Daniele 7:18 - BIBELE Mahungu Lamanene

¹⁸ Kambe vahlawuriwa va Loyi a nga henhla-henhla va ta nyikiwa mfumo wu va wa vona hilaha ku nga heriki.’

Xitsonga (Bibele)

¹⁸ kambe vahlawuriwa va La nge henhlahenhla va ta hiwa ku fuma, kutani va ta fuma hi masiku ni le mikarhini leyi nga riki na ku hela.’

Daniele 7:18 Referans Kwoze

Daniele 7:27

Matiko hinkwawo ni vukosi bya wona lebyo dzuneka swi ta nyikiwa vahlawuriwa va Loyi a nga henhla-henhla; ku fuma ka vona ku nga ka ku nga heli, matiko hinkwawo ma ta va nkhinsamela ni ku va tirhela.’

Nhlavutelo 5:10

U va endlile tiko, ni ku va vaprista lava tirhelaka Xikwembu xa hina, kutani va ta va tihosi emisaveni.”

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.

Daniele 7:22

Kambe eku heteleleni, ku humelela Loyi a a ri kona ku sukela khale, yena Loyi a nga henhla-henhla, kutani a avanyisela vahlawuriwa va yena etimhaka ta vona, kutani ku fika nkarhi lowu vahlawuriwa lava va nyikiwaka vuhosi.

Pisalema 45:16

We hosi, vana va wena va ta tshama exiluvelweni xa vatata wa wena, u ta va veka tindhuna etikweni hinkwaro.

Vaefesa 1:3

A ku nkhensiwe Xikwembu, Tata wa Hosi ya hina Yesu Kriste, lexi nga hi katekisa eka Kriste hi minkateko ya moya ya tinxaka-xaka, ehenhla matilweni:

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.

Vaefesa 6:12

Hikuva a hi lwi ni vanhu va misava leyi, kambe hi lwa ni mimoya leyo biha leyi nge henhla emimpfhukeni: Hi lwa ni tindhuna, ni vafumi, ni tihosi leti fumaka ta nguva leyi ya munyama.

Luka 1:33

Ú ta fuma rixaka ra Yakobo hilaha ku nga heriki; vuhosi bya yena byi nga ka byi nga vi na makumu.”

1 Vakorinto 6:2

Xana a mi tivi leswaku vahlawuriwa va Xikwembu va ta avanyisa misava xana? Kutani loko misava yi avanyisiwa hi n'wina, xana a swi mi lulamelanga ku avanyisa mitengonyana leyitsongo xana?

Nhlavutelo 22:5

Vusiku a byi nga ha vi kona, a va nga ha lavi ku vonakala ka rivoni kumbe ka dyambu, hikuva Hosi Xikwembu xi ta va ku vonakala ka vona, kutani va ta fuma hilaha ku nga heriki.

Pisalema 49:14

Va ta khayimeriwa exivandleni xa vafi kukota tinyimpfu, rifu ri va rona murisi wa vona; va ta rhelela esirheni, xiyimo xa vona xi ri karhi xi onhaka, va nga ha tshami etindlwini ta vuhosi.

Esaya 14:2

Vanhu va matiko man'wana va ta heleketa Vaisraele loko va tlhelela etikweni ra vona; kambe vanhu lava va ta fika va hundzuka mahlonga ya Vaisraele etikweni ra HOSI Xikwembu; lava a va khomile Vaisraele va va yisa evukhumbini, va ta hundzuka makhumbi ya Vaisraele, ni vanhu lava a va xanisa Vaisraele, va ta fumiwa hi vona.

Daniele 7:14

Kutani a nyikiwa vuhosi ni ku dzuneka ni matimba, leswaku vanhu va tinxaka hinkwato lava vulavulaka tindzimi to hambana-hambana va n'wi tirhela; vuhosi bya yena byi ta va kona hilaha ku nga heriki, ku fuma ka yena a ku nga herisiwi hi munhu.”

Daniele 7:17

a ku: ‘Swivandzana leswa mune, swi komba tihosi ta mune leti ti nga ta va kona laha misaveni.

Daniele 7:25

Hosi ya kona yi ta sandza Loyi a nga henhla-henhla, vahlawuriwa va yena, yi ta va xanisa, yi hundzuluxa milawu ya minkhuvo ya vona, kutani va ta wela emavokweni ya yona nkarhi wo ringana malembe manharhu na hafu.

Obadiya 1:17

“Entshaveni ya Siyoni, van'wana va ta pona; ntshava leyi yi ta va yi hlawulekile. Va ka Yakobo va ta tlhela va kuma leswi nga swa vona.