Daniele 8:5 - BIBELE Mahungu Lamanene

⁵ “Kuteloko ndza ha hlamala swona, ndzo vona xiphongho lexi humaka evupeladyambu, xi tsemakanya matiko hinkwawo hi rivilo lerikulu xi nga kandziyi ni le hansi. Xiphongho xa kona a xi ri ni rimhondzo ro hlamarisa emombyeni,

Xitsonga (Bibele)

⁵ Kutani mina, loko ndza ha ri karhi ndzi hlalela, ndzi vona xiphongo xi tsemakanya hi ku anama ka misava, xi huma evupeladyambu, xi nga kandziyi ehansi, xiphongo lexi a xi ri ni rimhondzo lerikulu emaharini ya mahlo ya xona.

Daniele 8:5 Referans Kwoze

Daniele 8:21

Xiphongho xona i mfumo wa Vagriki, kutani rimhondzo lerikulu emombyeni wa xona, i hosi ya kona yo sungula.

Daniele 11:3

Kambe ku ta humelela hosi ya Vagriki leyi nga ta va nhenha leyikulu; mfumo wa yena wu ta nava swinene, kutani mufumi loyi ú ta endla hinkwaswo leswi a swi rhandzaka.

Daniele 8:8

Kutani xiphongho xi sungula ku tikurisa swinene. Kambe loko xa ha titwa xi ri ni matimba lamakulu, rimhondzo ra xona lerikulu ro tshoveka, kutani ku hluka timhondzo ta mune leto hlamarisa ematshan'weni ya rona, ti kula ti langutile ematlhelo ya mune ya misava.

Daniele 7:6

Endzhaku ka sweswo, ndzi tlhela ndzi languta, kutani ndzi vona xivandzana xin'wana lexi fanaka ni yingwe. Enhlaneni wa xona a xi ri ni timpapa ta mune to fana ni ta tinyanyana; naswona a xi ri ni tinhloko ta mune. Kutani xi nyikiwa vuhosi.

Daniele 2:39

Endzhaku ka mfumo wa wena, ku ta nghena mfumo lowuntshwa lowu nga ta va hansinyana eka lowa wena. Loko ku hundzile nkarhi, ku ta humelela mfumo wun'wana wa vunharhu, lowu fanisiwaka hi koporo, wona wu ta eneta misava hinkwayo.

Daniele 2:32

Nhloko ya xona a yi ri ya nsuku lowo tenga, xifuva ni mavoko ya xona swi ri swa silivhere, khwiri ni tinyonga ta xona swi ri swa koporo.

Daniele 8:6

kutani xi kongoma khuna lera timhondzo timbirhi, leri a ndzi ri vonile ri yimile eribuweni ra nambu. Xiphongho xi ta hi ku tsutsuma xi tela khuna hi matimba layo chavisa.