 13:14

“Kutaku loko mi vona ‘xilo xa manyala lexi onhetelaka’ xi ri laha xi nga faneriki ku va kona (la hlayaka a a twisise), enkarhini wolowo, lava nge Yudiya a va tsutsumele etintshaveni;

Matewu 24:15

“Kutaku loko mi vona xilo xa manyala lexi onhetelaka lexi vuriweke hi muprofeta Daniele, xi ri exivandleni lexo hlawuleka (la hlayaka a a twisise),

Daniele 8:11

Hi ku tikurisa ka rona, ri fika ri lwa ni Mufumi wa swivumbiwa swa le tilweni, ri n'wi tekela magandzelo lawa a a fanele ku hiseriwa wona siku rin'wana ni rin'wana, ri herisa ni xivandla lexo hlawuleka xa yena.

Pisalema 71:10

hikuva valala va mina va ndzi tshama xikungu, va lava ku ndzi dlaya, va byeletelana

Ezra 7:8

Kutani Ezra a fika eYerusalema hi n'hweti ya vuntlhanu, hi lembe ra vu-7 ra ku fuma ka hosi Ataserkisi.

Ezra 7:1

Endzhaku ka timhaka leti, enkarhini wa ku fuma ka Ataserkisi hosi ya Vaperesi, wanuna loyi a va ku i Ezra a suka eBabilona. Ezra loyi a a ri n'wana Seraya, wa Azariya, wa Hilkiya,

2 SAMIELE 15:25

Kutani hosi Davhida a ku ka Sadoki: “Tlherisela Areka ya Xikwembu emutini. Loko HOSI Xikwembu xi ndzi tsakela, xi ta endla leswaku ndzi vuya ndzi ta yi vona, ndzi vona ni laha yi tshamaka kona.

Vaefesa 5:16

Londzovotani nkarhi lowu mi nga na wona, hikuva masiku lawa hi nga ka wona ma bihile.

Timhaka 8:30

Filipi a ya kona hi ku tsutsuma, a twa Muetiyopiya la hlayaka buku ya muprofeta Esaya; a ku ka yena: “Xana wa twisisa leswi u swi hlayaka xana?”

Matewu 13:23

Kambe mbewu leyi haxiweke emisaveni leyinene, swi fana ni loko munhu a twa Rito a ri twisisa; hi yena loyi a vekaka mihandzu hakunene, yin'wana ka 100, yin'wana ka 60, yin'wana ka 30.”

Nehemiya 4:2

a vulavula ni vamakwavo ni mavuthu ya le Samariya a ku: “Xana vambuyangwana lava va Vayuda va endla yini xana? Xana va lava ku tlhela va pfuxa muti lowu xana? Xana leswi va humesaka magandzelo, va ri va nga heta ntirho hi siku rin'we xana? Xana va ri ku nga huma maribye yo aka ha wona etinhulwini leti ta thyaka ra leswi tshweke xana?”

Eklesiasta 3:3

Ku ni nkarhi wo dlaya munhu, ni nkarhi wo n'wi hanyisa; ku ni nkarhi wo hirimuxa yindlu, ni nkarhi wo yi pfuxa.

Mikiya 5:1

“Kambe mi ta rhanga mi tixekelela mi rila nkosi, n'wina vaaki va Yerusalema lava tshembaka matlhari, hikuva valala va ta mi rhendzela, va khoma mufumi wa Israele, va n'wi ba tinhlaya hi nhonga.”