Daniele 9:16 - BIBELE Mahungu Lamanene

¹⁶ Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Xitsonga (Bibele)

¹⁶ Oho Hosi! Hi ku lulama ka wena hinkwako, wa nga susa ku kariha ni ku leva ka wena eka muti wa wena wa Yerusalema, yi nga ntshava ya wena leyi hlawuriweke! Hikuva hikwalaho ka swidyoho swa hina, ni ku homboloka ka vatata wa hina, Yerusalema, ni tiko ra wena ri endliwe xisandzu eka hinkwavo lava hi rhendzelaka.

Daniele 9:16 Referans Kwoze

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Yuwele 3:17

“Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Daniele 9:20

“Ndzi yile emahlweni ndzi khongerisa sweswo, ndzi tivula swidyoho swa mina ni swa tiko ra hina ra Israele, ndzi tisa ni xirilo xa mina eka HOSI Xikwembu xa mina, hi tlhelo ra ntshava ya xona leyo hlawuleka;

Pisalema 31:1

We HOSI, ndzi ta ka wena leswaku u ta ndzi lwela, u nga pfumeli leswaku ndzi khomiwa hi tingana; We Xikwembu xo tshembeka, ndzi sirhelele!

Pisalema 79:4

Hi hundzukile xihlekiso eka vaakelani va hina, hinkwavo lava va hi rhendzeleke va hi hlekula ni ku hi monya.

Pisalema 71:2

We Xikwembu xo tshembeka, ndzi ntshunxe u ndzi sirhelela; ndzi yingise u ndzi ponisa,

Eksoda 20:5

u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

1 Yohane 1:9

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.

2 Vatesalonika 1:6

Xikwembu xi ta endla leswi lulameke: Xi ta ba lava va mi xanisaka, xi va vangela maxangu,

Ezekiele 5:14

We Yerusalema, ndzi ta ku hundzula rhumbi ni xihlekiso eka vaakelani va wena ni ka vahundzi va ndlela hinkwavo.

Yeremiya 32:32

hi mhaka ya leswo biha leswi Vaisraele ni va ka Yuda va ndzi hlundzukiseke ha swona, vona ni tihosi ta vona ni tindhuna ta vona ni vaprista va vona ni vaprofeta va vona, ku katsa ni vavanuna va Yuda ni vaaki va Yerusalema.

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Pisalema 143:1

We HOSI, yingisa xikhongelo xa mina, rhiya ndleve u twa xirilo xa mina. Wa tshembeka, ndzi hlamule hi ku lulama ka wena.

Pisalema 41:13

A ku nkhensiwe HOSI Xikwembu xa Israele, sweswi ni hilaha ku nga heriki. Amen! Amen!

Nehemiya 9:8

U vonile Abrahama a ri munhu la tshembekeke emahlweni ka wena, kutani u endla ntwanano na yena leswaku u ta nyika vatukulu va yena tiko ra Vakanana, ni Vahiti, ni Vaamori, ni Vaperesi, ni Vayebusi, ni Vagirigaxi. Xitshembiso xa wena, u xi hetisisile hikuva u lulamile.

1 SAMIELE 2:7

HOSI yi vangela van'wana vusiwana, yi fumisa van'wana; ya tsongahata, naswona ya tlakusa.

Pisalema 85:4

We Xikwembu muponisi wa hina, hi vuyisele exiyin'weni xa hina xa khale, u nga ha tlheli u hi karihela.

Esaya 5:25

Vukari bya HOSI Xikwembu bya pfurha ehenhla ka vanhu va xona; xi tlakusile voko ra xona, xi ta va ba xi va dlaya; tintshava ti ta ninginika, mintsumbu ya vona yi ta ku, n'wálálálá, emagondzweni. Hambiswiritano vukari bya xona a byi nga tlheli, xa ha ta tlakusa voko ra xona, xi va ba.

Yeremiya 32:31

Ku sukela loko wu sungurile ku akiwa ku fikela namuntlha, muti lowu wu tivangerile vukari bya mina lebyikulu; hikokwalaho ndzi ta wu fularhela,

Daniele 11:45

Ú ta dzima mintsonga ya yena ya vuhosi exikarhi ka lwandle ni ntshava leyo hlawuleka etikweni lero saseka ra Israele, hambiswiritano ú ta dlayiwa, ku ri hava ni loyi a nga n'wi lamulelaka.”

Pisalema 89:51

We HOSI, valala va wena va hlekula ni ku monya mintirho ya munhu loyi u n'wi hlawuleke.

Ezekiele 22:4

“Wena Yerusalema, u tivangerile nandzu hi ku halata ngati, u tithyakisile hi swikwembu leswi u nga tiendlela swona; hikokwalaho, siku ra wena ra ku avanyisiwa, u ri tshinetile kusuhani, u hungutile malembe ya wena ya ku hanya; kutani mina ndzi ku hundzurile xihlekiso exikarhi ka vamatiko, emisaveni hinkwayo wa hlekuriwa.