Daniele 7:12 - BIBELE Mahungu Lamanene

¹² Kutani swivandzana leswin'wana swi tekeriwa matimba yo fuma, kambe swi pfumeleriwa ku engeta swi hanya malembenyana ma nga ri mangani.

Xitsonga (Bibele)

¹² Loko swi ri swivandza swin'wana, swi tekeriwa vuhosi bya swona, kambe swi engeteriwa ku hanya nkarhi wun'we ni nkarhinyana wun'wana.

Daniele 7:12 Referans Kwoze

Daniele 8:7

Kutani ndzi vona xiphongho lexi xi ri karhi xi tshinelela khuna, xi ri mpfhumpfhela, xi fika xi ri gemba, xi ri tshova timhondzo hi timbirhi ka tona. Khuna rona a ri nga ri na matimba ya ku tilwela; kutani xiphongho xi ri wisela hansi, xi ri kandziyela, ku ri hava na munhu loyi a nga ri lamulelaka.

Daniele 7:11

“Ndzi ya emahlweni ndzi languta, hikuva a ka ha twala mpfumawulo wa marito yo tikurisa ya rimhondzo. Kuteloko ndza ha xiyaxiya, xivandzana lexa vumune xi dlayiwa, miri wa xona wu herisiwa hi ndzilo.

Daniele 7:13

Loko ndzi ri karhi ndzi vona xivono lexi nivusiku, “ku humelela loyi a fanaka ni n'wana wa munhu, a ta hi le mapapeni, a fika a tivisiwa eka Loyi a a ri kona ku sukela khale.