Daniele 7:25 - BIBELE Mahungu Lamanene

²⁵ Hosi ya kona yi ta sandza Loyi a nga henhla-henhla, vahlawuriwa va yena, yi ta va xanisa, yi hundzuluxa milawu ya minkhuvo ya vona, kutani va ta wela emavokweni ya yona nkarhi wo ringana malembe manharhu na hafu.

Xitsonga (Bibele)

²⁵ U ta humesa marito ya ku lwa ni Muungameri-la-tlakukeke, u ta xanisa vahlawuriwa va Muungameri-la-tlakukeke, kutani a va ni makungu ya ku hundzula mikarhi ni nawu, kutani vahlawuriwa va ta nyiketiwa emavokweni ya yena hi nkarhi, ni mikarhi yin'wana, ni hafu ya nkarhi.

Daniele 7:25 Referans Kwoze

Nhlavutelo 12:14

Kambe wansati a nyikiwa timpapa timbirhi ta gama lerikulu leswaku a haha a siya nyoka leyi, a ya tumbela emananga, endhawini leyi a nga ta hlayisiwa a phameriwa ka yona malembe manharhu ni hafu.

2 Vatesalonika 2:4

Munhu loyi ú lwa ni hinkwaswo leswi vuriwaka leswaku swi ni vukwembu, kumbe leswi gandzeriwaka, kutani a tikurisa ehenhla ka swona, a ko a ya tshama eTempeleni ya Xikwembu, a ri karhi a tivula leswaku yena hi yena Xikwembu.

Daniele 12:7

Wanuna loyi a yimeke enambyeni a ambele swa ntsembyani, a tlakusa mavoko, kutani ndzi n'wi twa a tiyisa mhaka hi vito ra Loyi-a-hanyaka, a ku: ‘Swi ta teka ntsena malembe manharhu na hafu. Loko ku xanisiwa ka vanhu lavo hlawuleka ku hela, swilo leswi hinkwaswo swi ta va swi humelerile.’

Nhlavutelo 12:6

Kutani wansati a ya tumbela emananga, laha Xikwembu xi n'wi lunghiseleke ndhawu kona, laha a nga ta hlayisiwa a phameriwa kona, hi masiku lama ringanaka 1 260.

Daniele 2:21

Hi xona xi hundzuluxaka minkarhi ni tinguva, xi susa ni ku veka tihosi eswitulwini swa tona; hi xona xi nyikaka vutlhari ni vutivi eka tintlhari ni ka lava twisisaka;

Nhlavutelo 18:24

Eka muti lowu, a ku kumiwa ngati ya vaprofeta, ni ya vahlawuriwa va Xikwembu, ni ya hinkwavo lava nga dlawa laha misaveni.

Daniele 7:20

Ndzi navela ni ku twisisa ta timhondzo ta khume leti a ti ri enhlokweni ya xivandzana, ni ta rimhondzo lerin'wana leri nga mila exikarhi ka tona, kutani ri gula tinharhu eka leta khume, ri nga rimhondzo leri a ri ri ni mahlo ni nomo lowu humesaka marito yo tikurisa, naswona ri ri leri chavisaka ku tlula timhondzo letin'wana.

Esaya 37:23

Xana loyi u n'wi sandzaka ni ku n'wi rhuketela, i mani xana? Xana i mani loyi u n'wi huweleleke, ni ku n'wi langutela hansi eku tikuriseni ka wena, xana? Hi mina Muhlawuleki wa Israele!

Daniele 7:8

Loko ndzi ri karhi ndzi xiyaxiya timhondzo ta kona, ndzi vona rimhondzo rin'wana leri milaka exikarhi ka letin'wana. Rona a ri ri ritsongo, kambe emahlweni ka rona, timhondzo tinharhu exikarhi ka leto sungula ti guleka, kutani ndzi vona leswaku rimhondzo leri a ri ri ni mahlo yo fana ni ya munhu, ni nomo lowu humesaka marito yo tikurisa.”

Nhlavutelo 17:6

Kutani ndzi vona wansati loyi, a pyopyiwile hi ngati ya vahlawuriwa va Xikwembu ni ngati ya lava dlayiweke hi mhaka ya ku landza Yesu. Loko ndzi n'wi vona, ndzi hlamala ngopfu.

Nhlavutelo 14:12

Leswi swi lava leswaku vahlawuriwa va Xikwembu va tiyisela, va ri karhi va hlayisa milawu ya xona, ni ku pfumela ka vona eka Yesu.

