Daniele 9:13 - BIBELE Mahungu Lamanene

¹³ Mahlomulo lawa hinkwawo, ma hi humelerile hilaha swi tsariweke hakona eka Nawu wa Muxe, kambe hambiswiritano we HOSI Xikwembu xa hina, a hi hundzukanga, a hi tshikanga swidyoho swa hina, naswona a hi kombelanga leswaku u hi twela vusiwana; marito ya wena ya ntiyiso, a hi ma yingisanga.

Xitsonga (Bibele)

¹³ Kukotisa loko ku tsariwile enawini wa Muxe, swo biha leswi hinkwawo swi hi humelele sweswo. Kambe a hi olovisanga mombo wa Yehovha, Xikwembu xa hina, hi ku tshika swidyoho swa hina, ni ku tlharihela ntiyiso wa wena.

Daniele 9:13 Referans Kwoze

Daniele 9:11

Hina hinkwerhu Vaisraele, hi tlurile nawu wa wena hi wu tshika, hi ala ku yingisa rito ra wena. Hikokwalaho leswi hi ku dyoheleke we Xikwembu, hi weriwile hi ndzhukano lowu Muxe nandza wa wena a wu tsaleke eNawini, lowu a wu tiyiseke hi ku hlambanya.

Yeremiya 2:30

Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

Esaya 9:13

Vaisraele a va tlhelelanga eka HOSI Xikwembu xa matimba hinkwawo lexi xi nga va ba, a va vutisanga leswaku xi tsakela yini.

Hosiya 7:10

Ku tikurisa ka vanhu va tiko ra Israele ka va mangalela; hambiswiritano, a va tlheleli eka HOSI Xikwembu xa vona, ni ku xi lava, a va fambi va xi lava.

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Pisalema 119:27

Ndzi pfune ku twisisa swiletelo swa wena, leswaku ndzi ta anakanya mintirho ya wena leyo hlamarisa.

Ntirho 36:13

“Lava vengaka Xikwembu, va tshama va xi hlundzukerile; loko xi va tshika va khomiwa, a va rili eka xona.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Vaefesa 4:21

timhaka ta yena mi ti twile, kutani leswi mi nga vanhu va yena Yesu, mi dyondzisiwile ntiyiso lowu nga ka yena.

Yohane 10:35

Xi va vurile ‘swikwembu’, vona lava Rito ra Xikwembu ri fikeke eka vona; kutani Tsalwa ri nga ka ri nga herisiwi.

Yohane 8:32

naswona mi ta tiva ntiyiso, kutani ntiyiso wu ta mi ntshunxa.”

Yohane 6:45

Ku tsariwile etibukwini ta vaprofeta, va ku: ‘Hinkwavo va ta dyondzisiwa hi Xikwembu.’ Un'wana ni un'wana la tweke Tatana ni ku dyondza eka yena, wa ta eka mina.

Luka 24:45

Kavaloko a pfula miehleketo ya yona leswaku va twisisa Matsalwa.

Hosiya 7:14

Loko va rila emasangwini ya vona, ni loko va tixekelela, va kombela mavele ni vhinyo, a va huweleli eka mina hi mbilu hinkwayo, va le ku ndzi fularheleni.

Hosiya 7:7

Hinkwavo va hisa ku fana ni ndzilo exitikweni, va heta vafumi va vona. Tihosi ta vona hinkwato ti wile, kambe ku hava ni yin'we leyi kombeleke ku pfuniwa hi mina!

Swirilo 5:21

We HOSI, hi vuyisele eka wena, leswaku hi ta va lava vuyeke eka wena hakunene; hi tlherisele exiyin'weni lexi a hi ri eka xona khale.

Yeremiya 44:27

Vanhu lava, ndzi ta hatla ndzi va vangela makhombo, ematshan'wini ya ku va katekisa. Vavanuna hinkwavo va ka Yuda lava nga tikweni ra Egipta, va ta dlawa hi matlhari ni tindlala va kondza va hela.

Esaya 64:7

Ku pfumala na munhu na un'we loyi a ku khongelaka, ku hava loyi a sukaka a yima a tshinela kusuhi na wena, hikuva u sukile exikarhi ka hina, u hi siyile ni swidyoho swa hina.

Esaya 42:9

Vona, leswa khale swi hundzile, sweswi ndzi lava ku tisa leswintshwa; ndzi ku tivisa swona swi nga si humelela.”

Pisalema 119:73

We HOSI, u ndzi vumbile ni ku ndzi tiyisa hi mavoko ya wena, hikokwalaho ndzi nyike vutlhari, leswaku ndzi ta twisisa swileriso swa wena.

Pisalema 119:18

Ndzi pfule mahlo, ndzi ta vona swihlamariso leswi nga nawini wa wena.

Pisalema 85:4

We Xikwembu muponisi wa hina, hi vuyisele exiyin'weni xa hina xa khale, u nga ha tlheli u hi karihela.

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.

Esaya 31:1

Va ni khombo vanhu lava yaka va ya kombela ku pfuniwa le Egipta! Va tshemba tihanci ni makalichi layo tala ya Vaegipta, va tshemba ni vagadi va tihanci, va ku va ni matimba swinene, kambe HOSI Xikwembu, xona Muhlawuleki wa Israele, a va na mhaka na xona, a va xi vikeli makungu ya vona.

2 TIHOSI 22:16

“Yingisani! Ndzi vurisa sweswo mina HOSI ndzi ri, ndzi ta vanga khombo endhawini leyi ni le henhla ka vaaki va yona, hi ku landza marito hinkwawo ya buku leyi yi hlayiweke hi hosi ya Yuda.

Esaya 43:22

“Kambe n'wina va ka Yakobo, mi tshikile ku ndzi khongela, mi karhele hi mina, n'wina Vaisraele.

Esaya 64:6

Hinkwerhu hi fana ni munhu loyi a nga tengangiki, hambi yi ri mintirho ya hina leyo lulama yi fana ni xiambalo lexi nyamisiweke. Hi fana ni matluka lama vuneke, swidyoho swa hina i moya lowu hungaka, wu hi rhwala wu famba na hina.

Yeremiya 30:14

Hinkwavo lava a wu twanana na vona sweswi va ku rivarile, a va ha ri na mhaka na wena; ndzi ku bile ku fana ni loko ndzi ri nala wa wena, ndzi ku tshinya onge ndzi munhu wa nsele, hikuva milandzu ya wena a yi ri yikulu, ni swidyoho swa wena a swi tele ngopfu.

Yeremiya 44:23

Namuntlha mi wele ni makhombo lawa hikuva mi dyohele HOSI Xikwembu hi ku hisa mirhi ya risuna, mi ala ku yingisa marito ya xona, mi fularhela milawu ya xona, mi tshika swiletelo ni switsundzuxo swa xona!”

Ezekiele 16:43

Mina HOSI N'wini wa hinkwaswo ndzi ri, leswi u nga tsundzukangiki masiku ya vuntshwa bya wena, yingisa: Ndzi ta ku ba ndzi hlundzukile, ndzi ku bela mintirho ya wena hinkwayo, hikuva ehenhla ka manyala hinkwawo lawa u ma endleke, u tlhele u engetelela hi vunghwavava bya wena!”