Daniele 7:7 - BIBELE Mahungu Lamanene

⁷ Ndzi tlhela ndzi vona xivono nivusiku, ndzi kombiwa xivandzana xa vumune. Xona a xi tiyile ku tlula mpimo, naswona a xi chavisa ngopfu. A xi ri ni meno lamakulu ya nsimbhi, xi kota ku handzulela ni ku tshovelela, xi tlhela xi kandziyela hi milenge leswi saleke. A xi hambanile ni swivandzana leswin'wana, xi ri ni timhondzo ta khume.

Xitsonga (Bibele)

⁷ “Endzhaku ka sweswo, loko ndzi languta eswivonweni swa vusiku, ndzi vona xivandza xa vumune lexi chavisaka, lexo leva, lexi hundzisaka hi matimba, xi ri ni meno lamakulu ya nsimbhi, a xi phorha xi tshovelela, xi kandziyela hi milenge leswi seleke; a xi nga fani ni swivandza swin'wana leswi xi rhangeleke emahlweni, kambe a xi ri ni timhondzo ta khume.

Daniele 7:7 Referans Kwoze

Nhlavutelo 13:1

Kutani ndzi vona xivandzana xi tangunuka hi le lwandle, xi huma xi ri ni khume ra timhondzo ni tinhloko ta 7, ni harhi ya vuhosi erimhondzweni rin'wana ni rin'wana ra xona, ni vito leri sandzaka Xikwembu ri tsariwile etinhlokweni ta xona.

Nhlavutelo 12:3

Ku humelela singita rin'wana etilweni, ra dragona leyikulu yo tshwuka, ya tinhloko ta 7 ni timhondzo ta khume, ni harhi ya vuhosi ehenhla ka nhloko yin'wana ni yin'wana ya yona.

Nhlavutelo 17:12

“Timhondzo ta khume leti u ti voneke i tihosi ta khume; a ti si nyikiwa ku fuma, kambe ti ta nyikiwa matimba ya vuhosi ku ringana nkarhinyana ntsena, ti ri ni xivandzana.

Nhlavutelo 17:7

Kambe ntsumi yi ku ka mina: “U hlamalela yini? Ndzi ta ku byela xihundla xa wansati loyi, ni xa xivandzana lexi a tshameke ehenhla ka xona, xa tinhloko ta 7 ni timhondzo ta khume.

Daniele 8:10

Eku kuleni ka rona rimhondzo leri ri ya fika ni le ka swivumbiwa swa le tilweni, ri hawula swin'wana swa swona, ri wisela hansi ni tinyeleti ti nga ri tingani, ri ti kandziyela.

Daniele 7:13

Loko ndzi ri karhi ndzi vona xivono lexi nivusiku, “ku humelela loyi a fanaka ni n'wana wa munhu, a ta hi le mapapeni, a fika a tivisiwa eka Loyi a a ri kona ku sukela khale.

Daniele 7:2

a ku: “Xivono lexi ndzi xi voneke nivusiku i xa timheho ta mune leti a ti ri karhi ti pfindlusa swidziva swa lwandle.

2 SAMIELE 22:43

Ndzi va sila ku fana ni ritshuri, ndzi va pyanya, ndzi va kandziyela kukota ndzhope egondzweni.

Nhlavutelo 17:8

Xivandzana lexi u xi voneke, a xi ri kona, kutani a xa ha ri kona, kambe xi ta fanela ku tlhandluka xi huma hi le kheleni lero enta ku ya ni ku ya, xi ya eku loveni. Kutani vaaki va laha misaveni, lava mavito ya vona ma nga tsariwangiki ebukwini ya vutomi khale, misava yi nga si tumbuluka, va ta hlamala ku vona xivandzana, hikuva a xi ri kona, kutani a xa ha ri kona, kambe xi ta fanela ku tlhela xi va kona.

Ezekiele 40:2

xi ndzi fikisa etikweni ra Israele hi xivono, xi ndzi yimisa entshaveni leyo leha ngopfu. Hi tlhelo ra le dzongeni ra ntshava leyi, a ku vonaka leswi fanaka ni tindlu ta muti.

Daniele 2:19

Kutani nivusiku, Daniele a paluxeriwa xihundla xa kona hi xivono; hiloko a dzunisa Xikwembu xa le matilweni,

Ntirho 41:14

Xana i mani la nga tiyelaka ku yi anyula tinhlaya, leswi meno ya yona ma chavisaka xana?

Daniele 8:22

Rimhondzo leri ri tshovekeke ri siviwa hi tin'wana ta mune, swi vula mimfumo ya mune leyi nga ta humelela erixakeni rero, kambe mimfumo leyi a yi nga ha vi na matimba lama ringanaka ni ya mfumo lowo rhanga.

Zakariya 2:1

Ndzi tlakusa mahlo ya mina, kutani ndzi vona wanuna loyi a a khomile ngoti yo pima ha yona.