Daniele 9:12 - BIBELE Mahungu Lamanene

¹² We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Xitsonga (Bibele)

¹² Kutani xi tiyisile timhaka leti xi ti vuleke ehenhla ka hina, ni le henhla ka vafambisi va hina lava nga hi avanyisa, xi ko xi hi terisa khombo lerikulu ronghasi, leri ku nga siki va kona ehansi ka matilo hinkwawo leri kotisaka leri humeleleke Yerusalema.

Daniele 9:12 Referans Kwoze

Ezekiele 5:9

Ndzi ta mi endla leswi ndzi nga si tshamaka ndzi swi endla eka vanhu van'wana, naswona a ndzi nga ha tlheli ndzi swi endla; ndzi ta mi ba hikwalaho ka manyala hinkwawo lawa mi ma endleke:

Swirilo 1:12

“N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Esaya 44:26

Kambe leswi malandza ya mina ma swi tivisaka, ndza swi tiyisa, ni makungu lawa varhumiwa va mina va ma twarisaka, ndzi endla leswaku ma humelela. Hi tlhelo ra muti wa Yerusalema, ndzi ri: ‘Wu ta tlhela wu va ni vanhu.’ Hi tlhelo ra miti ya Yuda, ndzi ri: ‘Yi ta akiwa hi vuntshwa, ndzi ta yi pfuxa.’

Swirilo 2:17

HOSI Xikwembu xi hetisile makungu ya xona, xi endlile hilaha xi nga vula hakona; a xi hundzukanga emakungwini ya xona ya khale. Xi hahlurile, xi nga tsetseleri, xi tsakisile valala hi ku wa ka wena, xi va engetelela matimba.

Swirilo 2:13

We Yerusalema, xana ndzi nga vula yini hi wena ke? Khombo ra wena ndzi nga ri fanisa ni ra mani xana? A nga kona la tshamaka a vaviseka ku fana na wena, loyi ndzi nga ku tiyisaka hi ku ku komba yena. Wena Siyoni, nhwana wo saseka, ku onhaka ka wena i kukulu kukotisa lwandle, ku hava loyi a nga tlhelaka a ku pfuxa.

Ntirho 12:17

Tindhuna xi ti tekela vutlhari, vaavanyisi xi va hundzula xihlekiso.

Varhoma 15:8

Hikuva ndza mi byela leswaku Kriste ú ve nandza eka Vayuda, ku kombisa ku tshembeka ka Xikwembu, ni ku endla leswaku switshembiso leswi nga nyikiwa vakokwana swi hetiseka,

Luka 21:22

Masiku walawo ma ta va masiku ya ku avanyisiwa, leswaku hinkwaswo leswi nga matsalweni swi hetiseka.

Marka 13:19

Hikuva eminkarhini yoleyo, ku ta va ni nhlomulo lowu nga si tshamaka wu humelela, hi mpfhuka Xikwembu xi tumbuluxa hinkwaswo, ku fikela namuntlha; naswona nhlomulo lowo tano wu nga ka wu nga ha vi kona.

Matewu 24:21

hikuva nhlomulo wu ta va lowukulu enkarhini wolowo; nhlomulo lowo tano a wu si va kona hi mpfhuka misava yi tumbulukile ku fikela namuntlha, naswona a wu nga ha vi kona ni siku ni rin'we.

Matewu 5:18

Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.

Zakariya 1:8

Kutani Zakariya a ku: “Ndzi vonile munhu hi xivono nivusiku, a gadile hanci yo tshwuka, a yimile exikarhi ka mirhi ya mirta exinkobyaneni; endzhaku ka yena a ku ri ni tihanci tin'wana to tshwuka, ni tin'wana to tshwukanyana, ni tin'wana to basa.

Zakariya 1:6

Kambe marito ni swileriso swa mina leswi ndzi swi rhwexeke vaprofeta, malandza ya mina, swi khumbile timbilu ta vatata wa n'wina. “Hikokwalaho, va hundzukile va ku: ‘HOSI Xikwembu xa matimba hinkwawo xi hetisisile makungu ya xona evutomini bya hina; xi hi bile hikwalaho ka swidyoho swa hina!’ ”

Amosi 3:2

“Exikarhi ka tinxaka hinkwato ta misava, ndzi hlawurile n'wina ntsena ndzi mi hlayisa. Leswi a nga n'wina mi tlhelaka mi ndzi dyohela hi ndlela leyi, ndza boheka ku mi ba.”

