Daniele 9:11 - BIBELE Mahungu Lamanene

¹¹ Hina hinkwerhu Vaisraele, hi tlurile nawu wa wena hi wu tshika, hi ala ku yingisa rito ra wena. Hikokwalaho leswi hi ku dyoheleke we Xikwembu, hi weriwile hi ndzhukano lowu Muxe nandza wa wena a wu tsaleke eNawini, lowu a wu tiyiseke hi ku hlambanya.

Xitsonga (Bibele)

¹¹ Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Daniele 9:11 Referans Kwoze

Yeremiya 9:26

Ndzi vula lava akeke etikweni ra Egipta, ni ra Yuda, ni ra Edomu, ni ra va ka Amoni, ni ra Mowabu, ndzi ba ni hinkwavo lava tshamaka emananga lava byewulaka malebvu lomu matlhelo. Vanhu lava hinkwavo, swin'we ni Vaisraele hinkwavo, va fana ni lava nga yimbangiki, hikuva etimbilwini ta vona a va na mhaka na mina.”

2 TIHOSI 22:16

“Yingisani! Ndzi vurisa sweswo mina HOSI ndzi ri, ndzi ta vanga khombo endhawini leyi ni le henhla ka vaaki va yona, hi ku landza marito hinkwawo ya buku leyi yi hlayiweke hi hosi ya Yuda.

Esaya 1:3

Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”

Esaya 43:28

Hikokwalaho, ndzi nyamisile varhangeri va le Tempeleni, ndzi nyiketa va ka Yakobo leswaku va heriseriwa makumu, ndzi tshika Vaisraele va rhuketeriwa.”

Yeremiya 2:29

HOSI Xikwembu xi vula sweswo xi ri: “Hikwalaho ka yini mi ndzi veka nandzu xana? Hinkwenu mi tiarisile, mi lwa na mina.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 40:3

Kutani xi endlile hilaha xi vuleke hakona. Swilo leswi, n'wina mi lo tivangela, hikuva mi dyoherile HOSI Xikwembu, mi ala ku yingisa marito ya xona.

Yeremiya 44:23

Namuntlha mi wele ni makhombo lawa hikuva mi dyohele HOSI Xikwembu hi ku hisa mirhi ya risuna, mi ala ku yingisa marito ya xona, mi fularhela milawu ya xona, mi tshika swiletelo ni switsundzuxo swa xona!”

Daniele 9:5

Kambe hina hi ku dyoherile, hi endlile leswo biha, hi tivangele nandzu hi ku ku fularhela hi tlula milawu ya wena.

Daniele 9:13

Mahlomulo lawa hinkwawo, ma hi humelerile hilaha swi tsariweke hakona eka Nawu wa Muxe, kambe hambiswiritano we HOSI Xikwembu xa hina, a hi hundzukanga, a hi tshikanga swidyoho swa hina, naswona a hi kombelanga leswaku u hi twela vusiwana; marito ya wena ya ntiyiso, a hi ma yingisanga.

Zakariya 7:12

va nonon'hwisa ni timbilu ta vona ti fana ni maribye. A va swi lavanga ku twa milawu ni marito ya HOSI ya matimba hinkwawo, hambileswi yi va rhumeleke swona hi Moya wa yona lowu fambiseke vaprofeta lavo rhanga. Hikokwalaho, HOSI ya matimba hinkwawo yi va hlundzukerile ngopfu,

Zakariya 8:13

N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”

Duteronoma 8:20

Loko mi nga yingisi HOSI Xikwembu xa n'wina, mi ta herisiwa ku fana ni tinxaka leti xi nga ta ti herisa ti suka emahlweni ka n'wina.

2 TIHOSI 18:12

Leswi swi humelerile hikuva Vaisraele a va yingisanga rito ra HOSI Xikwembu xa vona, kambe va tshikile ntwanano wa xona va tlhela va tshika hinkwaswo leswi Muxe nandza wa xona a a va lerisile swona. A va swi yingisanga, na ku swi endla a va swi endlanga.

Yeremiya 6:19

Wena misava yingisa: Vanhu lava ndzi ta va vangela makhombo. Va ta tshovela leswo biha leswi va swi byaleke, hikuva a va yingisanga marito ya mina, ni nawu wa mina va arile ku wu landza.

Yeremiya 16:11

Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.

Yeremiya 30:14

Hinkwavo lava a wu twanana na vona sweswi va ku rivarile, a va ha ri na mhaka na wena; ndzi ku bile ku fana ni loko ndzi ri nala wa wena, ndzi ku tshinya onge ndzi munhu wa nsele, hikuva milandzu ya wena a yi ri yikulu, ni swidyoho swa wena a swi tele ngopfu.

Yeremiya 44:22

Namuntlha, tiko ra n'wina ri onhiwile, ri hundzukile mananga, ra soriwa, a ra ha ri na munhu! Xivangelo hileswaku HOSI Xikwembu xi karhele hi swiendlo swa n'wina leswo biha ni manyala lawa mi ma endleke.

Zakariya 1:6

Kambe marito ni swileriso swa mina leswi ndzi swi rhwexeke vaprofeta, malandza ya mina, swi khumbile timbilu ta vatata wa n'wina. “Hikokwalaho, va hundzukile va ku: ‘HOSI Xikwembu xa matimba hinkwawo xi hetisisile makungu ya xona evutomini bya hina; xi hi bile hikwalaho ka swidyoho swa hina!’ ”