Daniele 7:14 - BIBELE Mahungu Lamanene

¹⁴ Kutani a nyikiwa vuhosi ni ku dzuneka ni matimba, leswaku vanhu va tinxaka hinkwato lava vulavulaka tindzimi to hambana-hambana va n'wi tirhela; vuhosi bya yena byi ta va kona hilaha ku nga heriki, ku fuma ka yena a ku nga herisiwi hi munhu.”

Xitsonga (Bibele)

¹⁴ Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Daniele 7:14 Referans Kwoze

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Daniele 7:27

Matiko hinkwawo ni vukosi bya wona lebyo dzuneka swi ta nyikiwa vahlawuriwa va Loyi a nga henhla-henhla; ku fuma ka vona ku nga ka ku nga heli, matiko hinkwawo ma ta va nkhinsamela ni ku va tirhela.’

Yohane 3:35

Tatana ú rhandza N'wana, kutani ú vekile swilo hinkwaswo emavokweni ya yena.

Daniele 2:44

“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Matewu 28:18

Kutani Yesu a va tshinelela, a vulavula na vona, a ku: “Ndzi nyikiwile vuhosi hinkwabyo etilweni ni la misaveni;

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.

Luka 1:33

Ú ta fuma rixaka ra Yakobo hilaha ku nga heriki; vuhosi bya yena byi nga ka byi nga vi na makumu.”

Mikiya 4:7

Lava lamaleke, va ta va masalela ya mina, lava hlongoriweke, ndzi ta va endla rixaka ra matimba; kutani mina HOSI ndzi ta va mufumi wa vona entshaveni ya Siyoni, ku sukela sweswi ni hilaha ku nga heriki.

Obadiya 1:21

Valamuleri va ta tlhandlukela entshaveni ya Siyoni, leswaku va fuma va le ntshaveni ya Esawu. HOSI Xikwembu hi xiviri, hi xona xi nga ta va hosi.

Daniele 3:4

Kutani mutivisi wa timhaka ta tiko a huwelela swinene, a ku: “N'wina hinkwenu vanhu va tinxaka hinkwato, n'wina mi vulavulaka tindzimi to hambana-hambana, xileriso xa hosi hi lexi:

Daniele 2:35

Hiloko nsimbhi ni vumba ni koporo ni silivhere ni nsuku swi fayekela hinkwaswo, swi sileka swi sala swi fana ni mungu exivuyeni; kutani moya wu swi hahisa, swi nyamalala. Kambe ribye leri beke xifaniso, ri kula ri hundzuka ntshava, ri khubumeta misava hinkwayo.

Esaya 60:12

Vanhu va matiko lama alaka ku ku tirhela, va ta herisiwa; matiko walawo ma ta hlaseriwa, ma sala ma ri marhumbi.

Pisalema 146:10

HOSI Xikwembu xi ta fuma hilaha ku nga heriki, hi xona Xikwembu xa wena, we muti wa Siyoni, hi minkarhi ni minkarhi! Dzunisani HOSI!

Pisalema 145:13

Vuhosi bya wena i bya minkarhi hinkwayo, u ta va mufumi hilaha ku nga heriki. [Marito hinkwawo ya HOSI Xikwembu ma ni ntiyiso, rirhandzu ra xona ra vonaka emintirhweni ya xona hinkwayo.]

Pisalema 45:6

We hosi, u fana ni Xikwembu, u ta fuma hilaha ku nga heriki, nhonga ya vuhosi bya wena yi ta tisa ku lulama.

Pisalema 8:6

U n'wi nyikile ku fuma swilo leswi mavoko ya wena ma swi vumbeke, u vekile hinkwaswo swi va hansi ka minkondzo ya yena:

Yohane 12:34

Ntshungu wu n'wi hlamula, wu ku: “Hi twile eNawini leswaku Mesiya ú ta hanya hilaha ku nga heriki; u nga vurisa ku yini wena, leswi u nge: ‘N'wana-wa-Munhu ú fanele ku tlakuriwa’ xana? I mani N'wana-wa-Munhu loyi xana?”

Luka 10:22

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana leswaku i mani, loko a nga ri Tatana; naswona a ku na loyi a tivaka Tatana leswaku i mani, loko a nga ri N'wana, ni loyi N'wana a lavaka ku hlavutela Tatana eka yena.”

Daniele 7:18

Kambe vahlawuriwa va Loyi a nga henhla-henhla va ta nyikiwa mfumo wu va wa vona hilaha ku nga heriki.’

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Daniele 4:3

“Swikombiso swa xona i swikulu ngopfu, ni mahlori ya xona a hi ku chavisa ka wona! Ku fuma ka xona a ku na ku hela, ni vuhosi bya xona byi ta va kona hilaha ku nga heriki.

Pisalema 102:22

loko vanhu va matiko ni tihosi ta vona va ta va va hlengeletanile kona ku xi gandzela.

Pisalema 72:17

Vito ra mufumi wa tiko a ri tiviwe hilaha ku nga heriki, a ri twakale hinkwako ehansi ka dyambu. Vanhu hinkwavo a va navelelane minkateko hi vito rero, matiko hinkwawo ma tlangela yena n'wini wa rona.

Pisalema 72:11

Tihosi hinkwato a ti n'wi nkhinsamele, vanhu va tinxaka hinkwato va n'wi tirhela.

1 Petro 3:22

yena loyi a yeke etilweni, kutani sweswi ú le vokweni ra xinene ra Xikwembu, tintsumi ni vafumi ni leswa matimba swi ri ehansi ka yena.

Nhlavutelo 1:6

a hi endla tiko, ni ku va vaprista lava tirhelaka Xikwembu Tata wa yena, eka yena Kriste a ku ve ku dzuneka ni matimba, hilaha ku nga heriki! Amen.

Esaya 16:5

Enkarhini wolowo, ku ta vekiwa hosi exiluvelweni xa Davhida, leyi nga ta fuma hi tintswalo ni ku tshembeka; yi ta avanyisa hi ndlela leyinene, yi nge tshiki ku endla leswi lulameke.

Daniele 2:37

We hosi, u hosi leyikulu ku tlula tihosi hinkwato. Xikwembu xa le matilweni xi ku nyikile ku fuma, ni matimba lamakulu, ni ku twala.

Pisalema 103:19

HOSI Xikwembu xi vekile xiluvelo xa xona ematilweni, vuhosi bya xona byi le henhla ka swilo hinkwaswo.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.