Daniele 7:26 - BIBELE Mahungu Lamanene

²⁶ Kambe huvo ya le tilweni yi ta avanyisa timhaka, yi tekela hosi leyi emfumo wa yona, yi wu herisa wu helela makumu.

Xitsonga (Bibele)

²⁶ Kutani ku avanyisa ku ta fika kwalaho, u ta tekeriwa vuhosi, byi ta herisiwa, byi lovisiwa hilaha ku nga heriki.

Daniele 7:26 Referans Kwoze

Nhlavutelo 11:13

Hi nkarhi wolowo ku va ni ku tsekatseka lokukulu ka misava, kutani xiphemu xin'we xa khume xa muti xi hindzimuka, ku fa vanhu va 7 000 va dlawa hi ku tsekatseka loku. Lava saleke va khomiwa hi ku chava lokukulu, kutani va dzunisa Xikwembu xa le tilweni.

2 Vatesalonika 2:8

Kutani hi kona loko munhu lowo homboloka a nga ta humeseriwa erivaleni, kutani Hosi Yesu ú ta n'wi dlaya hi moya lowu humaka enon'weni wa yena, a n'wi lovisa hi ku kwetsima ka yena, siku a taka.

Daniele 7:22

Kambe eku heteleleni, ku humelela Loyi a a ri kona ku sukela khale, yena Loyi a nga henhla-henhla, kutani a avanyisela vahlawuriwa va yena etimhaka ta vona, kutani ku fika nkarhi lowu vahlawuriwa lava va nyikiwaka vuhosi.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Nhlavutelo 19:2

hikuva ku avanyisa ka xona ka tshembeka, ku lulamile minkarhi hinkwayo. Xi avanyisile muoswi lonkulu loyi a boriseke misava hi vuoswi bya yena, kutani xi rihiserile ngati ya malandza ya xona ehenhla ka yena.”

Daniele 11:45

Ú ta dzima mintsonga ya yena ya vuhosi exikarhi ka lwandle ni ntshava leyo hlawuleka etikweni lero saseka ra Israele, hambiswiritano ú ta dlayiwa, ku ri hava ni loyi a nga n'wi lamulelaka.”