Daniele 6:24 - BIBELE Mahungu Lamanene

²⁴ Hiloko hosi yi lerisa leswaku ku tisiwa vavanuna lava hehleke Daniele; kutani vona ni vana va vona ni vasati va vona va hoxiwa ekheleni ra tinghala, kutani tinghala ti va tlulela, ti va phatlulela va nga si fika ni le hansi.

Xitsonga (Bibele)

²⁴ Kutani hi ku lerisa ka hosi, ku tisiwa vavanuna valavo lava hehleke Daniele, va hoxiwa ekheleni ra tinghala vona, ni vana va vona, ni vasati va vona; kutani va nga si fika ehansi ekheleni, tinghala ti hatlisa ti va khoma, ti tshova marhambu hinkwawo ya vona.

Daniele 6:24 Referans Kwoze

Esaya 38:13

“Ndzi konyile, ri ko ri xa, hikuva a wu tshova marhambu ya mina, wonge u nghala; siku hinkwaro, we HOSI, u le ku ndzi hetiseni.

Estere 7:10

Hosi yi ku: “Hayekani yena Hamani eka tona!” Kutani va hayeka Hamani etimhandzeni leti a a ti dzimerile ku hayeka Mordekayi eka tona. Kutani vukari bya hosi byi vohla.

Pisalema 54:5

ú ta ba valala va mina a va bela vubihi bya vona. We Xikwembu, leswi u tshembekeke, va herise va ku bi!

Estere 9:25

kambe loko Estere a yile eka hosi, yi humesile xileriso lexi tsariweke, leswaku makungu lawa yo biha lawa Hamani a a ma endlerile Vayuda, ma tlhela ma vangela yena n'wini wa wona ekhombo, ni leswaku yena Hamani ni vana va yena va hayekiwa etimhandzeni.

2 TIHOSI 14:6

Kambe vana va swigevenga leswi, a nga va dlayanga; ú yingisile leswi Muxe a swi tsaleke ebukwini ya milawu, laha HOSI Xikwembu xi leriseke xi ku: “Vatswari a va nga dlayeriwi swidyoho swa vana va vona, na vona vana a va nga dlayeriwi swidyoho swa vatswari va vona. Munhu un'wana ni un'wana ú ta fela swidyoho swa yena.”

Duteronoma 24:16

“Vatswari a va fanelanga ku fela swidyoho swa vana va vona, na vona vana va nga ka va nga feli swidyoho swa vatswari va vona; un'wana ni un'wana ú ta fela swidyoho swa yena.

Swivuriso 11:8

Loyi a lulameke wa humesiwa ekhombyeni, kutani ematshan'weni ya yena, ku nghenisiwa lowo homboloka.

Estere 9:10

Vanhu lava va khume a va ri vana va nala wa Vayuda Hamani n'wana Hamedata; kambe Vayuda a va phanghanga swilo swa vona.

Daniele 3:22

Leswi a ku tirhiwa hi ku landzelela nawu wa hosi, ni leswi ndzilo a wu hlanganyetiwile ngopfu, malangavi ya wona ma dlaya tinhenha leti a ti dlidlimbetela Xadraka, na Mexaka, na Abedi-Nego endzilweni.

Swivuriso 19:9

Mbhoni ya mavunwa yi nge phonyoki, yi ta biwa, munhu wo hemba ú tivangela rifu.

Yeremiya 34:17

Hikokwalaho mina HOSI ndzi ri, a mi ndzi yingisanga, hikuva a mi ntshunxanga varikwenu, a mi humesanga vamakwenu evuhlongeni. Kutani yingisani, mina HOSI ndzi ta mi nyiketa ku dlawa hi matlhari ni mintungu ni tindlala. Vanhu va matiko hinkwawo va ta vona khombo ra n'wina lero chavisa.