Daniele 7:15 - BIBELE Mahungu Lamanene

¹⁵ Daniele a engeta a ku: “Moya wa mina a wu nga ri na ku rhula, swivono leswi ndzi swi voneke a swi ndzi pfumata vurhongo.

Xitsonga (Bibele)

¹⁵ “Mina, Daniele, ndzi twe mbilu ya mina yi ri ni nhlomulo exikarhi ka mina, ni swivono swa nhloko yanga swi ndzi tshukisa.

Daniele 7:15 Referans Kwoze

Daniele 7:28

“Mhaka leyi yi helela kwala. Loko a ri mina Daniele, miehleketo ya mina yi ndzi pfumate vurhongo, yi ndzi basulukisa ni xikandza, kambe a ndzi swi byelanga munhu.

2 Petro 1:14

Hikuva ndza swi tiva leswaku ku rhurha ka mina emirini lowu wa mina ku le kusuhi, hilaha Hosi ya hina Yesu Kriste yi ndzi kombeke hakona.

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Daniele 7:1

Hi lembe ro sungula ra ku fuma ka Belxatsara hosi ya le Babilona, Daniele loko a etlele, ú lorhile norho, a vona ni xivono, kutani a tsala norho wa kona ni timhaka ta wona,

Daniele 4:5

Kutani loko ndzi etlele, ndzi lorha norho lowu wu nga ndzi chavisa, ndzi twa nhloko ya mina yi pfuma hikwalaho ka xivono lexi ndzi xi voneke.

Daniele 2:3

Kutani a ku ka vona: “Ndzi lorhile, kutani moya wa mina wu karhatekela ku tiva nhlamuselo ya norho wa kona.”

Daniele 2:1

Hi lembe ra vumbirhi ra ku fuma ka yena, Nebukadnetsara a lorha milorho yo tala, kutani a karhateka emoyeni, vurhongo byi nga ha phahi.

Yeremiya 17:16

A hi mina ndzi nga ku sindzisa ku vanga makhombo; hambi nkarhi wa maxangu, a hi mina ndzi va naveleleke wona; wena wa swi tiva, hikuva ndzi vulavurile emahlweni ka wena.

Genesa 41:8

Nimixo hosi Faro a a karhateka emoyeni, kutani a rhuma vanhu va ya vitana vangoma hinkwavo va tiko ra Egipta ni tintlhari ta rona hinkwato. Loko Faro a va rungulerile norho wa yena, a ku vanga na un'we exikarhi ka vona loyi a koteke ku n'wi byela nhlamuselo ya kona.

Daniele 4:19

Kutani Daniele la thyiweke vito ra Beltexatsara, a miyela nkarhi wo leha a chava ku boxa mhaka. Kutani hosi Nebukadnetsara a ku: “We Beltexatsara, norho ni nhlamuselo ya wona swi nga ku pfilunganyisi miehleketo.” Daniele a hlamula a ku: “N'wini wanga, norho lowu a wu kongome eka lava va ku vengaka, ni nhlamuselo ya wona a yi kongomisiwe eka valala va wena!

Daniele 8:2

Loko ndzi ri karhi ndzi langutisisa xivono xa kona, ndzi tikuma ndzi ri le Xuxani, entsindza wa xifundzha xa Elamu. Eka xivono xexo, a ndzi yimile kusuhi ni nambu wa Ulayi.

Daniele 10:16

Kambe a khumba nomo wa mina hi voko ra yena; kavaloko ririmi ra mina ri ntshunxeka, ndzi sungula ku vulavula na yena a ha yimile emahlweni ka mina, ndzi ku ka yena: ‘We N'wini wanga, ndzi tlhavekile ngopfu hi mhaka ya xivono lexi, kutani sweswi ndzi titwa ndzi nga ha koti nchumu.