Daniele 8:17 - BIBELE Mahungu Lamanene

¹⁷ Hiloko Gabriele a ta kusuhi na mina, kutani ndzi wa hi mombo hi ku chava. Yena a ku ka mina: ‘We Daniele, u munhu ntsena; tiva leswaku xivono lexi u xi voneke xi khumba leswi nga ta humelela, loko minkarhi ya sweswi yi ya eku heleni.’

Xitsonga (Bibele)

¹⁷ Kutani a tshinelela laha ndzi yimeke kona, kakuloko a ta, ndzi rhurhumela, ndzi wa hi mombo ehansi, kutani a ku eka mina: “Xiyaxiya, n'wana wa munhu, ku vona loku ku ta hetiseka eminkarhini ya makumu.”

Daniele 8:17 Referans Kwoze

Daniele 8:19

a ku ka mina: ‘Vona, ndzi ta ku tivisa leswi nga ta humelela eminkarhini ya makumu, yi nga minkarhi leyi vekiweke khale, leyi Xikwembu xi nga ta tshika ku hlundzuka ka xona ha yona.

Daniele 12:4

“Sweswi, we Daniele, hlayisa timhaka leti ti tsariweke, u nga tshuki u boxa xihundla xa kona; lavo tala va ta rhendzeleka-rhendzeleka, va lava vutivi, kambe va nge byi kumi.”

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Habakuku 2:3

Tsala ta xivono, hikuva nkarhi wa tona wa ha ta; hambiswiritano, ti ya eku hetisekeni ka tona, ti nga ka ti nga kohli munhu. Loko to tshuka ti hlwela, lehisa mbilu; hikuva ku humelela, ti ta humelela, ti nga ka ti nga heleli empfhukeni.

Daniele 12:13

“ ‘Kambe wena Daniele, tiyisela endleleni ya wena ku kondza u ya fika emakumu; u ta wisa, kutani eminkarhini ya makumu, u ta suka u yima, u amukela ndzhaka ya wena.’ ”

Daniele 11:40

“Eminkarhini ya makumu, mufumi wa le Egipta ú ta ya a ya lwa ni mufumi wa le Siriya, kambe yena ú ta n'wi hlanganisa ku fana ni xihuhuri. Ú ta n'wi tela hi makalichi ya nyimpi, ni vagadi va tihanci, ni tingalava leto tala. Ú ta ya nghena ni le matikweni man'wana a ma hlasela ku fana ni ndhambi ya mati lama hobomulanaka.

Nhlavutelo 22:8

Hi mina Yohane hi xiviri xa mina ndzi nga twa ni ku vona swilo leswi. Kutani loko ndzi swi twile ni ku swi vona, ndzi wa hi matsolo, ku ta gandzela emilengeni ya ntsumi leyi yi ndzi kombeke swona.

Ezekiele 1:28

Ku voninga ka kona a ku sasekile ku fana ni nkwangulatilo, loko wu vonaka emapapeni esikwini ra mpfula. Xilo lexi vangamaka lexi, a ku ri kona ku dzuneka ka HOSI Xikwembu. Loko ndzi xi vona, ndzi wela hansi hi mombo, kutani ndzi twa un'wana a ri karhi a vulavula na mina.

Matewu 17:8

Loko va tlakusa mahlo, va vona Yesu a ri yexe, ku nga ri na un'wana kwalaho.

Daniele 10:16

Kambe a khumba nomo wa mina hi voko ra yena; kavaloko ririmi ra mina ri ntshunxeka, ndzi sungula ku vulavula na yena a ha yimile emahlweni ka mina, ndzi ku ka yena: ‘We N'wini wanga, ndzi tlhavekile ngopfu hi mhaka ya xivono lexi, kutani sweswi ndzi titwa ndzi nga ha koti nchumu.

Daniele 10:11

Kutani munhu loyi a ku ka mina: ‘We Daniele, wena loyi Xikwembu xi ku tsakelaka swinene, ringeta ku twisisa mahungu lawa ndzi ku tiselaka wona; suka u yima, hikuva namuntlha ndzi rhumiwile eka wena.’ Loko ndzi twa marito lawa, ndzi suka ndzi yima, ndza ha rhurhumela swinene.

Daniele 9:27

Hi nkarhi wa malembe ya 7, mufumi loyi ú ta sindzisa lavo tala leswaku va tirhisana na yena; kutani loko ku hundzile malembe manharhu na hafu, ú ta sivela vanhu ku tlhava swifuwo swa magandzelo kumbe ku humesa nhlengo. Ú ta hatla a tirha swa yena swa manyala, a onhetela hinkwaswo; kambe ku herisiwa ka muonhi loyi, Xikwembu xi ku bohile khale, kutani ku ta n'wi wela hi xitshuketa.’ ”

Daniele 9:23

Enkarhini lowu u yiseke xirilo xa wena eka Xikwembu, Xikwembu xi humesile rito, kutani ndzi tele ku ta ku tivisa rona. Tiva leswaku Xikwembu xa ku tsakela swinene; hikokwalaho ringeta ku twisisa rito ra xona, u kuma nhlamuselo ya xivono.

Daniele 8:15

“Loko mina Daniele ndza ha lava ku twisisa xivono lexi ndzi xi voneke, ko humelela xivumbiwa xin'wana lexi fanaka ni munhu, xi fika xi yima emahlweni ka mina.

Daniele 2:46

Kutani hosi Nebukadnetsara a wela hansi hi mombo, a titsongahata emahlweni ka Daniele. Kutani a lerisa leswaku Daniele a humeseriwa magandzelo ni mirhi ya risuna.

Ezekiele 6:2

“Wena munhu, languta leswi humelelaka etintshaveni ta Israele, kutani u twarisa mahungu ya mina,

Genesa 17:3

Hiloko Abrama a wela ehansi hi mombo, kutani Xikwembu xi ku ka yena:

Ezekiele 44:4

Kutani mupimi a tlhela a ndzi yisa exivaveni xa le ndzeni hi nyangwa ya le n'walungwini, hi fika swin'we emahlweni ka Tempele; kutani loko ndzi languta, ndzi vona ku dzuneka ka HOSI Xikwembu ku tatile Tempele ya xona. Hiloko ndzi wela hansi hi mombo.

Daniele 7:16

Kutani ndzi ya eka un'wana wa lava a va yimile kwalaho, ndzi fika ndzi n'wi vutisa leswaku swilo leswi swi vula yini. Hiloko a ndzi hlamula, a ndzi tivisa ni nhlamuselo ya swona,

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Ezekiele 2:1

Loyi a vulavulaka na mina a ku: “Wena munhu, suka u yima, hikuva ndzi ni rito eka wena!”

Daniele 11:27

Siku rin'wana, mufumi wa le Siriya ú ta pfumelela mufumi wa le Egipta ku dya na yena, kambe timbilu ta vona ti ta tala vukanganyisi, va byelana mavunwa, kutani va nge kumi leswi va swi lavaka, hikuva nkarhi lowu Xikwembu xi wu vekeke wu ta va wu nga si fika.