Daniele 11:28

Kutani mufumi wa le Siriya ú ta muka ni swilo swo tala leswi a swi phangheke, kambe ú ta endla makungu ya ku rhanga a ya hlasela vanhu va Ntwanano lowo hlawuleka; kunene ú ta endla tano, a nga si tlhelela ekaya.

Nhlavutelo 16:6

Hikuva vanhu va halatile ngati ya vahlawuriwa va wena ni ya vaprofeta, kutani u va nyikile ngati va nwa. I hakelo ya vona.”

Daniele 4:25

U ta hlongoriwa u suka exikarhi ka vanhu, u ya hanya ni swiharhi swa nhova, u dya byanyi ku fana ni homu, u wela hi mberha, ku kondza ku hundza malembe ya 7. Hikona u nga ta tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.

Daniele 4:32

U ta hlongoriwa u suka exikarhi ka vanhu, u ya tshama ni swiharhi swa nhova, u dya byanyi ku fana ni homu. Swi ta va tano malembe ya 7, u kondza u tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.”

2 Vatesalonika 2:3

Mi nga xisiwi hi munhu niswitsanana, hikuva siku ra kona a ri nga ti, loko ku nga si ta ku lahleka lokukulu, ni loko ku nga si humeseriwa erivaleni munhu lowo homboloka, la nga ta helela eku loveni.

2 Vatesalonika 2:8

Kutani hi kona loko munhu lowo homboloka a nga ta humeseriwa erivaleni, kutani Hosi Yesu ú ta n'wi dlaya hi moya lowu humaka enon'weni wa yena, a n'wi lovisa hi ku kwetsima ka yena, siku a taka.

Daniele 3:26

Kutani Nebukadnetsara a tshinela enon'weni wa khele ra ndzilo, a ku: “Wena Xadraka, na Mexaka, na Abedi-Nego, n'wina malandza ya Xikwembu xa le henhla-henhla humani mi ta haleno!” Hiloko Xadraka, na Mexaka, na Abedi-Nego va huma endzilweni.

Daniele 4:2

Ndzi vone swi lulamile eka mina ku mi komba mahlori hinkwawo lawa Xikwembu xa le henhla-henhla xi ndzi endleleke wona.

Daniele 4:17

Lawa i makungu ya valanguteri lavo hlawuleka ni xiboho xa vona. Hikokwalaho, vanhu hinkwavo va fanele ku tiva leswaku Loyi a nga henhla-henhla ú fuma tihosi hinkwato; a nga teka vuhosi hilaha a rhandzaka hakona, a nyika swikamba byi va bya swona.’

Daniele 7:18

Kambe vahlawuriwa va Loyi a nga henhla-henhla va ta nyikiwa mfumo wu va wa vona hilaha ku nga heriki.’

Daniele 8:14

Kutani xivulavuri xo sungula xi hlamula xi ku: ‘Swi ta teka masiku ya 1 150, magandzelo ya mixo na madyambu ma ha yimisiwile, ku kondza loko xivandla lexo hlawuleka xi tlhelela exiyin'weni xa xona lexo lulama.’

Hosiya 7:16

Va hundzukela eka leswi nga pfuniki nchumu, va fana ni vurha lebyi debyeke. Tihosi ta vona ti ta dlayiwa hi fumu, hikuva ti tikurisile ngopfu eku vulavuleni ka tona, kutani ti ta hundzuka xihlekiso etikweni ra Egipta.

Daniele 8:9

“Kutani eka leritsongo ra timhondzo leti ta mune, ku mila rimhondzo rin'wana lerintshwa, ri kula ku tlula mpimo, ri kongoma edzongeni, ni le vuxeni, ni le tikweni leri tlulaka matiko hinkwawo hi ku saseka.

Daniele 8:11

Hi ku tikurisa ka rona, ri fika ri lwa ni Mufumi wa swivumbiwa swa le tilweni, ri n'wi tekela magandzelo lawa a a fanele ku hiseriwa wona siku rin'wana ni rin'wana, ri herisa ni xivandla lexo hlawuleka xa yena.

Daniele 9:27

Hi nkarhi wa malembe ya 7, mufumi loyi ú ta sindzisa lavo tala leswaku va tirhisana na yena; kutani loko ku hundzile malembe manharhu na hafu, ú ta sivela vanhu ku tlhava swifuwo swa magandzelo kumbe ku humesa nhlengo. Ú ta hatla a tirha swa yena swa manyala, a onhetela hinkwaswo; kambe ku herisiwa ka muonhi loyi, Xikwembu xi ku bohile khale, kutani ku ta n'wi wela hi xitshuketa.’ ”