Daniele 7:9 - BIBELE Mahungu Lamanene

⁹ “Kuteloko ndza ha langutile, ku veketeriwa swiluvelo, kutani loyi a a ri kona ku sukela khale a tshama exiluvelweni xa yena. Swiambalo swa yena a swi basile ku fana ni gamboko, misisi ya yena a yi fana ni voya byo saseka bya nyimpfu. Xiluvelo xa yena a xi vuvumela, xi ri ni mavhilwa lama vangamaka kukotisa ndzilo.

Xitsonga (Bibele)

⁹ “Ndzo languta ku fikela swiluvelo swi ko swi vekiwa, kutani Nkulukumba wa masiku a tshamisa. Xifunengelo xa yena a xi basile kukotisa gamboko, ni misisi ya yena yi basile kukotisa voya bya nyimpfu leyi hlantswiweke. Xiluvelo xa yena a xi fana ni malangavi ya ndzilo ni masondzo ya xona ma ri tanihi ndzilo lowu pfurhaka.

Daniele 7:9 Referans Kwoze

Nhlavutelo 1:14

Misisi ya nhloko ya yena a yi basile ku fana ni voya bya tinyimpfu, yi fana ni gamboko. Mahlo ya yena a ma fana ni malangavi ya ndzilo.

Marka 9:3

swiambalo swa yena swi sungula ku vangama, swi basa swinene, ku tlula leswi vahlantswi va swiambalo va laha misaveni va nga swi basisisaka xiswona.

Matewu 17:2

Kutani a hundzuka emahlweni ka vona; nghohe ya yena yi hatima kukotisa dyambu, na swona swiambalo swa yena swi hundzuka leswo basa, swi vangama kukotisa ku vonakala.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Daniele 7:22

Kambe eku heteleleni, ku humelela Loyi a a ri kona ku sukela khale, yena Loyi a nga henhla-henhla, kutani a avanyisela vahlawuriwa va yena etimhaka ta vona, kutani ku fika nkarhi lowu vahlawuriwa lava va nyikiwaka vuhosi.

Daniele 7:13

Loko ndzi ri karhi ndzi vona xivono lexi nivusiku, “ku humelela loyi a fanaka ni n'wana wa munhu, a ta hi le mapapeni, a fika a tivisiwa eka Loyi a a ri kona ku sukela khale.

Nhlavutelo 19:18

mi ta dya nyama ya tihosi, ni nyama ya tindhuna ta tinyimpi, ni nyama ya tinhenha, ni nyama ya tihanci ni ya vagadi va tona, ni nyama ya vanhu hinkwavo, vantshunxeki ni mahlonga, lavakulu ni lavatsongo.”

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Timhaka 2:30

Hambiswiritano, a a ri muprofeta; naswona a a tiva leswaku Xikwembu xi n'wi tshembisile hi ku hlambanya leswaku xi ta tshamisisa un'wana wa rixaka ra yena exiluvelweni xa yena.

Habakuku 1:12

Xana a hi wena la nga HOSI ku sukela emasungulweni ya hinkwaswo xana, wena Xikwembu xanga ni Muhlawuleki wanga, wena la nga riki na ku fa, xana? Wena HOSI, u hlawurile Vakalediya ku hi avanyisa; wena Ribye ra masungulo, u va vekile ku hi tshinya.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Pisalema 90:2

Loko tintshava ti nga si va kona, ni loko u nga si tumbuluxa misava ni leswi nga ka yona, u vile Xikwembu, naswona wa ha ta va xona hilaha ku nga heriki.

1 Timotiya 6:16

Hi yena ntsena la nga riki na ku fa, loyi a akeke eku vonakaleni loku nga tshinelelekiki; ku hava munhu ni un'we loyi a tshamaka a n'wi vona, kumbe loyi a kotaka ku n'wi vona. Eka yena a ku ve ku chaviseka ni ku fuma, hilaha ku nga heriki. Amen.

Pisalema 45:8

Swiambalo swa wena hinkwaswo swi n'wan'waseriwile mirhi ya risuna ya mirha ni mhangana. Etindlwini leto saseka ta le ntsindza, ku twala mpfumawulo wa swichaya-chayani leswi swi ku tsakisaka.

1 Yohane 1:5

Mahungu lawa hi ma tweke eka N'wana, lawa hi mi tivisaka wona, hi lawa: Hileswaku Xikwembu i ku vonakala, kutani eka xona ku hava munyama nikutsongo.

Matewu 28:3

A yi vangama ku fana ni rihati, ni swiambalo swa yona a swi basile kukota gamboko.

Nhlavutelo 4:2

Kan'we-kan'we ndzi tela hi Moya, kutani ndzi vona xiluvelo xi ri etilweni. A ku tshamile un'wana exiluvelweni xa kona.

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

2 TIKRONIKA 18:18

Kutani Mikaya a engeta a ku ka vona: “Loko swi ri tano, yingisani rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka, a ma yimile evokweni ra xona ra xinene ni ra ximatsi.

Ezekiele 1:26

Ehenhla ka lwangu ra kona, leri ungamelaka swivumbiwa, a ku ri ni leswi fanaka ni ribye ra nkoka ra “safiri”; ribye ra kona a ri ri ni xiyimo xa xiluvelo, kutani exiluvelweni xexo, ehenhla swinene, a ku vonaka xilo lexi nga ni xivumbeko xa munhu,

Pisalema 93:2

We HOSI, xiluvelo xa wena u xi tiyisile ku sukela khale, na wena u vile kona minkarhi hinkwayo.

Esaya 6:1

Elembeni leri hosi Uziya a feke ha rona, ndzi vonile N'wini wa hinkwaswo a tshamile exiluvelweni lexikulu xo tlakuka; xiambalo xa yena a xi koka hansi xi tata Tempele.

Yeremiya 49:38

Ndzi ta susa hosi ya vona ni tindhuna ta yona, ndzi veka loyi ndzi n'wi rhandzaka exiluvelweni, ku vula mina HOSI.