Daniele 9:14 - BIBELE Mahungu Lamanene

¹⁴ Hikokwalaho, we HOSI, u tilulamisele ku hi vangela maxangu lawa, kutani ma hi fikele. Wena HOSI Xikwembu xa hina, minkarhi hinkwayo u endla leswi lulameke ntsena kambe hina a hi yingisi rito ra wena.

Xitsonga (Bibele)

¹⁴ Hikwalaho Yehovha a hitekeleke khombo lero, a ri tisela ehenhla ka hina, hikuva Yehovha, Xikwembu xa hina, u lulamile emitirhweni hinkwayo yoleyi a yi tirheke, kambe a hi yingisanga rito ra yena.

Daniele 9:14 Referans Kwoze

Daniele 9:7

We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Nehemiya 9:33

Eka hinkwaswo leswi swi hi humeleleke, wena u tirhile hi ku lulama ni ku tshembeka, kambe hina hi endlile leswo homboloka.

Yeremiya 44:27

Vanhu lava, ndzi ta hatla ndzi va vangela makhombo, ematshan'wini ya ku va katekisa. Vavanuna hinkwavo va ka Yuda lava nga tikweni ra Egipta, va ta dlawa hi matlhari ni tindlala va kondza va hela.

Pisalema 51:14

We Xikwembu, wena Muponisi wanga, ndzi humese enandzwini wa ngati leyi halatiweke, kutani ndzi ta yimbelela ndzi ku twarisa, wena Mukutsuri.

Yeremiya 31:28

Eminkarhini leyi nga hundza, a ndzi tiyimiserile ku va tsuvula ni ku va handzulela, ndzi va mbundzumuxa ni ku va herisela makumu, ndzi va vangela makhombo; kambe sweswi ndzi tiyimisele ku va aka ni ku va simeka; ndzi vula sweswo mina HOSI.

2 TIKRONIKA 12:6

Loko tindhuna ta Vaisraele ni hosi Rhobuwamu va twa sweswo, va tisola, va ku: “HOSI Xikwembu xi endla leswi lulameke.”

Pisalema 116:5

HOSI Xikwembu xa hina xi ni vunene, xi tsetselela vanhu, xi va twela vusiwana,

Pisalema 119:137

We HOSI, u lulamile, ni swiboho swa wena a hi ku lulama ka swona!

Eksoda 9:27

Faro a rhuma vanhu, va ya vitana Muxe na Aroni, kutani a ku ka vona: “Sweswi ndza pfumela leswaku ndzi dyohile. HOSI Xikwembu a xi na nandzu, nandzu wu na mina ni vanhu va mina.

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Pisalema 111:7

Hinkwaswo leswi xi va endlelaka swona swa tshembeka, swi lulamile; loko xi bohile makungu, a xi ma hundzuluxi;

Yeremiya 4:17

Va ta rhendzela muti wa Yerusalema tanihi varindzi emasin'wini, hikuva vanhu va muti lowu va tiarisile va lwa na mina. Ndzi vula sweswo mina HOSI.

Yeremiya 12:1

We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Swirilo 1:5

Valala va wona va wu hlurile; vona lava va wu vengaka, va kateka. HOSI Xikwembu xi wu tisele maxangu lawa hikwalaho ka ku tala ka swidyoho swa wona; vana va wona va khomiwile hi valala, va hundzuka mahlonga.

Ezekiele 16:43

Mina HOSI N'wini wa hinkwaswo ndzi ri, leswi u nga tsundzukangiki masiku ya vuntshwa bya wena, yingisa: Ndzi ta ku ba ndzi hlundzukile, ndzi ku bela mintirho ya wena hinkwayo, hikuva ehenhla ka manyala hinkwawo lawa u ma endleke, u tlhele u engetelela hi vunghwavava bya wena!”

Daniele 4:34

Nebukadnetsara a ku: “Loko nkarhi lowu vekiweke wu hundzile, mina Nebukadnetsara ndzi tlakusile mahlo ndzi languta ehenhla, kutani miehleketo ya mina yi vuya, ndzi dzunisa ni ku tlangela ni ku twarisa Loyi a nga henhla-henhla, Loyi a hanyaka hilaha ku nga heriki, ndzi ku: “Vuhosi bya yena a byi na ku hela, ni ku fuma ka yena ku ta va kona hilaha ku nga heriki.