Daniele 8:8 - BIBELE Mahungu Lamanene

⁸ Kutani xiphongho xi sungula ku tikurisa swinene. Kambe loko xa ha titwa xi ri ni matimba lamakulu, rimhondzo ra xona lerikulu ro tshoveka, kutani ku hluka timhondzo ta mune leto hlamarisa ematshan'weni ya rona, ti kula ti langutile ematlhelo ya mune ya misava.

Xitsonga (Bibele)

⁸ Xiphongo xi va ni matimba hi ku tlurisa, kutani kuteloko xi fike ematimbeni ya xona, rimhondzo lero leha ri tshoveka, kutani ematshan'weni ya rona ku mila timhondzo ta mune to leha, ti kula tlhelo ra timheho ta mune ta le tilweni.

Daniele 8:8 Referans Kwoze

Daniele 7:2

a ku: “Xivono lexi ndzi xi voneke nivusiku i xa timheho ta mune leti a ti ri karhi ti pfindlusa swidziva swa lwandle.

Nhlavutelo 7:1

Endzhaku ka sweswo ndzi vona mune wa tintsumi ti yimile etinhleni ta mune ta misava, ti sivela timheho ta mune ta misava, leswaku ni yin'we ya tona yi nga hungeli emisaveni, kumbe elwandle, kumbe emurhini wun'wana ni wun'wana.

Daniele 8:22

Rimhondzo leri ri tshovekeke ri siviwa hi tin'wana ta mune, swi vula mimfumo ya mune leyi nga ta humelela erixakeni rero, kambe mimfumo leyi a yi nga ha vi na matimba lama ringanaka ni ya mfumo lowo rhanga.

Daniele 8:5

“Kuteloko ndza ha hlamala swona, ndzo vona xiphongho lexi humaka evupeladyambu, xi tsemakanya matiko hinkwawo hi rivilo lerikulu xi nga kandziyi ni le hansi. Xiphongho xa kona a xi ri ni rimhondzo ro hlamarisa emombyeni,

Daniele 5:20

Kambe kuteloko a sungurile ku tikurisa ni ku tiomisa nhloko ni ku tivona ngopfu, ú tsongahatiwile, a susiwa exitulwini xa yena xa vuhosi, a tekeriwa ku dzuneka ka yena,

2 TIKRONIKA 26:16

Kuteloko Uziya a vona leswaku mfumo wa yena wu tiyile, a ngheniwa hi moya wa ku tikurisa, a nga ha tshembeki eka HOSI, Xikwembu xa yena, kutani a tivangela khombo lerikulu: Siku rin'wana a nghena eTempeleni ya HOSI Xikwembu, a ya hisa mirhi ya risuna alitarini ya kona.

Marka 13:27

Kutani ú ta rhuma tintsumi ta yena ku ta hlengeleta vahlawuriwa va yena; va ta huma ematlhelweni ya mune ya misava, ku sukela emakun'wini ya yona ku yisa emakun'wini ya tilo.

Matewu 24:31

Hi mpfumawulo lowukulu wa mhalamhala, ú ta rhuma tintsumi ta yena; ti ta hlengeleta vahlawuriwa va yena, va huma ematlhelweni ya mune ya misava, ku sungula emakun'wini man'wana ya tilo ku ya fika eka laman'wanyana.

Daniele 11:4

Kambe loko a titwa a tiyile swinene mfumo wa yena wu ta pandzeka, wu avana wu huma mimfumo ya mune ni ku tlula; mimfumo leyi a yi nga tiyi ku fana ni lowo sungula, naswona a yi nga nyiketiwi eka vana va mufumi loyi; yi ta susiwa emavokweni ya vona, yi nyikiwa van'wana.

Daniele 7:6

Endzhaku ka sweswo, ndzi tlhela ndzi languta, kutani ndzi vona xivandzana xin'wana lexi fanaka ni yingwe. Enhlaneni wa xona a xi ri ni timpapa ta mune to fana ni ta tinyanyana; naswona a xi ri ni tinhloko ta mune. Kutani xi nyikiwa vuhosi.

Daniele 4:31

Loko hosi ya ha vulavula, ku twala rito leri humaka etilweni, ri ku: “We Nebukadnetsara, tiva leswaku vuhosi bya wena, u tekeriwile byona.

Ezekiele 28:9

Loko valala va ri karhi va ku dlaya, a wu nga ha vuli leswaku u tlharihile ku fana ni xin'wana xa swikwembu; hakunene, emahlweni ka lava va ku tlhavaka, a wu nga ha vi xin'wana xa swikwembu, u to va munhu ntsena!

Ezekiele 16:7

Hakunene ndzi ku kurisile kukota ximila ensin'wini. U kurile u tlhela u leha u va nhwana wo saseka swinene; u phundlile mavele u fuwa ni misisi, kambe a wu nga ambalanga nchumu!

Yeremiya 5:27

Tindlu ta vona ti tele hi swa vukanganyisi, tanihi xirhundzu lexi taleke hi tinyanyana leti phasiweke. Vanhu lava va fumile ngopfu,

Estere 9:4

Wanuna loyi Mordekayi a a ri ni xiyimo xa le henhla emutini wa hosi, naswona ku twala ka yena a ku tiveka eswifundzheni hinkwaswo, hikuva matimba ya yena a ma ya ma kula.

Duteronoma 31:20

Loko ndzi ta va ndzi va fikisile etikweni leri khulukaka ntswamba ni vulombe, leri ndzi hlambanyeke ku ri nyika vatata wa vona, vanhu lava va ta dya va xurha, va tlhela va nyuhela, kutani va ta ndzi sola, va tshova ntwanano wa mina, va ya va ya tirhela swikwembu swin'wana.

Yeremiya 49:36

Ndzi ta vitana timheho ta mune ta misava, ti ta ba Vaelamu ti va hangalasela ematikweni hinkwawo; loko va ta va va hangalasiwile hi ndlela yoleyo, va ta kumeka hinkwako va ri valuveri.

Daniele 8:7

Kutani ndzi vona xiphongho lexi xi ri karhi xi tshinelela khuna, xi ri mpfhumpfhela, xi fika xi ri gemba, xi ri tshova timhondzo hi timbirhi ka tona. Khuna rona a ri nga ri na matimba ya ku tilwela; kutani xiphongho xi ri wisela hansi, xi ri kandziyela, ku ri hava na munhu loyi a nga ri lamulelaka.