Daniele 8:19 - BIBELE Mahungu Lamanene

¹⁹ a ku ka mina: ‘Vona, ndzi ta ku tivisa leswi nga ta humelela eminkarhini ya makumu, yi nga minkarhi leyi vekiweke khale, leyi Xikwembu xi nga ta tshika ku hlundzuka ka xona ha yona.

Xitsonga (Bibele)

¹⁹ Kutani a ku eka mina: “Languta, ndzi ta ku kombisa leswi nga ta humelela emakun'wini ya vukari, hikuva wu kona nkarhi lowu vekeriweke makumu.

Daniele 8:19 Referans Kwoze

Habakuku 2:3

Tsala ta xivono, hikuva nkarhi wa tona wa ha ta; hambiswiritano, ti ya eku hetisekeni ka tona, ti nga ka ti nga kohli munhu. Loko to tshuka ti hlwela, lehisa mbilu; hikuva ku humelela, ti ta humelela, ti nga ka ti nga heleli empfhukeni.

Nhlavutelo 17:17

Hikuva Xikwembu xi nghenisile etimbilwini ta swona leswaku swi yisa makungu ya xona emahlweni: Hi ku twanana ka swona, swi ta nyika matimba ya vuhosi bya swona eka xivandzana, ku kondza loko marito ya Xikwembu ma hetiseka.

Daniele 11:27

Siku rin'wana, mufumi wa le Siriya ú ta pfumelela mufumi wa le Egipta ku dya na yena, kambe timbilu ta vona ti ta tala vukanganyisi, va byelana mavunwa, kutani va nge kumi leswi va swi lavaka, hikuva nkarhi lowu Xikwembu xi wu vekeke wu ta va wu nga si fika.

Nhlavutelo 15:1

Kutani ndzi vona etilweni singita rin'wana lerikulu, ro hlamarisa, ra tintsumi ta 7 leti nga ni mintungu ya 7. Leyi i mintungu yo hetelela, hikuva hi wona makumu ya vukari bya Xikwembu.

Nhlavutelo 11:18

Vanhu va matiko a va tele ku hlundzuka, kambe siku ra vukari bya wena ri fikile; i nkarhi wa ku avanyisa lava feke. I nkarhi wa ku nyika hakelo eka vaprofeta malandza ya wena, ni ka vahlawuriwa va wena hinkwawo, ni ka hinkwavo lava va ku chavaka, lavakulu ni lavatsongo. I nkarhi wa ku herisa lava herisaka misava.”

Nhlavutelo 10:7

kambe siku ntsumi ya vu-7 yi chayaka nanga, makungu ya Xikwembu lawa a ma fihliwile, lawa xi ma byeleke vaprofeta malandza ya xona, ma ta hetiseka.”

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Daniele 8:23

“ ‘Loko mimfumo leyi yi ya eku heleni ka yona, ni loko vadyohi va ta va va fumile ku ringana, ku ta humelela hosi yin'wana yo tikurisa ngopfu, leyi tivaka ku vutisa vanhu swivutiso leswo tika.

Luka 21:23

Va ta va ni khombo vavasati lava tikeke ni lava mamisaka eminkarhini yoleyo, hikuva ku xaniseka lokukulu ku ta va kona emisaveni, ni vukari bya Xikwembu byi ta wela vanhu lava.

Pisalema 102:13

U ta suka u yima u tsetselela muti wa Siyoni, hikuva hi wona nkarhi wa ku wu twela vusiwana, nkarhi lowu vekiweke hakunene wu fikile.

Daniele 12:4

“Sweswi, we Daniele, hlayisa timhaka leti ti tsariweke, u nga tshuki u boxa xihundla xa kona; lavo tala va ta rhendzeleka-rhendzeleka, va lava vutivi, kambe va nge byi kumi.”