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Ezekiele 13:6

Swivono swa vaprofeta lava i swa hava, ni leswi va swi vhumbhaka i mavunwa ntsena; va tala ku vula va ku: ‘HOSI Xikwembu xi ri ...’, kasi mina HOSI a ndzi va rhumanga; hambiswiritano va langutela leswaku ndzi ta endla leswi va swi vuleke.

Swirilo 4:6

Ku biwa ka vanhu va ka hina ku kurile ku tlula ku biwa ka Sodoma, wu nga muti lowu herisiweke hi ku hatlisa, ku nga ri hi voko ra munhu, kambe hi Xikwembu.

Swivuriso 8:16

Hinkwavo lava fumaka hi ku lulama, hambi tindhuna kumbe varhangeri, va pfuniwa hi mina.

Pisalema 148:11

Xi dzuniseni n'wina tihosi ta la misaveni na n'wina hinkwenu mi akeke eka yona, n'wina tihosana na n'wina hinkwenu vafambisi,

Pisalema 2:10

Sweswi ke n'wina tihosi, tlharihani; tivoneleni, n'wina mi fumaka vanhu laha misaveni.

1 TIHOSI 3:9

Hikokwalaho, mina nandza wa wena, ndzi kombela vutlhari ni ku twisisa, ndzi ta kota ku fambisa tiko leri ra wena hi ku hlawula leswinene eka leswo biha, hikuva tiko leri ra wena ra tika, ri nga fambisiwa hi mani xana?”

Yeremiya 30:7

Nkarhi wa maxangu lamakulu wa ta, a ku si humelela wo fana na wona. I nkarhi wa ku xaniseka ka va ka Yakobo, kambe eku heteleleni va ta ponisiwa eka wona.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 39:16

“Yana u ya tivisa Ebede-Meleke lowa Muetiyopiya leswaku ndzi ni mahungu na yena, mina HOSI ya matimba hinkwawo Xikwembu xa Israele. Mahungu ya kona hi lama nge: ‘Yingisa wena Ebede-Meleke, ndzi ta hetisa leswi ndzi swi vuleke ehenhla ka muti lowu wa Yerusalema; ndzi ta wu ba, ku nga ri ku wu katekisa, kutani ku biwa loku ku ta endliwa sweswi-sweswi, u ri karhi u swi vona hi mahlo.

Yeremiya 44:23

Namuntlha mi wele ni makhombo lawa hikuva mi dyohele HOSI Xikwembu hi ku hisa mirhi ya risuna, mi ala ku yingisa marito ya xona, mi fularhela milawu ya xona, mi tshika swiletelo ni switsundzuxo swa xona!”

Daniele 12:1

Munhu la ambaleke xiambalo xa ntsembyani a engeta a ku ka Daniele: “Enkarhini wolowo, ku ta humelela Mikaele, ntsumi leyikulu leyi yimelaka va ka n'wina etilweni; kutani ku ta va ni nkarhi wa maxangu lama nga si tshamaka ma humelela, himpfhuka vanhu va va kona emisaveni, naswona ma nge humeleli ku nga si fika masiku wolawo. Kutani hi kona ku nga ta kutsuriwa vamakwenu hinkwavo, lava mavito ya vona ma nga ta va ma tsariwile eka Buku ya vutomi.

Zakariya 7:12

va nonon'hwisa ni timbilu ta vona ti fana ni maribye. A va swi lavanga ku twa milawu ni marito ya HOSI ya matimba hinkwawo, hambileswi yi va rhumeleke swona hi Moya wa yona lowu fambiseke vaprofeta lavo rhanga. Hikokwalaho, HOSI ya matimba hinkwawo yi va hlundzukerile ngopfu,

2 TIHOSI 22:16

“Yingisani! Ndzi vurisa sweswo mina HOSI ndzi ri, ndzi ta vanga khombo endhawini leyi ni le henhla ka vaaki va yona, hi ku landza marito hinkwawo ya buku leyi yi hlayiweke hi hosi ya Yuda.

Esaya 43:28

Hikokwalaho, ndzi nyamisile varhangeri va le Tempeleni, ndzi nyiketa va ka Yakobo leswaku va heriseriwa makumu, ndzi tshika Vaisraele va rhuketeriwa.”